HOSEA 12:4 - Sura' Madatu

⁴ Lan bang siapa pa’tambukanna indo’na anna pakenami tu siulu’na, na iatonna matona’mo sibobo’mi Puang Matua.

HOSEA 12:4 Referans Kwoze

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

KADADIAN 35:15

Na iatu inan Nanii ma’kada Puang Matua lako nasangai Betel Yakub.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

1 TESALONIKA 4:17

na undinna iatu kita tuonapa, te torronapa, la simpolo diangka’ tama gaun sisola tu tau iato untammui Puang lan masuanggana, na susimoto la tontongki’ sisola Puang.

YESAYA 63:9

Mintu’ kapu’duranna tau iato mai Napokapu’duran duka, na tau iato mai Narampanan Malaeka’ tu umpaombo’ Puang. Belanna pa’kaboro’Na sia kamamaseanNa Nala’bakki tu tau iato mai sia Naendekanni sia Naindo’i lan mintu’ attu tempon dio mai dolona.

PA’PUDIAN 66:6

Napopengkarangkean tu tasik, sia lumingka tu tau ullamban salu, inde to tanii umpoparannu Puang Matua.

KADADIAN 48:15

Napassakkemi Israel tu Yusuf, nakua: Iatu Puang Matua tu Naniimo lolang to doloku Abraham na Ishak tu oloNa, iamo Kapenomban ungkambi’na’ randuk dio mai dadingku sae lako te allo totemo,

KADADIAN 32:29

Mekutanami tu Yakub nakua: Pokada dukai tu sangammi. Mebalimi nakua: Ma’apai mupekutananni tu sangangKu. Napassakkemi inde to.

KADADIAN 32:24

Sangadinna Yakub mannamo torro misa-misa; denmi misa’ muane nasila’karan sae lako tibangka’na masiang.

KADADIAN 32:26

Nakuami ma’kada: Rampananna’, belanna tibangka’mo masiang. Nakuami Yakub: Tae’ angku rampanankomi, ke tae’pi ammi passakkena’!

KADADIAN 25:26

Tassu’mi tu siulu’na, pia muane sia, manda’ untoe kambutu’na Esau; nasangaimi Yakub. Iatu Ishak annanmo pulona taunna tonna dadi tu pia sola duai.

KADADIAN 32:25

Iatonna tiroi tau iato kumua tae’ nasau’i tu Yakub, nala’ka’imi tu garonto’ pupunna Yakub nasilesangan, tonna sila’karan.