HOSEA 14:5 - Sura' Madatu

⁵ La Kuparapa’ tu kamembokoranna tau iato mai, la kalebu tallang tu penaangKu ungkamasei, belanna iatu kasengkeangKu toyangmo dio mai kalena.

HOSEA 14:5 Referans Kwoze

YESAYA 35:2

La loboran sia membunga sia sikumalasi-lasian, la sikumalasi-lasian tongan sia siarrakan. Na mintu’ kamala’biranna Libanon dikamaseammi sola kameloanna Karmel sia Saron; tau iato mai la untiro kamala’biranNa PUANG sia kamaballoanNa kapenombangki.

YESAYA 27:6

Iake attu undinna la mennuaka’ tu Yakub, sia la menta’bi na mentado’ tu Israel, naurunganni situtu’ burana tu lino.

EFESUS 3:17

anNa torroi Kristus tu penaammi tete dio kapatonganan sia ammi mennuaka’ sia keparandangan lan pa’kaboro’,

MATIUS 6:28

Sia ma’apari miposelangi tu diona tamangkale? Tangnga’-tangnga’ri tu diona danga-danga dio lu padang, umbara nakua tuona; tang la mengkarang sia, tang la mangunu’sia.

PA’PUDIAN 72:16

Sangapaoi anna untonda alanna tu gandung dio lu padang, sia anna lo’le-lo’le tu buanna dao lu mentanetena susi kayu dio Libanon, sia ia duka tu to ma’tondok marumbo butung riu dio lu padang.

AYUB 29:19

Iatu uaka’ku ullambi’ uai sia ma’bongi tu ambun dio tangkeku.

PA’TOLE 32:2

Iatu pangadarangku la to’do ten to uran, iatu kadangku to’do-to’do susito ambun, susi uran kamban unta’pai riu maluna, sia susito uran bara’ unta’pai mennutanna,

MIKHA 5:7

Sia iatu to torronapa Yakub la dio lu mintu’ to sangpetayanan sia la lan lu ba’tu pira-pira budanna bangsa susi misa’ singa dio lu olo’-olo’ lan pangala’, sia sangtini misa’ singa mangura dio lu tuntunan domba. Iake tamai inde to dio nadammak sia nase’bu’-se’bu, na moi misa’ tau tae’ urrampananni.

YESAYA 44:3

Belanna aku la umbolloi uai tu be’ko’na sia salu’-salu’ tu kamarangkeanna; la Kupasaruranni PenaangKu tu bati’mu sia rongko’Ku tu lanto mimi’mu.

YESAYA 26:19

Mintu’ taumMi tu matenamo la tuo sule, sia batang rabukku duka; mintu’i la pada malimbangun. Millikkomi sia kumalasi-lasikomi, e kamu sola nasang, tu to diong litak! belanna iatu damo’Mi iamo damo’ paarrang; sia iatu litak la ullua mintu’ to mangka mate.

YESAYA 18:4

Belanna nakua tu kadanNa PUANG lako kaleku: La mari’piNa’, angKu ma’penunu lan mai inanKu, susi ke mapana’i sarrang allo, sia susi rambu roya ke mapana’i allo lan attu peparean.

PA’PUDIAN 72:6

Sangapaoi anna sitinti uran dilangi’ unta’pai padang dibela’i, sia sitinti uran umbanasa ussakka’i kuli’na padang.

2 DATU 19:30

Sia iatu bati’na Yehuda tu tilendokna sia tinampena la mennuaka’ pole diong sia membua dao.

2 SAMUEL 23:4

Iamo la ten to arrang melambi’, ke berre’i allo, ke melambi’ tang saleburan: iamo ke attu mari’ uran, anna mellolo tu mai tananan diong mai padang.

LUKAS 12:27

Tangnga’-tangnga’ri tu diona danga-danga, umbara nakua tuona; tang la mangunu’ sia tang la ma’tannun sia, na Kukua lako kalemi: Moi Salomo nakabu’ mintu’ kamala’biranna tae’ nadipakei susitu danga-danga sangtangke.

PA’TENDENG BALLO 4:5

Iatu susummu patomali sangtinti da’dua anak kijang rapi’ tu undaka’ kande dio lu to’ danga-danga.

PA’TENDENG BALLO 2:16

Iatu andi’ pa’kaboro’ku aku puangna na iatu aku ia puangna, tu mangkambi’ lan lu to’ danga-danga,

SARAMBU PEADA’ 19:12

Iatu kasengkeanna datu susito burrungna singa mangura, apa iatu kamasokananna susito ambun dio to’ riu.

PA’PUDIAN 80:9

Mibuakmo sia Mipalengka’ tu sangto’ anggoro’ dio mai tana Mesir, ammi ula’i lao tu mintu’ bangsa, Mitananni tu kayu iato.

PA’PUDIAN 92:12

parannuna’ untiroi tu kasangganganna to undakaranna’ kakadakean sia parannuna’ urrangi kasangganganna to umbalina’.

PA’PUDIAN 133:3

Sangtinti to ambun dao mai Hermon, tu undamo’i mintu’ buntunna Sion, belanna inde to Nanii umpasonglo’i PUANG tu rongko’, iamotu katuoan tontong sae lakona.

YESAYA 45:8

Tumarantankomi, e langi’, sia e mintu’ salebu’, patibolloi tu uran kamaloloan; la tikillang tu lipu daenan, anna tuo tu kasalamaran, sia pada napopellolo kamaloloan; Akumo, tu PUANG, tu umpaden nasangi te.

PA’PUDIAN 92:13

Iatu to malambu’ la lobo’ ten to koroma, sia la longke butung kayu arasi’ dio Libanon:

YESAYA 12:1

Allo iato la ma’kadako mukua: La kupudi-pudikomi, o PUANG, belanna moi amMi sengkeina’, apa meremo tu sengkeMi, Mipakatanamo’.

YESAYA 57:18

Kutiromo tu lalanna tau iato mai, angKu pamatanai sia la Kurenden mana’pa, sia la Kupakatana pole’ sule tu mai masussana.

YESAYA 57:19

Aku umpadenni tu pa’pudi-pudian nagente’ lila: Marampa’, marampa’ tu to mambela sia to mandappi’, kadanNa PUANG; sia la Kupamatana tu tau iato mai.

YEREMIA 3:22

La mengkatoba’komi, e mintu’ anak pabali-bali, angKu popa’runduanangkomi sule dio lu kapusammi. Tonganna indemokanni, saekanni lako Kalemi, belanna Kamumo PUANG, Kapenombangki.

YEREMIA 32:41

Sia la parannuNa’ diona tau iato mai sia la umpogau’Na’ melona lako sia la Kupatorro tontong lan tondok iate situang kaponnoan penaangKu sia deatangKu.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

MIKHA 7:18

Mindara tu Kapenomban susi Kamu, tu umpagarri’ kakadakean sia umpaboko’i kapatodo-tintinganna mana’ torroNapa, tu tang unnanna kasengkeanNa tontong sae lakona, sangadinna umpopaiman kamasokanan!