HOSEA 12:7 - Sura' Madatu

⁷ Iamoto tibalikmoko sule lako Kapenombammu, karitutui tu kamasokanan sia katonganan sia tontongko ma’rannuan lako Kapenombammu.

HOSEA 12:7 Referans Kwoze

SARAMBU PEADA’ 11:1

Iatu timbangan sala Napomagalli PUANG, apa iatu batu timbangan tongan Naposende.

YAKOBUS 5:4

Tiromi, iatu sarona to umpeparei bela’mi, tu milando pa’dui mipatadang, metamba sia iatu sarona to mepare tamamo talinganNa Puang Zebaot.

YOHANES 2:16

Nakuami ungkuanni tu to ma’baluk bu’ku’: Alai nasangi lao te apa iate, da mia’ga pa’balukanni te banuanNa Ambe’ku.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

ZAKHARIA 14:21

Ondongpi mintu’ kurin lan Yerusalem sia lan Yehuda dipamaindanan PUANG, naurunganni mintu’ to memala’ ma’din sae sia la napantollo’i. Sia allo iato la tae’mo to Kanaan lan banuanNa PUANGna mintu’ ma’dandan maritik.

MIKHA 7:2

Iatu to mekaaluk tae’mo lan tondok sia to ma’bulo sanglampa tae’mo dio lu torro tolino. Pada ma’penunumo tu tau iato mai la umpatibollo rara; pantan undaka’ lalan la umpoya siulu’na.

AMOS 5:11

Belanna ullullu’komi to bongko sia miparuku la umbenkomi pamengan, iamotu gandung, iamoto moi ammi bangun banua batu dipa’, tae’ duka ammi la unnii, moi ammi garagai pa’lak anggoro’ ballo, tae’ duka ammi la unniru’i tu uai anggoro’na.

AMOS 4:1

Tananni talinga te kada iate, e sapi Basan, tu untorroi buntu Samaria tu umpandasa to bongko sia umpakario-rio to mase-mase, tu ma’kada lako puangmi mikua: Benkanni angki mangiru’-iru’.

AMOS 3:9

Pa’perangianni tu apa iate dao lu mintu’ benteng lan Asdod sia dao lu mintu’ benteng lan tondok Mesir, ammi ma’kada kumua: Sirampunkomi dao mintu’ buntunna Samaria, ammi tiroi tu kamarukkan kapua lan tu tangnga-tangngana sia pa’pakario-rio lan kotana.

AMOS 2:7

Nakaduangi ke nasamboi barra’-barra’ tu ulunna to bongko sia ulleko’ lalanna to tang pa’bela; sia misa’ tu pia muane sola ambe’na male ma’gau’ sala lako misa’ baine mangura, la umpamatuna sanga madatungKu.

YEHEZKIEL 22:29

Iatu tau lan tondok ma’paruku sia mangrampa; umpandasa to bongko sia to mase-mase sia umpakario-rio to sae unnea katonganan.

YEHEZKIEL 16:3

sia ma’kadako mukua: Inde sia tu kadanNa Puangta PUANG lako Yerusalem Nakua: Iatu munii bu’tu sia kadadiammu lu dio mai tondok to Kanaan, iatu ambe’mu to Amori na iatu indo’mu to Heti.

YESAYA 3:5

Tau iato mai la sikande bete sipakario-rio, sia pia la ullaoi to matua sia to bongko la unnea to la’bi’.

SARAMBU PEADA’ 16:11

Iatu petimbang sia timbangan tongan lu dio mai PUANG, mintu’ batu timbangan lan kandu’ panggaraganNa duka.

1 SAMUEL 12:3

Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.

MIKHA 2:1

Upu’ allona tu mintu’ to umparri-parri kakelokan sia untampa kakadakean dao inan katindoanna; iake masiangmi dio mai napalalomi, belanna nakulle limanna umpogau’i.

YEHEZKIEL 28:5

Diona kamatarrusammu sia kamaluteammu ma’balili mutontong umpakerangngan iananmu, sia napomatampomo penaammu tu iananmu.

ZAKHARIA 5:8

Ma’kadami malaeka’ nakua: Iamote tu a’ganna katangmekaalukan. Napessambakammi rokko tangnga epa, anna pempananni tu tumarra lotong sanglontok dao babana.

KADADIAN 49:18

Umpeagina’ kamakarimmanan tu bu’tu dio mai Kalemi, o PUANG!

YESAYA 56:1

Nakua kadanNa PUANG: Karitutui tu katonganan sia pogau’i tu kamaloloan, belanna iatu kasalamaran lu dio mai Kaleku la saemo sia iatu kamaloloan lu dio mai Kaleku sattu’mora anna dipaombo’.

HOSEA 14:2

Mengkatoba’ko, e Israel, lako PUANG, Kapenombammu, belanna tete dio kakadakeammu, ammu tisumbang.

YOËL 2:12

Apa moi totemo den dukapa tu kadanNa PUANG, Nakua: Palantuk tonganni tu penaammi mengkatoba’ lako Kaleku situang ma’puasa sia tumangi’ sia umbating.

ZAKHARIA 7:9

Inde sia tu kadanNa PUANGna mintu’ ma’dandan maritik, Nakua: La bulo lollongkomi ma’paolai salu sia sipatiroangkomi pa’kaboro’ sia kamamasean;