HOSEA 12:11 - Sura' Madatu

¹¹ Sia la ma’kadaNa’ lako mintu’ nabi sia la Kupabuda tu patiro mendeata sia la ma’kadaNa’ lan pa’pasusian nalopian mintu’ nabi.

HOSEA 12:11 Referans Kwoze

HOSEA 8:11

Manassa budamo tu inan pemalaran napabendan Efraim la umpogau’ kasalan; mintu’ inan pemalaran iato napake la umpogau’ kasalan.

HOSEA 6:8

Iatu Gilead misa’ tondok ponno patoro’ buku, naponnoi katibolloan rara.

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

HOSEA 9:15

Mintu’ kakadakeanna sirampun dio Gilgal, iamoto inde dukato dio Kunii ungkabiri’i tu tau iato mai; belanna penggauran kadakena, angKu la unnula’i lan mai banuangKu. Sia tae’mo angKu kamasei; mintu’ arungna pabali-bali nasang.

HOSEA 10:1

Iatu Israel misa’ garonto’ anggoro’ loboran; satarri’-tarri’na tu buanna, sanarangngan-rangnganninna tu inan pemalaranna, samelo-melona tu padangna, sanaballo-balloinna tu batu dipodeata.

YUNUS 2:8

Iatu tau umpengkaolai deata tae’ gai’na, umboko’imo Puang, tu ungkasokanni.

AMOS 5:5

Apa da midaka’ Betel, sia da mimale lako Gilgal, sia da mike’de lako Bersyeba. Belanna iatu Gilgal inang la male dipali’ sia iatu Betel la diputtai.

AMOS 4:4

Malekomi lako Betel, ammi pogau’ kadake, sia lako Gilgal –, ammi pamakamban kadakena! Pennoloanni tu pemala’mi, ke makale’ sia pa’taa sangpulomi, ke allo ma’pentallun.

YEREMIA 10:15

Mintu’nato tae’ gai’na sia misa’ panggaraga pa’popetaa; iake narampoi ukungan, sabu’mi.

YEREMIA 10:8

Iatu tau iato mai baga sia bebe’, belanna tae’ naangga’i tu pangadaran iato, kayu bangsia ia to.

YEREMIA 2:28

Umba nasangmira nanii attu iato tu mintu’ rapang-rapang mupodeata tu mangka mugaraga? Melo ke bendanni tu tau iato mai, nakulle sia manii urrampanangko, ke allo kamaparrisammu; belanna pada bilanganna mintu’ tondokmu, pada dukato, tu mintu’ deatammu, e to Yehuda.

YEREMIA 2:20

Belanna tempon diopa mai ammu tessei tu ayokamu sia muka’tuan tu peporimmu ammu ma’kada kumua: Manokamo’ la dipokaunan. Apa dio lu mintu’ tanete malangka’ sia diong lu garonto’ kayu maluna munii mamma’ ma’gau’ sala.

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

HOSEA 10:2

Mo’rang tu penaanna, totemo la napassan tu bua kasalanna: la Nasanggang Puang tu inan pemalaranna sia la Naro’pok tu mintu’ batu dipodeatanna.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

2 DATU 17:13

Napakilalamo PUANG tu to Israel sia to Yehuda nalopian mintu’ nabi sia mintu’ to patanda-tandan, nakua: Mengkatoba’komi dio mai mintu’ penggauran kadakemi sia karitutui tu mintu’ pepasanKu sia iatu apa Kupondok susitu mintu’ sukaran aluk tu mangka Kupepasanan lako nene’ to dolomi, tu Kuparampo lako kalemi nalopian mintu’ taungKu, iamotu mintu’ nabi.

YEHEZKIEL 17:2

E ma’rupa tau pokadako misa’ karrume, paissanni misa’ pa’pasusian tu to Israel,