HOSEA 2:12 - Sura' Madatu

¹² Susimoto la Kunii unnukungi diona tu mintu’ allo, nanii untunu pemala’ lako mintu’ Baal sia umbeloi kalena ma’sissin, sia ma’manik-ata sia undi urrundu’ to nasigau’-salan, apa iatu Aku nakalupaiNa’, kadanNa PUANG.

HOSEA 2:12 Referans Kwoze

YESAYA 7:23

Sia la dadi dukato allo iato, kumua iato pa’lak nanii sangsa’bu garonto’ anggoro’ dolona, tu keangga’ sangsa’bu batunna salaka, la nanii duka tuo duri sia a’da’.

YESAYA 5:5

Iamoto la Kupokadangkomi totemo tu apa la Kugauranni tu pa’lak anggoro’Ku kumua: La Kulalakki tu rompo durinna, anna taloi olo’-olo’ sia la Kukakei tu tembo’na anna disilessakki.

HOSEA 13:8

La Kudammak tu tau iato mai susito beruang sisayuran anakna, Kuserekki tu barangkangna, angKu ampello’i susito singa birang, anna olo’-olo’ dio lu padang umbesse-besei.

HOSEA 2:5

Iamoto manassa la Kurompo duri tu lalanmu sia la Kupaampangi rinding tembo’, naurungan tae’mo nakabu’tui lalanna.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

HOSEA 9:1

Da musende-sende, e Israel, ammu mela’tek-la’tek, susi mintu’ bangsa, belanna sorong boko’moko dio mai Kapenombammu sia pasandak salu lako rampanan kapa’, ammu kamorai saro gau’ sala dao lu mintu’ panglulluran gandung.

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

YEREMIA 8:13

La Kurampun tu bua kapatongananna tu tau iato mai, kadanNa PUANG: dio lu garonto’ anggoro’ tang membua sia dio lu garonto’ ara tang membua, ondongpi iatu daunna malayumo; sia tang napalan penaanna tu apa Kukamaseanni.

YESAYA 29:17

Tang sangattu’moraka anna dipopembali pa’lak ballo tu Libanon sia iatu pa’lak ballo totemo la dibilang pangala’ tamman attu iato?

PA’PUDIAN 80:12

Napopendolok tu mai tangkena sae tama tasik, sia mintu’ lolona sae tama Salu.

YEREMIA 5:17

Bangsa iamoto la umpurai nakande tu bura padangmu sia rotimmu, sia la ummangsanni tu mai anakmu muane sia baine, sia la umpurai nakande tu mintu’ dombamu sia sapimmu sia ia duka la umpurai nakande tu bua anggoro’mu sia bua ara sia ia duka la ussanggangi pa’dang tu mintu’ tondok ditambakukummu tu murannuan.

YEREMIA 13:26

Sia Aku kalena la ungkalili’i tu biring dodomu sae langngan lindomu anna payan tu mupomasiri’na,

HOSEA 5:14

Belanna susiNa’ misa’ singa lako Efraim sia susi misa’ singa mangura lako bati’na Yehuda. Aku, Akumo la usserek-serekki, Kumane male; la Kusintak, natae’ misa’ tau la urrampananni.