HOSEA 12:5 - Sura' Madatu

⁵ Sibobo’mi misa’ malaeka’, anna patalo. Tumangi’mi sia mengkamoya umpalaku kamaturu-turuan lako Puang. Nakabu’tuimi tu Puang dio Betel, na dio Nanii ma’kada tu Puang lako kaleta,

HOSEA 12:5 Referans Kwoze

KATASSURAN 3:15

Ma’kadami tu Puang Matua lako Musa, nakua: Susimo la mupokada lako to Israel, kumua: Iatu PUANG, Kapenombanna nene’ to dolomi, Iamo Kapenombanna Abraham, Ishak na Yakub ussuana’ sae lako kalemi sia Nakua: iamote tu sangangKu tontong sae lakona sia sanga iamote tu misiosso’i la ussa’bu’Na’.

YESAYA 42:8

Akumo tu PUANG, iamoto tu sangangKu sia kamala’birangKu tae’ angKu benni to senga’, sia iatu kadipudiangKu tae’ angKu palulakoi rapang-rapang dipodeata dipa’.

PA’PUDIAN 135:13

O PUANG, masae lako tu sangamMi, sia iatu kadiannamMi batu silambi’, o PUANG, landa’ lako disituran-turananni.

KADADIAN 32:30

Nasangaimi Pniel Yakub tu inan iato, belanna nakua: Sitiro lindomo’ Puang Matua, sia makarimmanna’.

KADADIAN 28:16

Pakalan anna pana’dingmo tu Yakub, na ma’kada nakua: Den pale’ tu PUANG indete inan iate, natae’ angku issanni!

PA’PUDIAN 30:4

O PUANG, mangkamo Miendekan tu deatangku lan mai lino to mate, sia mangkamo’ Mipatuo naurunganni tae’ angku tileak tama tondok tang merambu.

KADADIAN 35:9

Umpa’pekitanan poleomi Kalena tu Puang Matua lako Yakub te mangkanna sae dio Padan-Aram sia Napassakke.