HOSEA 2:11 - Sura' Madatu

¹¹ Attu iato la Kusanggang tu mai garonto’ anggoro’na sia garonto’ arana, tu napobannang ma’kada kumua: Iamo to tu saroku tu nabenna’ to kusigau’-salan. La Kupopempangala’ napurai mintu’ olo’-olo’ dio lu padang.

HOSEA 2:11 Referans Kwoze

AMOS 5:21

Kukabiri’ sia Kupamatuna tu pa’gaurammi sia tang Kuporai unnudukki tu bau allo kapuammi.

AMOS 8:5

tu ma’tangnga’-tangnga’ kumua: Sangapapira nalendu’ tu bulan ba’ru, angki ma’din umbalukan gandung sia allo katorroan, angki ma’din umpatassu’ gandung dibalukan; angki pabitti’i tu epa sia umpakapua sikele’ sia ma’pakena umpake timbangan tang tongan,

YEREMIA 7:34

Dio lu mintu’ kota Yehuda sia dio lu mintu’ batatta Yerusalem la Kupa’dei tu arrak kaparannuan sia kamaruasan sia gamara to ma’rampanan kapa’, belanna tondok iate la sanggangmo.

YEREMIA 16:9

Belanna nakua kadanNa PUANGna mintu’ ma’dandan maritik, Kapenombanna to Israel, kumua: Tonganna la Kupa’dei tu arrak kaparannuan sia kamaruasan sia gamara to ma’rampanan kapa’ dio pentiromi sia iato ke linomipi.

NAHUM 1:10

Belanna, moi sibintan susi duri, sia malango susito kabiasanna malango –, inang la dimangsanni tarru’ tu tau iato mai susi dalame marangke.

AMOS 8:3

Allo iato iatu mintu’ nanian lan Banua Kabusungan la membali kasumarroan, kadanNa Puangta PUANG. La makamban tu batang rabuk. Umba-umba nii Puang tu umpasilentenanni. Kappakomi.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

YEHEZKIEL 26:13

La Kupa’dei tu penaniammu sia oni katapimmu tae’mo nala dirangi len.

YEREMIA 25:10

Sia la Kupatoyang dio mai padang iato tu arrak kaparannuan sia kamaruasan, sia gamara to ma’rampanan kapa’, sia oni pangrissoan sia mintu’ arrang palita.

1 DATU 12:32

Napamanassami Yerobeam tu allo kapua lan bulan ma’pengkarua, allo ma’pessangpulo limanna bulan iato, susitu allo kapua dio Yehuda, anna kendek langngan inan pemalaran iato. Susimoto napogau’ dio Betel anna pemalaranni tu pemala’ lako anak sapi nagaragai. Na iatu to minaa tu biasa memala’ dao inan madao, tu mangka naangka’, ba’tu pempiran-piranmo nasua memala’ dio Betel.

HOSEA 5:7

Umpogau’mo tang maruru’ tu tau iato mai lako PUANG, belanna kianak bule’mo. Iake nalambi’ (oi) bunga’ sombona bulan ma’din narampoi kasaburan sisola tu mai iananna.

SURA’ KATOMINAAN 26:20

Anna iatu kamabukuammi mipake sala, belanna iatu padangmi tang la membura sia iatu kayu lan pa’lak tang la membua.