HOSEA 14:1 - Sura' Madatu

¹ Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

HOSEA 14:1 Referans Kwoze

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

HOSEA 12:6

iamo tu PUANG, Kapenombanna mintu’ ma’dandan maritik, PUANG tu sanganNa.

YEREMIA 4:1

Iake la mengkatoba’ko e Israel, kadanNa PUANG, ma’dinko sule lako Kaleku sia ia ke mutibei tu apa megallian dio mai pentiroKu, manassa tae’mo mula mallai,

HOSEA 13:9

Iamoto tu kasanggangammu, e Israel, belanna mubali-baliNa’ tu Topatunduammu.

BATING 5:16

Iatu makota tobangmo dao mai ulungki, upu’ alloki, belanna umpogau’mokan kasalan!

HOSEA 5:5

Iatu kamatampoanna Israel kendek duka dio tingayona la titanan sa’bi umpasalai. Iamoto anna songka tu Israel sola Efraim natumang kakadakeanna. Iatu Yehuda la songka duka sola tau iato mai.

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.

YESAYA 19:22

Iatu to Mesir la Napa’dikki liu PUANG anNa pamondoi sule, anna mengkatoba’ lako PUANG sia la Natarima PUANG tu passambayangna sia la Napamondo sule.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

YEHEZKIEL 33:14

Sia iake ma’kadaNa’ lako to tang mekaaluk kumua: Manassa la mateko apa mengkatoba’ dio mai kasalanna sia umpogau’i tu salunna sia kamaloloan –

HOSEA 4:8

Tau iato mai unnappa’ kandena dio mai kasalanna taungKu sia iatu kamoraianna ma’palulako kakelokanna.

HOSEA 9:7

Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.

HOSEA 10:12

Mangambo’komi situang kamalamburan, mebura padangkomi situang kamamasean, bungka’komi padang ba’ru. Iake susito, nalambi’mo attunna la undaka’ PUANG, kumua anNa sae sia umpasaeangkomi uran kamaloloan.

HOSEA 12:8

Iatu Kanaan – lan lu limanna tu timbangan ma’pakena, ia umpogau’ pakira-kira.

2 DATU 8:12

Nakuami tu Hazael: Ma’apai mitumangi’ra? Mebalimi nakua: Belanna kutandai tu mintu’ kadake la migauran to Israel: la miballa tu bentengna sia la mipatei pa’dang tu mai pia muanena sia la miru’puk-ru’puk tu mai pia’-pia’na sia la miballak tu mai baine ma’tambuk.

YEHEZKIEL 16:46

Iatu sangbaine kapuamu iamotu Samaria, tu sola anakna baine torro dio rampe rekkena muninna; na iatu sangbaine bitti’mu, tu torro dio rampe sau’na muninna, iamotu Sodom sola tu mai anakna baine.

HOSEA 9:13

Iatu Efraim, susitu mangka Kutiro, butung Tirus, tu ditanan lan misa’ pa’lak; apa totemo inang la nasorong Efraim tu anakna lako to papatean.

AMOS 1:13

Inde sia tu kadanNa PUANG Nakua: Belanna tallu tu kapatodo-tintinganna to Amon, ondongpi belanna a’pa’, iamoto natae’ Kula undampai to. Belanna naballak tu baine ma’tambukna to Gilead, la umpakalua’ lili’na,