HOSEA 11:8 - Sura' Madatu

⁸ Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

HOSEA 11:8 Referans Kwoze

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

MATIUS 23:37

E Yerusalem, Yerusalem, tu umpatei tu mai nabi sia untumbui batu mintu’ to disua lako kalemu. Ba’tu pempiranMo’ la morai urrampun anakmu, susi indo’ manuk urrampun anakna lan to’ pani’na, apa manokakomi.

HOSEA 6:4

Apara tu la Kugaurangko, e Efraim? Apara tu la Kugaurangko, e Yehuda? Belanna iatu kamamalirammu susi bang gaun melambi’ sia susi damo’ tu pa’de, ke mane berre’i allo.

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

PA’TOLE 29:23

iamotu mintu’ padang la susito solo’, susi sia, na susi padang mampu’, naurungan tae’ nadiambo’i sia tae’ apa-apa tuo diong mai sia tae’ nakembura, susi tonna kasangganganna tondok Sodom na Gomora, Adma na Zeboim, tu Nasanggang PUANG diona kasengkeanNa sia kare’dekan ara’Na –

YUDAS 1:7

Susi Sodom na Gomora sia mintu’ tondok nasikandappiran, susi bangsiamo tau iato mai mangka ussorong kalena lako gau’ tang nakande asu anna male sigau’ sala tangia bali lalan biasanna, mendadi misa’ rapangan nakande api tang pa’de-pa’de tonna perasai kamaparrisanna.

2 PETRUS 2:6

sia iake Napopennaumi tu tondok Sodom na Gomora sia Naukung naurungan mangsan, Nanii umpadenanni sangka’ tu mintu’ to umpalolang tang mekaaluk kalena,

AMOS 4:11

Kubaliangammokomi susi Puang Matua umbaliangan Sodom na Gomora, ammi susi to lalotin disintak lan mai to’ api. Moi susito, tae’ duka mimengkatoba’ lako Kaleku, kadanNa PUANG.

BATING 1:20

Tiroi, o PUANG, tu kapussakangku; iatu ba’tengku naponnoi kamagiangan, sia iatu penaangku tibaliang lan ara’ku, belanna tarru’ pabali-balimo’. Dio lu salian iatu pa’dang ma’patamanang, nalan lu banua den ropu.

2 DATU 13:23

Apa Nakarimmanni PUANG tu tau iato mai sia Nakamasei, anna pessailei belanna basseNa sola Abraham, Ishak na Yakub; tae’ Namorai ussanggangi sia tae’pa Nasualei tu tau iato mai dio mai oloNa.

2 SAMUEL 24:16

Iatonna e’te’mi malaeka’ tu limanna langngan Yerusalem, la ussanggangi, Napenassannimi PUANG tu kamandasan iato. Nakuami lako malaeka’ tu umparampo kasanggangan dio lu pa’tondokan: Silasamo to! Riu’mi sule tu limammu. Attu iato, iatu malaeka’ bendan sikandappi’ panglulluranna Arauna, to Yebus.

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.

KADADIAN 14:8

Iatonna attu iato sunmi tu datu Sodom sia datu Gomora sia datu Adma sia datu Zeboim, sia datunna Bela, iamo Zoar, anna arra’ tananan ra’ dio Sidim, la unneai,

KADA OMBO’ LAKO RASULU’ YOHANES 18:18

Pakalan melallakmi tonna tiroi tu rambu api ungkandei, nama’kada nakua: Tondok umbara tu pada te tondok kapua iate?

KADA OMBO’ LAKO RASULU’ YOHANES 11:8

Iatu batang rabukna sisumpandanan dio lalan tondok kapua, tu lan rapangan disanga Sodom na Mesir, tu Nanii duka Puangna dia’ta’.

ZEFANYA 2:9

Iamoto, la lelukraka tuoKu, kadanNa PUANGna mintu’ ma’dandan maritik, Kapenombanna Israel, tonganna iatu Moab la dadi susi Sodom, sia iatu to Amon la susi Gomora, iamotu padang nanii a’da’ sia nanii pangkalian sia, sia padang lo’bang sae lakona. Iatu torronapa tu taungKu, la urrampai tu tau iato mai na iatu sesanna sangpetayanangKu la umpomana’i.

