HOSEA 14:4 - Sura' Madatu

⁴ Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.

HOSEA 14:4 Referans Kwoze

YESAYA 57:18

Kutiromo tu lalanna tau iato mai, angKu pamatanai sia la Kurenden mana’pa, sia la Kupakatana pole’ sule tu mai masussana.

YESAYA 12:1

Allo iato la ma’kadako mukua: La kupudi-pudikomi, o PUANG, belanna moi amMi sengkeina’, apa meremo tu sengkeMi, Mipakatanamo’.

ZEFANYA 3:17

Iatu PUANG, Kapenombammu, lan lu tangnga’mu, iamotu to lalong mangrampanan. La parannu tu Puang umposendeko, la umpakappa kaleNa tete dio pa’kaboro’Na; la mela’tek sia unnarrak umpopaimanko.

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

YEREMIA 3:22

La mengkatoba’komi, e mintu’ anak pabali-bali, angKu popa’runduanangkomi sule dio lu kapusammi. Tonganna indemokanni, saekanni lako Kalemi, belanna Kamumo PUANG, Kapenombangki.

YEREMIA 14:7

Moi anna iatu kakadakeangki bendan titanan sa’bi unneakan, o PUANG, pogau’i tu iannato diona sangamMi. Belanna tarru’ memboko’mokan, sia lako Kalemi kinii kasalan.

TITUS 3:4

Apa iatonna sombomo tu kamasokananNa Puang Matua, To pakarimmananta, sia pa’kaboro’Na lako tolino,

2 TIMOTIUS 1:9

Tu mangka ungkarimmanniki’ sia mangka untambaiki’ petamba masero, tangia sitinaya penggauranta, sangadinna situru’ tanan penaanNa Kalena sia pa’kamasean, inang dolo dikamaseangki’ tete dio Kristus Yesu na iatu tipamulanna attu,

EFESUS 1:6

la umpabu’tuanni kadipudian tu kamala’biran pa’kamaseanNa, tu Napa’kamasean lako kaleta lan Pa’kaboro’Na.

ROMA 3:24

sia dikamasei bangri nadibilang malolo tete dio pa’kamaseanNa Puang Matua, belanna pangla’bakNa Kristus Yesu.

HOSEA 11:7

Manassa iatu taungKu tontong bang memboko’ dio mai Kaleku. Moi anna meongli’ langngan PUANG, inang tae’ Nala unnendekanni.

YEREMIA 33:6

Tonganna la Kupasikemun tu bangkena sia la Kupamondo sia la Kupamatana tu tau iato mai sia la ungkamaseanni kamakarimmanan sebo tu tae’ upu’na.

YEREMIA 17:14

O PUANG, pamatanana’ angku matana; tunduina’ angku makarimman belanna Kamumo tu kapudiangku.

YEREMIA 8:22

Tae’raka balsen dio Gilead, tae’ raka misa’ to ma’dampi? A’a ma’apai tu bangkena anakna baine bangsaku natang sikemun?

YEREMIA 5:6

Iamoto anna dammakki singa lan mai pangala’ tu tau iato mai sia nasanggangi guruk lan mai padang aak sia naodo’ arimau buluh tu mintu’ kotana, naminda-minda tu tassu’ lan mai la nase’bu-se’bu, belanna budamo tu kasalanna sia tang dikemba’mo tu kakelokanna.

PA’PUDIAN 78:38

Apa belanna kamamaseanNa Naseroi tu salana tau iato mai sia tae’ Nasabu’i; nenne’ poleo’I unta’tan sengke budanNa, sia untemme’ ara’ rumeke-mekeNa.

KADIBILANGAN 25:11

Iatu Pinehas, anakna Eleazar, anakna to minaa Harun, umpara’dai tu kare’dekan ara’Ku dio mai to Israel, belanna maparrang tongan dio lu tau iato mai umpakala’bi’Na’, iamoto natae’mo Kumaparrang ussabu’i tu to Israel.

KADIBILANGAN 25:4

sia ma’kada tu PUANG lako Musa, Nakua: Alami tu mintu’ pangulunna bangsa iato, ammu toke’i dio tingayona to buda la umpamatande PUANG, kumua anna soro’ tu kare’dekan ara’Na PUANG dio mai Israel.

KATASSURAN 15:26

Sia ma’kadapa tu Puang, Nakua: Iake muperangii tonganni tu kadanNa PUANG, Kapenombammu sia mupogau’ tu apa malambu’ dio oloNa sia mutananni talinga duammu tu mintu’ pepasanNa sia mukaritutui tu mintu’ apa Napondok, manassa mintu’ tu saki Kupata’pa lako to Mesir, moi misa’ tae’ la Kupata’pa lako kalemi, belanna Akumo PUANG, To ma’dampimmu!

YESAYA 55:1

E kamu mintu’ to ma’rang, maikomi lako to’ uai, sia e kamu to tae’ doi’na, maikomi mangalli sia kumande; maikomi, allii tu uai anggoro’ sia pangandu’ tang naolai doi’ sia tang dibaya’.

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

YEHEZKIEL 33:14

Sia iake ma’kadaNa’ lako to tang mekaaluk kumua: Manassa la mateko apa mengkatoba’ dio mai kasalanna sia umpogau’i tu salunna sia kamaloloan –

YEHEZKIEL 36:36

La naissan mintu’ bangsa torronapa untikuikomi, kumua Akumote, tu PUANG, umbangunni sule tu apa sanggangmo sia untananni tu apa talo. Akumote, tu PUANG, mangka umpokadai tu iannato sia Aku dukamo la umpogau’i.

PA’PUDIAN 10:14

Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.

PA’PUDIAN 20:8

Den tu tau ussattuan kareta, sia den ussattuan darang, apa iatu kita ussattuangki’ sanganNa PUANG Kapenombanta.

HOSEA 2:19

La Kupotumaiko tete dio kamarurusan, ammu tandai tu PUANG.