HOSEA 13:13 - Sura' Madatu

¹³ Narampoi saki susi baine mangurria’, apa iatu Israel susi misa’ pia tang paissan; ianna attunnamo la dadi, tae’ naditibussanan.

HOSEA 13:13 Referans Kwoze

YESAYA 37:3

Ma’kadami tu tau iato mai lako, nakua: Susite tu kadanna datu Hizkia: Allo iate allo kapussakan, sia ukungan sia kadibelleran, belanna la sunmo tu pia, apa tang matoto’ tu indo’na la kianak.

YESAYA 13:8

Sia tiramban tu tau iato mai, ma’paganggang sia narampoi kamaparrisan, mangumbero susito baine manguria’; buyu’ sitiro len tu tau iato mai sia iatu lindona borrong susito api.

YESAYA 26:17

Ten to baine ma’tambuk, iake nalambi’mi attunna, mangumbero sia sumarro mangurria’, ten dukamokan to, o PUANG, dio oloMi.

PA’PUDIAN 48:6

Tonna tiroi tau iato mai tirambanmi, sia mataku’mi sola nasangi namallai.

2 DATU 19:3

Ma’kadami tu tau iato mai lako, nakua: Inde sia tu kadanna Hizkia: Allo iate allo kapussakan sia ukungan sia kadibelleran, belanna la dadimo tu mai pia, apa tae’ tu kamatotoranna indo’na la kianak.

1 TESALONIKA 5:3

Ianna kua tau: Marampa’ sia salama’, pakalan to ke saemi kasanggangan urrampoi, susito baine ma’tambuk mangurria’; anna tae’ nabelai la urrampanan kalena.

SARAMBU PEADA’ 22:3

Iatu to manarang, ke natiroi tu kamandasan, male umpentilindungan kalena, apa iatu to tang unnampui tangnga’ melo umpatarru’ bang pa’inaanna anna ruai kamandasan.

2 KORINTUS 6:2

Belanna susite tu kadanNa: Iake attu dipopaiman Kuperangiimoko, na iake allo kamakarimmanan Kutunduimoko. Tonganna iamote totemo tu attu Napopaiman Puang Matua, tonganna iamote totemo tu allo kamakarimmanan.

PENGGAURANNA RASULU’ 24:25

Apa iatonna uleleanni Paulus tu diona kamalamburan sia diona kauntaloian kale sia iatu kadipaolaian salu, mataku’mi tu Feliks, nama’kada nakua: Da’ito laomoko, nadennopa palambi’ku kutambaiko.

YEREMIA 49:24

Bonnong penaanna tu Damsyik, memboko’mo la male mallai, narampoi katirambanan, narua kapussakan sia kamaparrisan, susito baine manguria’.

YEREMIA 30:6

Mekutanakomi sia tiroi, ke la denni anna kianak tu muane, ma’apai kutiroi tu mintu’ muane untemme’ aakna susito baine mangurria’ sia membali tu rupanna susi lindo to mate?

YEREMIA 22:23

E iko to unno’ko’ dao Libanon sia messerang lan lu kayu arasi’, lendu’ ia sarromu, ke narampoiko tu mintu’ pa’di’, susito baine mangurria’.

YEREMIA 13:21

Apara la mupokada, ke Naangkarangko Puang tu misa’ pangulu iamotu tau biasamo musipalakuan pangan? Tang la ramporaka lako kalemu tu saki susito misa’ baine mangurria’?

YEREMIA 4:31

Belanna kurangi tu misa’ sarro, susi sarrona baine mangurria’ sia sarro sume’den-me’den susi sarrona baine kianak pa’bunga’, iamotu sarrona anak dara Sion; seka-seka tongan sia umpopempala’ limanna, nakua: Upu’alloku, belanna la ka’tumo tu sunga’ku napobua’ to papatean.

YESAYA 66:9

La Kubungka’raka tu inan taunna tau, anna tae’ Kupakianakki? kadanNa PUANG. Ba’tu Akuraka misa’ To umben kakianakan tau, angKu tutu’ pole’i?, kadanna Kapenombammu.

YESAYA 21:3

Iamoto anna ma’parondo nasang tu aakku, naruana’ pa’di’ maparri’, susi pa’di’na baine mangurria’; ma’pakukku’na’, belanna urrangii, sia tiramban tonganna’, belanna untiroi tu iannato.

YOHANES 16:21

Iato ke mangurea’i tu baine, masussa nasa’ding, belanna nalambi’mo attunna; apa ianna dadiammi tu pia, tae’mo nakilalai tu kamaparissan iato, belanna kaparannuanna, apa denmo tau misa’ dadi tama lino.

PA’TOLE 32:6

Susimorakato tu pa’papakkanmi lako PUANG, e iko, bangsa baga sia tang paissan? Tangiaraka Ambe’mu tu umpadadiko, tu untampako sia umpatunannangko?

HOSEA 5:4

Tae’ anna eloranni tu penggauranna la mengkatoba’ lako Kapenombanna. Belanna den penaa pa’gau’ sala torro lan ba’tengna, sia tae’ natandai tu PUANG.

YOHANES 5:4

Belanna den sipissan-pissan namengkalao malaeka’ rokko limbong iato nase’go’i tu uainna; minda-minda tu bunga’na mengkalao rokko tu limbong, ke mangkai tise’go’ tu uai, maleke moi nasaki apa unnalai.