HOSEA 2:16 - Sura' Madatu

¹⁶ Ondongpi, la Kupatoyang dio mai pudukna tu mintu’ sanga Baal, naurunganni tae’mo nala ussa’bu’i tau iato mai tu sanganna.

HOSEA 2:16 Referans Kwoze

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

HOSEA 2:7

Apa tae’ natandai, kumua Akumo tu mangka umbenni gandung, anggoro’ ba’ru sia minna’, sia Aku duka mangka umpopemba’karanni tu salaka sia bulaan, tu napake umpenombai Baal.

YEREMIA 3:14

La mengkatoba’komi, e mintu’ anak pabali-bali, kadanNa PUANG, belanna Akumo tu Puangmi, sia Akumo la unnalakomi simisa’ lan mai misa’ kota, nasida’dua, ke sangpa’rapuanoi angKu solangkomi lako Sion.

KADA OMBO’ LAKO RASULU’ YOHANES 19:7

Sipatuki’ parannu paiman sia sende pakadua, sia sipatu tapangke’ tu Puang, belanna nalambi’mo tu attunNa Anak domba ma’rampanan kapa’ sia sakka’mo tu baine Narampanni kapa’.

2 KORINTUS 11:2

Belanna mangimburuna’ lako kalemi umpopangimburu kapangimburuanNa Puang Matua, apa mangkamokomi kupasitumaean misa’ muane, la kupatingo butung misa’ anak dara masero lako Kristus.

YOHANES 3:29

Iatu ampunna baine la dirampanni kapa’, iamotu muane la urramppanni kapa’; apa iatu sangmuanena muane la diparampo, ke’de’ umperangii, lendu’ parannunna belanna narangi gamaranna tu muane la diparampo; na totemo te sundunmo tu kaparannuangku.

KADADIAN 34:3

La’ka’mi tu penaanna sia masinna lako anak dara iato, nasede-sedemi tu penaanna anak dara iato.

TO PARENGNGE’ 19:3

Ke’de’mi tu muanena undi unnula’i la umpakatana penaanna bainena, anna solanni sule; den tu misa’ taunna nasolan sia keledai sangayoka. Nasolammi baine iato tama banuanna ambe’na. Iatonna tiromi ambe’na baine iato tu to Lewi, parannumi penaanna male untammui.

RUT 2:13

Ma’kadami tu Rut nakua: Napa’pekitanan tonganmo puangku lako kaleku tu kamaturu-turuanna, belanna mipakatanamo’ sia ma’kada melokomi lako te taummi, moi anna tae’ kupada susi misa’i tu mintu’ taummi.

YESAYA 40:2

Ma’kadakomi la umpamanamanni tu penaanna to lan Yerusalem, pemandui meoli lako kalena, kumua upu’mo tu mintu’ kamasarasanna sia tila’bakmo tu mintu’ salana; naappa’mo penduan manglokkon dio mai limanNa PUANG belanna mintu’ kasalanna.

YEHEZKIEL 20:35

Angku baakomi lako padang pangallaranna mintu’ bangsa sia umpaolaikomi salu inde to dio anta sitiro lindo.