Biblia Todo Logo
Bib sou entènèt

- Piblisite -




HOSEA 2:13 - Sura' Madatu

13 Iamoto manassa la Kunaran sia la Kusolan tama padang pangallaran sia la ma’kada malamma’Na’ lako kalena.

Gade chapit la Kopi




HOSEA 2:13
44 Referans Kwoze  

Iatonna dikambi’imo, dipedia’imi tu tau iato mai. Iatonna dia’mo umpamadaomi penaanna: iamoto anna tang ungkilalaiNa’.


Napogau’mi to Israel tu apa kadake dio pentiroNa PUANG, tang nakilalaimo tu PUANG, Kapenombanna, sia umpengkaolaimo mintu’ Baal sia Asyera.


Iake ma’kadai tu Efraim, tiramban tu tau, anna matande dio lu to Israel, apa natumang Baal, iamoto nakasalan, anna mate.


Saditamba-tambainna tu tau iato mai, sauntoyang-toyanganora kalena; memala’ lako mintu’ Baal sia mantunu dupa lako mintu’ rapang-rapang dipodeata dipa’.


Umba nakua? Bokomokomi sia papatean sia pasandak salu lako rampanan kapa’ sia umpalao sumpa tang tongan sia memala’komi lako Baal sia mengkaola lako kapenomban, tu tang mitandai –


Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.


Ondongpi nakalupaimo Israel tu To tumampana sia umpabendan tongkonan layuk, tonna marassan to Yehuda umpebudai kota ditambakuku. Apa la Kupasonglo’ tu api tama kota iato mai, anna purai nakande tu mintu’ tambakukunna.


Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.


Umbaa pemala’ dao lu bottona mintu’ buntu sia umpennoloan pemala’ ditunu dao lu mintu’ tanete, iamo tu diong to’ garonto’ pallin, libne sia tarpin, belanna masakka’ naonganni. Iamoto anna ma’gau’ sala tu anakmi baine sia pasandak salu tu minintummi baine.


Apa tae’ natandai, kumua Akumo tu mangka umbenni gandung, anggoro’ ba’ru sia minna’, sia Aku duka mangka umpopemba’karanni tu salaka sia bulaan, tu napake umpenombai Baal.


Iamoto manassa la Kurompo duri tu lalanmu sia la Kupaampangi rinding tembo’, naurungan tae’mo nakabu’tui lalanna.


Inde sia tu kadanNa Puangta PUANG: Belanna tae’mo mukilalaiNa’ sia mutananniMo’ boko’, iamoto la mupassan tu pakkanna gau’ salamu sia passulobongimmu.


Lan tangngamu den tu to ungkande pappe’ sia unneloranni tu tau umpatibollo rara; mupalaku tu denne’ sia musanta’ tu denne’ sia muperarai sia mupakario-rio tu padammu rupa tau, apa iatu Aku tae’mo mukilalaiNa’, kadanNa Puangta PUANG.


Sia muala duka tu belo bulaan sia salaka, tu Kukamaseangko, ammu garaganni kalemu rapang-rapang muane dipodeata, tu musigau’ salan.


Iamoto, nakua kadanNa PUANG, Kapenombanna to Israel, lako mintu’ to mangkambi’ tu ungkambi’ taungKu, kumua: Mipasisarak-sarak sia miula’ tu dombaKu sia tae’ mikaritutui; tonganna la Kupapakkanni tu mintu’ penggauran kadakemi, kadanNa PUANG.


Moi anna susito, tang nakilalai dukaNa’ taungKu; memala’ duka lako apa tae’ gai’na. Iamoto anna titodo tu tau iato mai dio lu lalanna, iamotu lalan masainna, belanna unnola lalan tang dibatatta,


Belanna pada bilanganna tu mintu’ tondokmu, pada dukato tu mupa’deatainna, e to Yehuda, sia pada bilanganna tu mintu’ lalan lan Yerusalem, pada dukato tu inan pemalaran tu mipabendanan deata dipotattan, iamotu inan pemalaran tu minii umpennoloan pemala’ ditunu lako Baal.


Denraka misa’ baine mangura tang ungkilalai belona, ba’tu misa’ baine diparampo tang ungkilalai pepori aakna? Apa taungKu masai allomo tang ungkilalaiNa’.


