HOSEA 12:6 - Sura' Madatu

⁶ iamo tu PUANG, Kapenombanna mintu’ ma’dandan maritik, PUANG tu sanganNa.

HOSEA 12:6 Referans Kwoze

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

MIKHA 7:7

Apa iatu aku la ma’penununa’ untayan PUANG, sia la umpeagina’ Puang Matua, oto’na kasalamarangku; la Naperangiina’ Kapenombangku.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

ZAKHARIA 7:9

Inde sia tu kadanNa PUANGna mintu’ ma’dandan maritik, Nakua: La bulo lollongkomi ma’paolai salu sia sipatiroangkomi pa’kaboro’ sia kamamasean;

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

YAKOBUS 1:27

Iatu kapengkaolan masero sia tae’ sayuanna dio oloNa Puang Matua, Ambe’, iamote: unto’longi pia biung pu’pu’ sia baine balu lan kamasussanna, sia ungkaritutui kale dio mai kamaruttakanna te lino iate.

PENGGAURANNA RASULU’ 26:20

sangadinna kupa’peissanan dolo, nala lako to dio Damsyik, nala dio Yerusalem sia dio mintu’ tana Yehuda, susi duka lako to kapere’, kumua anna mengkatoba’ sia sule lako Puang Matua anna umpogau’ penggauran sitinaya katobaran.

PENGGAURANNA RASULU’ 2:38

Nakuami Petrus lako tu tau: La mengkatoba’komi ammi pantan ma’popedio’ tete dio sanganNa Yesu Kristus tu napotete kadipa’deian kasalammi, ammi kabu’tui Penaa Masallo’ dipa’kamasean.

ZAKHARIA 8:16

Inde sia tu mintu’ apa la mipogau’, iamotu la sipokadangkomi tu tonganna, ma’paolaikomi salu lan lu babanganmi situang kamalamburan, anna bu’tu karapasan,

ZAKHARIA 1:3

apa pokadai lako tau iato mai, kumua: Inde sia tu kadanNa PUANGna mintu’ ma’dandan maritik, Nakua: Mengkatoba’komi lako Kaleku, kadanNa PUANGna mintu’ ma’dandan maritik, angKu sule lako kalemi, kadanNa PUANGna mintu’ ma’dandan maritik.

ZEFANYA 3:8

Iamoto, tayanNa’, kadanNa PUANG, to allo la Kunii ke’de’ unnala pangrampa; belanna mangkamo Kura’ta’ la urrampunni tu bangsa sia umpulungi tu kadatuan, sia umbarrakanni tu kare’dekan ara’Ku lako tau iato mai, iamotu mintu’ kasengkean dukkungKu, belanna api kamangimburuangKu la umpurai nakande tu mintu’ kuli’na padang.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

AMOS 5:24

Sangadinna iatu salunna la tikalulun-lulun susi uai sia iatu kamaloloan susi salu’-salu’ tontong lolong.

YOËL 2:13

Sessei tu penaammi, da na iatu tamangkalemi sia mengkatoba’komi lako PUANG, Kapenombammi. Belanna sumpu mamase sia sa’pala buda tu Puang, kalando pesuka’ sia kapua kamasokananNa, sia Napenassanni tu diona kamandasan.

HOSEA 10:12

Mangambo’komi situang kamalamburan, mebura padangkomi situang kamamasean, bungka’komi padang ba’ru. Iake susito, nalambi’mo attunna la undaka’ PUANG, kumua anNa sae sia umpasaeangkomi uran kamaloloan.

HOSEA 4:1

Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

YEREMIA 22:15

Datukomiraka, ammi sipatomporanra kayu arasi’? Iatu ambe’mi tang kumanderaka sia mangiru’ sia umpogau’ salunna sia kamalamburan? Iatonna iato manaman ia.

YESAYA 58:6

Tangiaraka te tu puasa Kuporai kumua: bukai tu pepungo kadake sia ko’karanni tu pepori ayoka, musua marampa’i male tu mintu’ to dipandasa, ammu rebong-rebongi tu mintu’ ayoka?

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

YESAYA 31:6

Mengkatoba’komi lako Kalena, tu mambela lalanmo nanii to Israel sorong boko’.

YESAYA 30:18

Iamoto ma’tayan-tayan duka tu PUANG la ungkamaseikomi sia la bendan duka, anNa karimmannikomi, belanna PUANG iamo Puang Matua tu umpogau’ kamalamburan, maupa’ tu mintu’ to untayannI!

YESAYA 8:17

La kutayan tu PUANG, tu umpembuniammo bati’na Yakub, lako Kalena la kunii sande’.

YESAYA 1:16

Basei sia seroi tu kalemi; patoyangi dio mai oloKu tu penggauran kadakemi; torei umpogau’ kakadakean.

SARAMBU PEADA’ 21:3

Umpogau’ kamaloloan sia salunna mandu naala penaanNa PUANG na iatu pemala’.

SARAMBU PEADA’ 1:23

Tibalikkomi lako pa’pakilalangku! Manassa la kutuarangkomi tu penaangku, sia iatu kadangku la kupaissanangkomi.

PA’PUDIAN 123:2

Sitinti mata kaunan umpemantang limanna puangna, sia ten to baine pa’kurinan umpemantang limanna puangna baine, tenmo matanta to untingara PUANG, Kapenombanta, sae lako Nakaturu-turuinta.

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

PA’PUDIAN 27:14

Peagimi tu PUANG, melo ke batta’ko, sia kalebu penaammu. Sia peagimi tu PUANG.

KADADIAN 49:18

Umpeagina’ kamakarimmanan tu bu’tu dio mai Kalemi, o PUANG!

YEHEZKIEL 18:30

Iamoto angKu la umpaolaikomi salunna pantan sitinaya penggauranmi, e to Israel, kadanNa Puangta PUANG. Mengkatoba’komi sia balikkomi dio mai mintu’ salami, da mipobannangi titodo sae lako tobang rokko kakadakean.

YOËL 2:12

Apa moi totemo den dukapa tu kadanNa PUANG, Nakua: Palantuk tonganni tu penaammi mengkatoba’ lako Kaleku situang ma’puasa sia tumangi’ sia umbating.

KATASSURAN 3:15

Ma’kadami tu Puang Matua lako Musa, nakua: Susimo la mupokada lako to Israel, kumua: Iatu PUANG, Kapenombanna nene’ to dolomi, Iamo Kapenombanna Abraham, Ishak na Yakub ussuana’ sae lako kalemi sia Nakua: iamote tu sangangKu tontong sae lakona sia sanga iamote tu misiosso’i la ussa’bu’Na’.

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.