HOSEA 13:5 - Sura' Madatu

⁵ Kutandaimoko lan padang pangallaran, lan padang mampu’.

HOSEA 13:5 Referans Kwoze

PA’TOLE 32:10

Nakabu’tuimi lan padang pangallaran, lan padang lo’bang, tu nanii burungna padang aak. Ia ungkampai sia umpalan penaai, Ia ungkaduttu’i susito mata taunNa.

PA’TOLE 8:15

Iatu Puang ussolangko male ullendu’i padang pangallaran kapua sia metakuran tu nanii ula’ keipo sia te’tek buku, sia iatu padang rangke tang nanii uai; tu umpatassurangko uai lan mai buntu batu laulung,

PA’TOLE 2:7

Belanna iatu PUANG, Kapenombammi, umpamasakkemoko lan mintu’ pengkarangammu. Natandaimo tu kalingkammu ullendu’i padang pangallaran kapua iate; lan te patangpulomo taunna Nanii PUANG, Kapenombammu urrondongki, moi misa’ apa tae’ mukakurangan.

GALATIA 4:9

Apa totemo, tu untandaimokomi Puang Matua, ontongpi Natandaimokomi Puang Matua, umba nakua ammi balik pole’o lako tu aluk lino dolo, tu langga’na sia kalala’na, naurunganni la umpopengkaola pole’omokomi kalemi lako?

NAHUM 1:7

Iatu PUANG masokan sia misa’ pentirerungan lan attu kapussakan; Natandai duka Ia tu mintu’ to umpentirerungI.

PA’PUDIAN 142:3

Umbuangna’ sarroku dio oloNa, sia ussorongna’ kamaparrisangku dio tingayoNa.

PA’PUDIAN 63:1

Pa’pudianna Daud tonna dio padang aak, lili’na Yehuda.

KATASSURAN 2:25

Natiromi Puang Matua tu to Israel sia Nakilalai.

1 KORINTUS 8:3

Apa iake denni tau ungkamali’ Puang Matua, iamo Natandai Puang Matua.

YEREMIA 2:6

Sia tae’ nama’kada tu tau iato mai kumua: Umbara Nanii tu PUANG, tu mangka ussolangkanni tassu’ lan mai tondok Mesir sia unnanta’kan unnolai padang aak sia kalo’tokan, misa’ padang rangke sia nabayo-bayoi kamatean, misa’ padang tu tae’ lenpa nalendu’i sia natorroi tau?

YEREMIA 2:2

Maleko umpokadai anna rangii mintu’ tau lan Yerusalem, kumua: Nakua kadanNa PUANG: Kukilalaipa tu kamamalirammu tommu mangura sia pa’kaboro’mu tommu ma’rampanan kapa’, tommu turu’Na’ lan padang pangallaran, iamotu dio lu padang tang dipantananni.

PA’PUDIAN 31:7

Kukagi’gi’, tu to umpenombai apa tang kebattuan sia tae’ patunna, sia sande’pa’ lako PUANG.

PA’PUDIAN 1:6

Belanna Natandai PUANG tu lalanna to malambu’, apa iatu lalanna to tang mekaaluk ma’palulako kasanggangan.

KADADIAN 31:40

Nala’da’na’ allo keallo sia iake bongi naparrana’ sangkang, sia maroyana’.

HOSEA 5:3

Kutandai tu Efraim sia tae’ duka nakarerungan tu Israel dio oloKu. Tonganna totemo ma’gau’ salamoko, e Efraim, sia urruttakkimoko kalemu, e Israel.

HOSEA 9:10

Kukabu’tuimo tu Israel susi bua anggoro’ dio padang pangallaran; iatu nene’ to dolomi Kutiro susi bua ara bunga’, iamotu pamulanna dio garonto’ ara. Apa tau iato mai male lako Baal-Peor, sia mengkaola lako deata mesirisan; iamoto megallian tu tau iato mai susitu apa nakamali’.