HOSEA 12:10 - Sura' Madatu

¹⁰ Apa Akumo tu PUANG, Kapenombammu, tempon dio mai tondok Mesir. La Kupatorro pole’ko lan tenda, susi tonna allo kasirampunan.

HOSEA 12:10 Referans Kwoze

2 DATU 17:13

Napakilalamo PUANG tu to Israel sia to Yehuda nalopian mintu’ nabi sia mintu’ to patanda-tandan, nakua: Mengkatoba’komi dio mai mintu’ penggauran kadakemi sia karitutui tu mintu’ pepasanKu sia iatu apa Kupondok susitu mintu’ sukaran aluk tu mangka Kupepasanan lako nene’ to dolomi, tu Kuparampo lako kalemi nalopian mintu’ taungKu, iamotu mintu’ nabi.

YEHEZKIEL 20:49

Attu iato ma’kadana’ kukua: O Puangta PUANG, napokada tau tu diona a’gangku, kumua: Tang napokadaraka tu rapang-rapang kada?

YOËL 2:28

Undinna dio mai to la dadi kumua la untuaranNa’ PenaangKu lako mintu’ ma’rupa tau, anna ma’nubua’ tu anakmi muane sia anakmi baine; sia iatu mai to matua-tuammi la ungkita tindo ma’rupa-rupa tindo sia iatu mai to mangurammi la ungkita ma’rupa-rupa patiro mendeata.

YEREMIA 19:1

Inde sia tu kadanNa PUANG, Nakua: Maleko mualli misa’ bussona pa’tampa kurin, mumane male sola ba’tu pira-pira pekaamberanna bangsa iato sia ba’tu pira-pira pangulunna to minaa.

YEREMIA 7:25

randuk tonna tassu’ tu nene’ to dolomi dio mai tondok Mesir sae lako allo iate. Sia kusua lako kalemi tu mai taungKu, iamotu mintu’ nabi, ke makale’ sia ke karoen.

2 KORINTUS 12:7

Sia diona untimbangi tu kamakalaen-laenna tongan mintu’ pa’paombo’. Iamoto dikua da angku pamadaoan kaleku, angku mangka diben duri untossok-tossokki tu kaleku, iamo misa’ pesuanna deata bulituk, tu untumbuina’ pebusuk da angku pamadaoan kaleku.

2 KORINTUS 12:1

Sipatuna’ la massattuan, moi anna tae’ bua’na tu iannato. Apa la umpa’peissananna’ patiro mendeata sia kada pa’paombo’ dio mai Puang.

PENGGAURANNA RASULU’ 2:17

Nakuami Puang Matua: La dadi ke allo katappuranna lino, la umpatitu’ba’Na’ PenaangKu lako mintu’ ma’rupa tau, anna ma’nubua’ tu anakmi muane sia anakmi baine, sia iatu mai to mangurammi la ungkita bayo-bayo ba’tu pira-pira penggauran, sia iatu mai to matua-tuammi la ungkita tindo ma’rupa-rupa tindo,

AMOS 7:14

Mebalimi tu Amos lako Amazia nakua: Tangiana’ nabi sia tangiana’ anak nabi sangadinna misa’na’ to manglaa sia to ungkaduttu’ bua ara pangala’.

HOSEA 3:1

Ma’kadami tu PUANG lako kaleku Nakua: Male pole’ko, mupakaboro’ misa’ baine, tu unneloran kalena napakaboro’ to senga’, anna pasandak salu lako rampanan kapa’, susi PUANG umpakaboro’ to Israel, tu mentingo lako kapenomban senga’ sia umporai deppa bua anggoro’.

YEREMIA 25:4

Susi dukato Nasuammokomi PUANG tu mintu’ taunNa, iamotu mai nabi, ke makale’ sia ke karoen, apa inang tae’ duka miperangii, ba’tu untananni talinga.

YEREMIA 19:10

Ammu tessei tu busso iato dio tingayona mintu’ to musolan male.

NEHEMIA 9:30

Masai allomoKomi kalando pesuka’ lako tau iato mai sia Miada’i tete dio PenaamMi nalopian nabimMi, apa tae’ natananni talinga tu dionato. Attu iato Misorongmi tu tau iato mai tama limanna ba’tu pira-pira bangsa dio lu tondok iato.

1 DATU 19:10

Mebalimi nakua: Lendu’ tongan malallangna penaangku ungkilalai PUANG, Kapenombanna mintu’ ma’dandan maritik, belanna naboko’i mintu’ to Israel tu basseMi sia narondonni tu mintu’ inan pemalaramMi sia napatei pa’dang tu mintu’ nabimMi, na aku mannamo tinampe sia undaka’mo lalan la ungka’tu sunga’ku.

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

1 DATU 13:1

Pakalan saemi misa’ taunNa Puang Matua tete dio kadanNa PUANG dio mai Yehuda lako Betel, tonna marassan bendan tu Yerobeam dio olo inan pemalaran la untunu pemala’.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

YEHEZKIEL 17:2

E ma’rupa tau pokadako misa’ karrume, paissanni misa’ pa’pasusian tu to Israel,

KATASSURAN 20:2

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan.

SURA’ KATOMINAAN 23:42

Pitung allo la minii torro lan lantang pekalumban; iatu mintu’ to Israel tongan la torro lan lantang pekalumban iato,

HOSEA 13:4

Apa Akumo tu PUANG, Kapenombammu, tempon dio mai Mesir, tae’ Kapenomban mutandai sangadinna Aku sia tae’ misa’ to merampanan sangadinna Aku.