HOSEA 12:9 - Sura' Madatu

⁹ Apa ma’kada tu Efraim nakua: Tonganna, sugi’mo’, na iatu kasugirangku daka’kumo; iatu mintu’ daka’ku, tae’ nadiappa’ tu kakadakean dio kaleku, tu disanga kasalan.

HOSEA 12:9 Referans Kwoze

HOSEA 13:4

Apa Akumo tu PUANG, Kapenombammu, tempon dio mai Mesir, tae’ Kapenomban mutandai sangadinna Aku sia tae’ misa’ to merampanan sangadinna Aku.

2 SAMUEL 7:2

Ma’kadami datu lako nabi Natan, nakua: Aku te unnisungna’ lan tongkonan layuk kayu arasi’ na iatu pattinNa Puang Matua unnisung lan tenda dikulambu.

YOHANES 7:2

Anna mandappi’mo tu allo kapuana to Yahudi, tu allo kapua Pekalumban.

YEREMIA 35:7

Sia da migaragai banua sia da miambo’ banne sia da mitanan anggoro’ ba’tu umpoapai, sangadinna la torrokomi lan tenda sae lako kamateammi anna dipamalambe’ sunga’mi lan tondok minii butung to sae.

PA’PUDIAN 81:10

Da muden umpekalangka’i deata to senga’, sia da mupenombai deata to salian lembang.

EZRA 3:4

Napakaraya dukami tu pa’gauran pekalumban susitu mangka disura’, sia umpennoloan pemala’ ditunu pu’pu’ kiallo-kiallo pada tu dituntunna, sia pada tu dipamanassanna kiallo-kiallo.

KADIBILANGAN 15:41

Akumo tu PUANG, Kapenombammi, tu mangka ussolangkomi dio mai tondok Mesir, la dadi Kapenombammi. Akumo tu PUANG, Kapenombammi.

SURA’ KATOMINAAN 26:13

Akumo tu PUANG, Kapenombammi, tu mangkamo ussolangkomi tassu’ lan mai tondok Mesir, kumua damo napokaunankomi tau iato sia Kutessemo tu kayu ayokami, ammi lumingka malolo.

SURA’ KATOMINAAN 19:36

La mipake tu timbangan tongan sia batu petimbang tongan sia epa tongan sia hin tongan: Akumo tu PUANG, Kapenombammi, tu mangkamo ussolangkomi lan mai tondok Mesir.

KATASSURAN 20:2

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan.

KADADIAN 25:27

Sakapua-puanami tu pia sola duai; iatu Esau manarang moasu sia tang rapa’ torro dio to’ banua, apa iatu Yakub misa’ to rapa’ penaa torro lan tenda.

MIKHA 6:4

Tae’raka Kumangka ussolangko tassu’ lan mai tondok Mesir sia Kula’bakko lan mai inan munii dipokaunan, sia Kusua tu Musa, Harun sia Miryam undoloangko?

HOSEA 2:15

La dadi allo iato, kadanNa PUANG, la mukua ussangaiNa’ muaneku, sia tae’mo ammu sangaiNa’: Baalku.

HOSEA 11:1

Iatonna piapa tu Israel, Kupakaboro’ sia Kutambai tu anakku dio mai Mesir.

PA’PUDIAN 49:7

Iamotu to urrannuan iananna sia ussattuan kasugiran lallangna?

SARAMBU PEADA’ 30:12

Iamotu tau, tu ussanga kalena masero dio pentirona, apa tang dibasei tu ruttakna.

YEREMIA 5:27

Susi toban ponno manuk-manuk, susi dukamoto tu banuanna ponno pa’pakena, iamoto napobannangi mala’bi’ sia sugi’;

ZAKHARIA 11:5

Iatu tau unnallii untunui, apa nasanga tae’ nasala’; iatu tau umbalukanni ma’kada nakua: Mintu’ kadipudian lu lako PUANG, belanna sugi’mo’; iatu mintu’ to mangkambi’na tae’ ungkasayangi.