HOSEA 13:6 - Sura' Madatu

⁶ Iatonna dikambi’imo, dipedia’imi tu tau iato mai. Iatonna dia’mo umpamadaomi penaanna: iamoto anna tang ungkilalaiNa’.

HOSEA 13:6 Referans Kwoze

PA’PUDIAN 10:4

Nakua tu to tang mekaaluk naturu’ a’gan matampona, kumua: Tae’ ia Namepapakkanni tu Puang; belanna iatu mai passanganna nakua: Tae’ ia Kapenomban.

NEHEMIA 9:35

Moi anna unnampui misa’ kadatuan tu tau iato mai, moi amMi benni pa’kamase kapua, sia moi amMi benni padang kalua’ sia malompo, apa tae’ napengkaolaiKomi sia tae’ namorai mengkatoba’ dio mai gau’ kadakena.

PA’TOLE 32:18

Iatu Buntu batu, tu umpadadiko, musa’biangan, ammu kalupaimo Puang Matua, tu mangka umpatiroiko padang kalua’.

HOSEA 10:1

Iatu Israel misa’ garonto’ anggoro’ loboran; satarri’-tarri’na tu buanna, sanarangngan-rangnganninna tu inan pemalaranna, samelo-melona tu padangna, sanaballo-balloinna tu batu dipodeata.

HOSEA 8:4

Unnangka’mo datu, apa napasalianNa’, sia unnangka’ arung, natae’ Kuissanni. Iatu mai salakana sia bulaanna nagaragamo rapang-rapang dipodeata napourunganni dipisanni.

HOSEA 2:13

Iamoto manassa la Kunaran sia la Kusolan tama padang pangallaran sia la ma’kada malamma’Na’ lako kalena.

YESAYA 17:10

Belanna mukalupai tu Puang Matua oto’na kasalamarammu sia tang mukilalaimo tu Buntu batu pentirerungammu. Iamoto ammu garaga pa’lak ballo, sia mutananni tananan to salian lembang.

SARAMBU PEADA’ 30:9

Dikua da kupeonganniKomi, ke kala’biammo’ sia da kuma’kada kumua: Mindara tu PUANG? sia da duka kuboko, kenarampoina’ kabongkoan sia da kutodotinting sanganNa Kapenombangku.

YEREMIA 5:7

Umba la Kukua umpa’dei tu kasalammu? Mintu’ anakmu untampeMo’ sia umpalao sumpa umposissareanni tu tangia kapenomban. IatongKu mangkamo umpedia’i, ullullu’omira tananan dapo’ sia tontong bangmo lan banua lonte.

YEHEZKIEL 23:35

Inde sia tu kadanNa Puangta PUANG: Belanna tae’mo mukilalaiNa’ sia mutananniMo’ boko’, iamoto la mupassan tu pakkanna gau’ salamu sia passulobongimmu.

YEHEZKIEL 28:5

Diona kamatarrusammu sia kamaluteammu ma’balili mutontong umpakerangngan iananmu, sia napomatampomo penaammu tu iananmu.

HOSEA 2:7

Apa tae’ natandai, kumua Akumo tu mangka umbenni gandung, anggoro’ ba’ru sia minna’, sia Aku duka mangka umpopemba’karanni tu salaka sia bulaan, tu napake umpenombai Baal.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

HOSEA 4:7

Sabuda-budanna tu tau iato mai, samandu-mandunna kasalan lako Kaleku. Iamoto angKu popembalii kamatunan tu kamala’biranna.

HOSEA 7:14

Tae’ duka nadio mai penaanna tu tau iato mai metamba lako Kaleku, ke sumarroi dao patindoanna. Natori’-tori’ piso tu kalena umpalaku gandung sia uai anggoro’ ba’ru; pabali-bali tongan tu tau iato mai lako Kaleku.

HOSEA 8:14

Ondongpi nakalupaimo Israel tu To tumampana sia umpabendan tongkonan layuk, tonna marassan to Yehuda umpebudai kota ditambakuku. Apa la Kupasonglo’ tu api tama kota iato mai, anna purai nakande tu mintu’ tambakukunna.

HOSEA 12:8

Iatu Kanaan – lan lu limanna tu timbangan ma’pakena, ia umpogau’ pakira-kira.

HOSEA 5:14

Belanna susiNa’ misa’ singa lako Efraim sia susi misa’ singa mangura lako bati’na Yehuda. Aku, Akumo la usserek-serekki, Kumane male; la Kusintak, natae’ misa’ tau la urrampananni.