HOSEA 13:2 - Sura' Madatu

² Totemo napatontong duka umpogau’ kasalan sia nagaragai rapang-rapang dipodeata dipati’no’ tu salakana, iamo tu rapang-rapang dipodeata nagaragai unturu’ inaanna; mintu’nato panggaraga pande bulaan. Napokadammi tau tu diona tau iato mai: iatu to memala’, iamo unnudung anak sapi.

HOSEA 13:2 Referans Kwoze

HOSEA 2:8

Iamoto la Kuala sule tu gandungKu, ke attu pegandungan sia uai anggoro’ ba’rungKu, ke attunnai, sia la Kusintak tu bulu dombaKu sia batang ramingKu, tu la napaluangan kalena.

YESAYA 46:6

Tau iato mai umbolloan bulaan lan mai poro’-poro’ sia untimbang salaka dao timbangan; nasaroi tu pande bulaan, anna garaganni rapang-rapang dipodeata namalinguntu’ menomba dio olona.

1 DATU 19:18

Sia diona pa’poraiangKu natorropa dio lu to Israel tu tau pitungsa’bu, iamo mintu’ guntu’ tu tae’ bangpanamalinguntu’ dio tingayona Baal sia mintu’ lindo tu tae’ bangpa naudungi.

YEREMIA 10:4

nabeloi salaka sia bulaan; namanda’i ba’tu pira-pira paku sia napa’tong pepa’tong, kumua da natigoyang.

ROMA 11:4

Apa umbara nakua tu kada dipaomboranni? Den siapa Kupopa’mirringan lako Kaleku pitungsa’bu tu muane, tu tang umpenombainna Baal.

2 TIMOTIUS 3:13

Apa iatu to kadake sia to patangnga’ la samasarrang-sarrangna kakadakeanna ma’papusa sia ia kalena duka pusa.

ROMA 2:5

Apa kamakarrasanna penaammu sia noka mengkatoba’, ammu rampunanni kasengkean tu kalemu sae lako allo kasengkeanNa Puang Matua sia kapayananna ukungan malambu’Na,

HOSEA 11:6

Iatu pa’dang la unta’pai tu mai kotana sia la ussanggangi tu salli’ babangan kotana sia la naimbakan tiku lao, natumang pa’tangngaranna.

HOSEA 10:1

Iatu Israel misa’ garonto’ anggoro’ loboran; satarri’-tarri’na tu buanna, sanarangngan-rangnganninna tu inan pemalaranna, samelo-melona tu padangna, sanaballo-balloinna tu batu dipodeata.

HOSEA 8:6

Tonganna bu’tu dio duka mai Israel, tu misa’ apa nagaraga pande, apa tangia misa’ kapenomban. Tonganna la dinisak-nisak tu anak sapi Samaria.

HOSEA 8:4

Unnangka’mo datu, apa napasalianNa’, sia unnangka’ arung, natae’ Kuissanni. Iatu mai salakana sia bulaanna nagaragamo rapang-rapang dipodeata napourunganni dipisanni.

YESAYA 46:8

Kilalai te iannate sia pabatta’i tu penaammi, e kamu to palutu tombang, palanni penaammi.

YESAYA 45:20

Sipulungkomi ammi pada sae mengkareke’, e kamu tu tilendokmo dio mai ma’rupa-rupa bangsa. Tae’ tangnga’na tu tau iato mai tu umbaa rapang-rapang dipodeata kayu anna penombai tu deata tang nakulle patunduan.

YESAYA 30:1

Upu’ allona tu mai pia pabali-bali, kadanNa PUANG, belanna tau iato mai untampa kasiturusan, apa tang bu’tu lu dio mai Kaleku, sia untanan basse unnea apa bu’tu lan PenaangKu, la untompokki kasalan tu kasalan.

YESAYA 1:5

Apapa gai’mi diada’? Belanna samemboko’-boko’mi bangmo. Mintu’ ulummi sipa’dikan, sia puru’mo tu penaammi.

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

2 OSSORANNA DATU 33:23

Apa tang umpamadiongan kalena dio oloNa PUANG, susi Manasye, ambe’na umpamadiongammo kalena, sangadinna sanarangngan-rangnganninnaora Amon tu salana.

2 OSSORANNA DATU 28:13

sia ma’kada lako tau iato mai nakua: Da misolanni mai tu to dirampa, belanna iatu tanan penaammi tapokasalan dio oloNa PUANG sia umpamakamban kasalanta sia gau’ kadaketa; inang makambanmo tu gau’ kadaketa sia tuomo tu kasengkean unta’pai to Israel.

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

KADIBILANGAN 32:14

Tonganna ke’de’mokomi totemo ussonda ambe’mi, pada budanna tu muane kasalan, la umpasalangngan-langnganna kare’dekanNa PUANG lako to Israel.

YEREMIA 10:8

Iatu tau iato mai baga sia bebe’, belanna tae’ naangga’i tu pangadaran iato, kayu bangsia ia to.

HOSEA 4:17

Iatu Efraim manda’ mengkale’pe’ lako rapang-rapang dipodeata. Elo’na ia!

HOSEA 8:5

Iatu anak sapimmu apa megi’giran, e Samaria! Dukku tu kasengkeangKu la urrampoi tu tau iato mai. Sangapapira tu tau iato mai tang la ma’din diseroi?

HOSEA 10:5

Belanna anak sapi dio Bet-Awen anna selang tu to umpa’tondokki Samaria; ondongpi iatu to buda mario-rio tu diona to, sia silallakan to minaa umpengkaolai rapang-rapang dipodeata, belanna sisayurammo kamala’biranna.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

YESAYA 44:11

Manassa la kasirisan tu to umpengkaolai; iatu mai to pandena tolino bangsia; melo ke sirampunni sangke’deran tu tau iato mai, anna soyang sumanga’ sia la kasirisan tu tau iato.

YEREMIA 8:5

Ma’apai te bangsa iate nadisangai: To sorong boko’ na iate Yerusalem: To sorong boko’ tarru’? La’ka’ bang lako pa’pakena, sia mengkailing tu tau iato mai mengkatoba’.

HOSEA 11:2

Saditamba-tambainna tu tau iato mai, sauntoyang-toyanganora kalena; memala’ lako mintu’ Baal sia mantunu dupa lako mintu’ rapang-rapang dipodeata dipa’.