HOSEA 13:11 - Sura' Madatu

¹¹ Kubenmoko misa’ datu situang kasengkeangKu sia Kuala pole’ situang kamagalliangKu.

HOSEA 13:11 Referans Kwoze

1 SAMUEL 10:19

Apa totemo miboko’imo tu Kapenombammi, tu mangka urrampanangkomi lan mai kamaparrisan sia ma’kadakomi, mikua: Moi umba nakua, inang la miangkarangkan misa’ datu. Iamoto, maimokomi mennolo lako PUANG situru’ bilanganna sukummi sia pa’rapuammi.

HOSEA 10:3

Inang ma’kada tu tau iato mai totemo, nakua: Tae’ datunta – apa iake tae’i takataku’ PUANG, apara ma’din napogaurangki’ tu datu.

SARAMBU PEADA’ 28:2

Iake pabali-balii tu pa’tondokan, la buda tu arungna, apa tete dio tau unnampui pakita penaa sia tangnga’ kinaa, nanii marendeng tu atoran malambu’.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 12:13

Totemo tiromi tu datu, tu mitonno’ sia mipalaku. Tonganna Naangkarammokomi PUANG misa’ datu tu umparentakomi.

HOSEA 10:7

La disanggangmo tu Samaria; iatu datunna susi to bulisak naangan uai male.

1 SAMUEL 10:17

Mangkato natambaimi Samuel tu mintu’ tau sirampun lako PUANG dio Mizpa,

1 SAMUEL 15:26

Apa mebali tu Samuel lako Saul nakua: Tae’ kula sule ussolangkomi, belanna mangkamo mitumpu tu kadanNa PUANG; anna tumpu dukakomi PUANG, kumua damo midatui to Israel.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

HOSEA 8:4

Unnangka’mo datu, apa napasalianNa’, sia unnangka’ arung, natae’ Kuissanni. Iatu mai salakana sia bulaanna nagaragamo rapang-rapang dipodeata napourunganni dipisanni.

1 SAMUEL 12:1

Ma’kadami tu Samuel lako mintu’ to Israel, nakua: Manassa kuperangii nasangmo tu mipokadanna lako kaleku sia kutokkoammokomi misa’ datu.