Belanna mukalupai tu Puang Matua oto’na kasalamarammu sia tang mukilalaimo tu Buntu batu pentirerungammu. Iamoto ammu garaga pa’lak ballo, sia mutananni tananan to salian lembang.


Sia nakalupaimo tu Puang Matua, To ullendokanni, tu mangka umpogau’ apa kapua dio tana Mesir.


Apa ta’pa tang nakilalai tau iato mai tu penggauranNa, sia tae’mo anna tayanni tu pa’timbanganNa;


Sia tang nakilalaimo tau iato mai tu mintu’ penggauranNa, sia mintu’ tanda kalle-kalleanNa, tu Napa’pekitanammo lako kalena.


Dipasusimoto tu to tang ungkilalai tu Puang Matua, sia ka’tumo tu apa narannuan to tang mekaaluk.


Sia napabendan sule tu inan madao, tu mangka nasanggang Hizkia, ambe’na, sia nabangunan Baal tu inan pemalaran sia nagaragai tu lentong kayu di podeata, susi mangka napogau’ Ahab, datu Israel, sia tukku menomba dio tingayona mintu’ ma’dandan maritik dao langi’ sia mengkaola lako.


Susimoto tu Yehu umputtai Baal lan mai Israel.


Tobangmi tu Ahazia dao mai to’ tarali, dao mai bilik mengkadaoanna dio Samaria, anna masaki. Nasuami tu pesuanna sia ma’kada lako tau iato mai, nakua: Malekomi lako Baal-Zebub, deatanna to Ekron, la umpekutananni ba’tu la matana siara’ka dio mai te sakingku, tae’moraka.


Apa naboko’imo tu PUANG, Kapenombanna, iamoto anNa sorongi tu tau iato mai tama limanna to Filistin sia tama limanna to Moab, anna sirari tau iato mai.


Napogau’ pole’omi to Israel tu apa kadake dio pentiroNa PUANG; umpenombai tu mintu’ Baal sia Astoret sia kapenombanna Aram, Sidon sia Moab, sia kapenombanna to Amon sia to Filistin, apa iatu PUANG naboko’imo sia tae’mo napengkaolai.


Iatu Buntu batu, tu umpadadiko, musa’biangan, ammu kalupaimo Puang Matua, tu mangka umpatiroiko padang kalua’.


Attu iato kanandai tu kalemu, da mukalupai tu PUANG, tu ussolangko tassu’ lan mai tondok Mesir, lan mai inan minii dipokaunan.


Totemo malemoko, solanni te bangsa iato lako inan, tu Kupokadangko; malaeka’Ku la undoloangko, apa ianna allo kapa’balarangKu, la Kupabala’i tu kasalanna tau iato mai.


la kakadakeammi, la iatu kakadakeanna nene’ to dolomi, kadanNa PUANG; belanna untunumo dupa dao buntu sia umbe’seNa’ dao mintu’ tanete, iamoto anna ia bunga’na la Kusuka’ tama rianna tu pakkan penggauranna.


Sia Kupalakoi baba’ tu illongmu, sia Kutoke’i anting-anting tu talingammu sia Kupasongko’iko makota ballo.


Dio lu mintu’ kota Yehuda sia dio lu mintu’ batatta Yerusalem la Kupa’dei tu arrak kaparannuan sia kamaruasan sia gamara to ma’rampanan kapa’, belanna tondok iate la sanggangmo.


Iatu mintu’ lalan lako Sion madu’sen, belanna tae’ tau sae umpakaraya pa’gauran; iatu mintu’ babanganna makarorrong, mintu’ to minaanna sisumarroan, mintu’ anak dara dio dosso inaa, sia ia kalena mapa’di’ penaanna.


Tae’mo to matua lan lu babangan tondok, natoreimo pia muane umpannoni katapinna.


Attu iato la Kupopembali passanda bolong tu mintu’ pa’gaurammi sia la Kupopembali bating tu mintu’ naniammi. Attu iato la Kupatambeke’i nasangkomi sanda bolong sia la Kupopa’galettung tu mintu’ ulu. Iatu kapassanda-bolongan la Kupabutung sanda-bolong diona anak tungga’ sia iatu ma’katampakanna la susi allo nanii kamaparrisan.


Swiv nou:

Piblisite


Piblisite