HOSEA 14:3 - Sura' Madatu

³ Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

HOSEA 14:3 Referans Kwoze

PA’PUDIAN 68:5

Penanianni tu Kapenomban, pakendekanni pa’pudian tu sanganNa, ranteanni batattaNa tu To ma’kareta dio lu padang alla’; iatu sanganNa digente’ PUANG, ammi lo’dok to kaiyangan dio oloNa.

PA’PUDIAN 10:14

Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.

HOSEA 14:8

Tau iato mai, tu torro umpentionganni, natananni pole’ gandung. Ondongpi la menta’bi susitu garonto’ anggoro’, nakalelean susito uai anggoro’ Libanon.

HOSEA 5:13

Iatonna perasai sakinna tu Efraim, sia iatonna ussarroan bundangna tu to Yehuda, malemi tu Efraim lako Asyur sia mesua lako datu Passirarian. Apa tae’ anna iate umpamalekekomi, tae’ anna ia la umpamondoi tu bundangmi.

HOSEA 2:17

Iake allo iato la sibasseNa’ tu olo’-olo’ dio lu padang napomeloi tau iato mai, sia iatu manuk-manuk dao lu langi’ sia olo’-olo’ mendonglo’ dao kuli’na padang. Attu iato la Kule’to tu pana sia pa’dang sia mintu’ pa’buno lan tondok, angKu patorro marampa’i tu tau iato mai.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

YESAYA 30:16

Sangadinna mikua: Tangia, apa tete dio makkanarang angki la matira’; iamo tola mallai dukakomi; mikua: La ussakeikan darang malinta’; iamoto namintu’ tu to unnula’komi la malinta’ duka.

PA’PUDIAN 33:17

Iatu darang misa’ parea tang lolo’ la umpabu’tu kapataloan, sia liu matoto’na tae’ nabelai merampanan.

YOHANES 14:18

Tae’ Kula untampekomi ammi biung, la suleNa’ lako kalemi.

HOSEA 12:1

Nalilingi bangMo’ Efraim ma’kada mo’rang sia bati’na Israel ma’pakena bang – na iatu Yehuda tontong bang umbali-bali Puang Matua sia To tarru’ maindan, tu maruru’ bang.

HOSEA 8:9

Belanna malemo lako Asyur. Iatu misa’ keledai lampung messarak ia, apa Efraim umpatassu’ pamengan la napa’gau’ – salan.

HOSEA 8:6

Tonganna bu’tu dio duka mai Israel, tu misa’ apa nagaraga pande, apa tangia misa’ kapenomban. Tonganna la dinisak-nisak tu anak sapi Samaria.

HOSEA 7:11

Susi bang bu’ku’ baga tu Efraim, tae paissanna. Natambai tu Mesir la untundui, namaleo lako Asyur.

YEHEZKIEL 37:23

Tae’mo anna ruttakki rapang-rapang dipodeatanna tu kalena sia apa megallianna sia mintu’ kapatodo-tintinganna, sangadinna la Kurampanan tu tau iato mai dio mai kamembokoranna, tu napobannang kasalan, sia la Kupamasero, naurunganni iatu tau iato mai Kupotau na Aku napoKapenomban.

YEHEZKIEL 36:25

La Kubura’komi uai masero, ammi masero; la Kupamaserokomi dio mai mintu’ kamaruttakammi sia dio mai mintu’ rapang-rapang dipodeatammi.

YESAYA 36:8

Totemo melo ke sitangga’komi puangku, datu Asyur, angku benkomi darang duangsa’bu, ke mibela dukai umpadenni tu tau la ussakei.

YESAYA 31:3

Apa iatu to Mesir tolino duka, tangia Puang Matua, sia mintu’ darangna ma’a’gan duku’, tangia penaa; iake unnangka’i limanNa tu PUANG, titongko’ tu to patunduan anna songka tu to ditundui, anna sanggang sola nasangi.

YESAYA 30:2

Tu male rokko Mesir, apa tang umpekutanan kadangKu, la morai umpentilindungi Firaun sia la umpentionganni Mesir.

YESAYA 27:9

Iamoto anna dipa’dei tu salana Yakub sia iamote tu mintu’ buanna kadiseroianna kasalanna, kumua iatu mintu’ batu pa’paisungan nanisak-nisak susi susu batu, naurunganni tae’mo te’dek tu mai lentong dipodeata sia inan pemalaran dinii untunu dupa.

YESAYA 2:20

Allo ia dukato iatu mai tau la untibe mintu’ rapang-rapang dipodeata salaka sia bulaan tu nagaraga la napenombai, nabuangan balao sola ledo.

YESAYA 1:29

La masiri’komi natumang tu mintu’ tarpin mangka mikamali’, sia maila’komi napobua’ tu mintu’ pa’lak pura mipilei langsa’.

PA’PUDIAN 146:9

PUANG urrinding pala’ to sae, sia ungkulambu taruno pia biung sia baine balu, apa iatu lalanna to tang mekaaluk Naempai.

PA’PUDIAN 146:3

Da misande’ lako tu mai to la’bi’, ba’tu lako ma’rupa tau tu tae’ kasalamaran dio.

2 OSSORANNA DATU 16:7

Attu iato saemi Hanani, to patanda-tandan lako Asa, datu Yehuda, sia ma’kada lako nakua: Belanna umposande’komi datu Aram, natae’ miposande’ PUANG, Kapenombammi, iamoto na iatu surodadunna datu Aram tilendokmo dio mai limammi.

PA’TOLE 17:16

Apa tae’ nama’din la umpatuo buda darang sia iatu bangsa tae’ na la ussolanni sule lako Mesir, kumua anna allii buda tu darang, belanna mangkamo Napokada PUANG, Nakua: Iate lalan iate tae’mo mila unnola lenni sule.

ZAKHARIA 13:2

Sia allo iato, kadanNa PUANGna mintu’ ma’dandan maritik, la Kuputtai tu sanga dipa’deatainna lan mai tondok iato, naurunganni tae’ lenmo nala ungkilalai tau iato mai; sia ia duka tu mintu’ nabi sia penaa bulituk la Kupa’dei lan mai tondok.

YEREMIA 49:11

La kukaritutui tu mintu’ anak biungmu sia melo ke rannu lakoi kaleku tu mintu’ baine balummu.

HOSEA 4:12

Iatu taungKu mekutana lako kayunna, natekkenna ma’patudu. Belanna misa’ penaa ma’patudu lako gau’ sala umpapusa tau iato mai, naurunganni ma’gau’ sala umboko’i Kapenombanna.

HOSEA 13:2

Totemo napatontong duka umpogau’ kasalan sia nagaragai rapang-rapang dipodeata dipati’no’ tu salakana, iamo tu rapang-rapang dipodeata nagaragai unturu’ inaanna; mintu’nato panggaraga pande bulaan. Napokadammi tau tu diona tau iato mai: iatu to memala’, iamo unnudung anak sapi.

YUNUS 2:10

Mangkato Nasuami PUANG tu bale iato ulluai tu Yunus langngan karangkeanna.