HOSEA 2:14 - Sura' Madatu

¹⁴ Sia la Kuben tu pa’lak anggoro’na dio, sia iatu lombok Akhor la Kupopendadi misa’ ba’ba pa’rannuanan. Sia attu iato la menani pole’ susi tonna mangura, iamo tonna sun lan mai tondok Mesir.

HOSEA 2:14 Referans Kwoze

KADA OMBO’ LAKO RASULU’ YOHANES 12:6

Mallaimi tu baine iato lako padang aak; inde to, den misa’ inan Naparandananni Puang Matua, kumua anna didaranai inde to dio sangsa’bu duaratu’ annan pulona allona.

YESAYA 30:18

Iamoto ma’tayan-tayan duka tu PUANG la ungkamaseikomi sia la bendan duka, anNa karimmannikomi, belanna PUANG iamo Puang Matua tu umpogau’ kamalamburan, maupa’ tu mintu’ to untayannI!

KADA OMBO’ LAKO RASULU’ YOHANES 12:14

Dibenmi baine iato tu da’dua pani’ langkan maega kapua, kumua anna kullei mettia’ lako padang aak, lako to’ inanna, tu inan dinii undaranai lan misa’ attu sia lan dua attu sia lan sangsese attu, mambela dio mai pakitanna ula’.

KADADIAN 34:3

La’ka’mi tu penaanna sia masinna lako anak dara iato, nasede-sedemi tu penaanna anak dara iato.

YOHANES 6:44

Moi misa’ tau tae’ nama’din sae lako Kaleku, ke tae’i Napatilaoi Ambe’ ussuaNa’, tu penaanna; na Aku la umpamalimbangunni ke allo katappurannai lino.

HOSEA 2:3

Sia tae’ angKu kamasei tu mai anakna, belanna bati’ dadi lan penggauran sala.

YEHEZKIEL 20:10

Kusolammi tu tau iato mai sun lan mai tondok Mesir sia Kubaa tama padang pangallaran.

YEREMIA 16:14

Iamoto, manassa la sae tu allona, kadanNa PUANG, ke tae’mi nakuai tau: La lelukraka tuoNa PUANG, tu ussolan to Israel lan mai tondok Mesir.

YEREMIA 2:2

Maleko umpokadai anna rangii mintu’ tau lan Yerusalem, kumua: Nakua kadanNa PUANG: Kukilalaipa tu kamamalirammu tommu mangura sia pa’kaboro’mu tommu ma’rampanan kapa’, tommu turu’Na’ lan padang pangallaran, iamotu dio lu padang tang dipantananni.

PA’TENDENG BALLO 1:4

Rendenna’ angki sarra’i undi. Nasolammo’ Datu tama bilikna, melo ke unnarrakkan umposendekomi sia umpudi tu mali’mi losong na iatu uai anggoro’! Sipatukomi nakasinnai tau!

TO PARENGNGE’ 19:3

Ke’de’mi tu muanena undi unnula’i la umpakatana penaanna bainena, anna solanni sule; den tu misa’ taunna nasolan sia keledai sangayoka. Nasolammi baine iato tama banuanna ambe’na. Iatonna tiromi ambe’na baine iato tu to Lewi, parannumi penaanna male untammui.

YOHANES 12:32

IangKu dipakendekmo diong mai te lino, la Kupatilao nasang tu penaanna tau, anna sae lako Kaleku.

AYUB 36:16

Susimoto tu Puang unnarankomi lan mai sadang kamaparrisan lu lako padang malona’, tu tae’ anggenna, sia lako medamu, tu munii kumande manaman sia ponno kande sanda malompo.

YEHEZKIEL 20:33

La lelukraka tuoKu, kadanNa Puangta PUANG, manassa la Kuparentakomi lima matoto’ sia takia’ tie’te sia la Kupabarrakkikomi kare’dekan ara’Ku.

MIKHA 4:10

Malimukku-mukkuko sia melallakko, e anak dara Sion, susito manguria’; belanna totemo la tassu’ko lan mai kota, ammu torro dio lu padang sia la rampoko lako Babel. Inde to dio la dinii urrampanangko; inde to dio la Nanii PUANG ullendokangko lan mai limanna ualimmu.

YESAYA 5:5

Iamoto la Kupokadangkomi totemo tu apa la Kugauranni tu pa’lak anggoro’Ku kumua: La Kulalakki tu rompo durinna, anna taloi olo’-olo’ sia la Kukakei tu tembo’na anna disilessakki.

YEREMIA 45:4

Susite tu la mupokada lako, Nakua kadanNa PUANG: Iatu apa mangka Kubangun Aku kalena la usseranni sule, na iatu apa mangka Kutanan Aku kalena la undu’dukki sule.

MIKHA 1:7

Sia mintu’ rapang-rapang dipodeata dipa’na la dipoka, sia pamenganna tu dipennoloan lako deata la diballa api, sia mintu’ rapang-rapang dipodeatanna la Kunisak-nisak, belanna iatu saro bu’tu lu dio mai pa’gau’ salana naallianni tu rapang-rapang dipodeata narampun, na iatu apa iato la dadi duka saro gau’ sala.