HOSEA 2:18 - Sura' Madatu

¹⁸ Sia la Kupotumaiko tontong sae lakona, la Kupotumaiko tete dio kamaloloan sia unnola salunna, tete dio kamasokanan sia kamamasean.

HOSEA 2:18 Referans Kwoze

YEHEZKIEL 34:25

La untananNa’ misa’ basse kamarampasan sola tau iato mai sia la Kusarapai tu mintu’ olo’-olo’ masuru lan mai tondok iato, naurunganni ma’din torro marampa’ tu tau iato mai dio padang aak sia mamma’ lan lu pangala’.

YEREMIA 23:6

Iake alloNa iatu to Yehuda la dikarimmanni sia iatu to Israel la torro marampa’, na iatu sanganNa la nasa’bu’ tau: PUANG tu oto’na kamaloloanta.

YESAYA 2:4

Sia Ia la umpaolai salunna tu mai mintu’ bangsa sia urra’ta’ kara-karana mintu’ bangsa kapua; tau iato mai la’bo’na nagaraga tengko bassi, sia iatu dokena nagaraga sae’; iatu mai bangsa tang la umbua’mo la’bo’na la unnea bangsa senga’ sia tae’mo anna la melada’ tu tau parari.

PA’PUDIAN 46:9

Maimokomi untiroi tu penggauranNa PUANG, tu umpabu’tu kasanggangan lan lino,

YESAYA 65:25

Iatu guruk na domba sibaa ungkande riu, sia iatu singa la ungkande dalame susi sapi, sia iatu barra’-barra’ la napotuo ula’; tae’ nala umpogau’ kadake sia tae’ nala umpabu’tui tu mesangganginna dao lili’na buntu maindanKu, kadanNa PUANG.

AYUB 5:23

Belanna la siallu’ko tu mai batu dio lu padang, sia sikaeloko olo’-olo’ dio lu kapadanganna.

ZAKHARIA 14:9

Sia PUANG la dadi datu lan mintu’ lino; allo iato la misa’ri tu PUANG sia iatu sanganNa la misa’ dukari.

ZAKHARIA 14:4

Allo iato la mellese tu lette’Na dao buntu Saitun, tu dio tingayo Yerusalem rampe matallona; attu iato iatu buntu Saitun la tipa’dua ma’palulako rampe matallo sia lako rampe matampu’, dadi misa’ lombok tarru’ kapua, iatu sesena buntu iato menono’ ma’palurekke, na iatu sangsesena pole’o menono’ ma’palusau’.

ZAKHARIA 3:10

Attu ia dukato, kadanNa PUANGna mintu’ ma’dandan maritik la pada mitambai tu solami diong lu garonto’ anggoro’ sia diong lu garonto’ saitun.

ZAKHARIA 2:11

Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

YEREMIA 33:16

Allo iato iatu Yehuda la dirampanan na iatu Yerusalem la torro marampa’, anna sangai tau tu tondok iato: PUANG tu kamaloloanta.

YEREMIA 30:10

Iamoto da mumataku’, e Yakub taungKu, kadanNa PUANG, da mutiramban, e Israel, belanna tonganna la Kurampanangko lan mai tondok mambela sia mintu’ bati’mu lan mai tondok dinii male umpali’ko; la sulemo tu Yakub anna rapa’ sia torro marampa’, na moi misa’ tau tae’ umpatirambanni.

YESAYA 26:1

Allo iato iatu nanian iate la napopenani tau lan tana Yehuda nakua: Den kami tu kota matoto’ki; kamakarimmanan Nabentenganni sia Natambakukuanni Puang.

YESAYA 2:17

Allo iato la dipatunduk tu mintu’ kamasuangganna tolino sia la dipampa lu rokko tu mintu’ kamatampoanna pia muane, PUANG manna tu layuk misa.

YESAYA 2:11

Mintu’ patiro solo’na tau la dipamadiongan, sia kamatampoanna to mala’bi’ la dipampa lu rokko, anna allo iato PUANG manna tu la layuk misa.

PA’PUDIAN 23:2

Ia umpamamma’na’ dio to’ inan maluna riunna, sia Ia ussolan mana’pana’ lako to’ uai ma’tan.

ZAKHARIA 9:10

Attu iato la Kuputtai tu mintu’ kareta dio mai Efraim sia darang dio mai Yerusalem, sia ia duka tu pana dipake parari; sia la umpakalelean kamarampasan lako mintu’ bangsa, sia iatu kaparentanna la randuk dio mai tasik sae lako tasik sia dio mai Salu sae lako randan langi’.

AYUB 5:22

La mupetaai tu kasanggangan sia karorian sia tae’ mula ungkataku’i tu olo’-olo’ masuru.

PA’PUDIAN 148:10

Mintu’ olo’-olo’ lampung sia manaranna, sia mintu’ mendonglo’na, sia manuk-manuk kepani’.

YESAYA 32:18

Iatu taungKu la torro lan inan kamarampasan sia lan banua nanii kasode-sodean, lan inan karapasan tu tang narandan kamasussan.

YEHEZKIEL 39:1

E iko ma’rupa tau, ma’nubua’ko lako Gog, ammu ma’kada kumua: Inde sia tu kadanNa Puangta PUANG, Nakua: Manassa la Kulaoiko, e Gog, arung tarompo’na Mesekh na Tubal.

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.