AMOS 7:6

Napenassannimi PUANG tu iannato. Tae’ duka anna la dadi tu iannato, kadanNa Puangta PUANG.

AMOS 7:3

Napenassannimi PUANG tu iannato. Tae’ anna la dadi tu iannato, kadanNa PUANG.

BATING 3:33

Belanna tangia lalan penaanNa Napandasai sia Naparossoi tu mai ma’rupa tau.

YEREMIA 9:7

Iamoto, nakua kadanNa PUANGna mintu’ ma’dandan maritik: Manassa la Kupakombong sia la Kusudi tu tau iato mai, belanna apapa tu la Kupogau’ diona anakna baine taungKu?

YEREMIA 3:12

Malemoko, petambanni te kada iate rekke ulunna salu, kumua: La mengkatoba’ko, e Israel, to sorong boko’, kadanNa PUANG, da angKu patiroangko lindo sengke, belanna maturu-turuNa’, kadanNa PUANG, sia tae’ angKu la unnannai tu kare’dekangKu tontong sae lakona.

YESAYA 63:15

Pata’paKomi matamMi dao mai suruga sia tiroi lan mai inan maindan mala’bi’Mi. Umbamira tu kamakaritutuamMi sia penggauran matoto’Mi? Tang lattu’ lako kaleku tu karantangan buaMi sia kamamaseamMi?

PA’PUDIAN 106:45

Sia belanna diona la napomelona tau iato mai, Nakilalaimi Puang tu basseNa, anNa maturu-turu sitinaya kamasokanan budanNa.

1 DATU 3:26

Ma’kadami tu baine tuo anakna lako datu, belanna mamasseng lako anakna, nakua: Tabe’ puangku, ben bangmi lako te pia tuo, apa da maro mipatei. Apa nakua tu senga’na: Nakeori, tang lu lako kaleku, tang lu lako kalemu, sese bangmi.

YESAYA 16:11

Iamoto anna ma’rundede tu penaangku susi oni katapi diona Moab sia ba’tengku lan diona Kir-Heres.

YEREMIA 18:8

Apa iake mengkatoba’mi dio mai kakadakeanna tu bangsa mangka Kupaolai salu, manassa la Kupenassanni tu kasanggangan la Kuparampoanni.

YEREMIA 42:10

Iake mareso’komi torro lan padang iate, la Kubangunkomi sia tae’ Kula urro’pokkomi, sia la Kutanan sia tae’ Kula undu’dukkikomi, belanna Kupenassannimo tu kakadakean mangka Kupogau’ lako kalemi.

BATING 3:32

Belanna iake mangkaMi meparosso, mekamaseioMi sitinaya kakapuanna kamaturu-turuanNa.

YEHEZKIEL 6:9

Attu iato la mikilalaiNa’ tu mintu’ to tilendokmi dio lu mintu’ bangsa, tu dinii umpali’ tau iato mai, ke Kupabonnongmi tu penaa pasandak salunna, tu memboko’mo dio mai Kaleku, sia Kutessemo matanna, tu ma’penunu lako rapang-rapang dipodeatanna la ma’gau’ sala; la ungkagi’gi’ kalena tu tau iato mai napobua’ gau’ kadakena, tu mangka napogau’, tonna parri-parri tu apa megallianna.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

HOSEA 7:1

IangKu la umpakatanai sule tu to Israel, la payan tu kakelokanna Efraim sia kakadakeanna Samaria. Belanna ma’pakena bang: tama bang tu to boko, anna mangrampa tuntunan pa’gora’ dio salian.

MIKHA 5:3

La tunannang ungkambi’ tau iato mai tete dio kamatotoranna PUANG sia kamala’biranNa sanganNa PUANG, Kapenombanna; sia la torro marampa’ tu tau iato mai, belanna la tarompo’ tu Mesias sae lako mintu’ randan langi’.

PA’TOLE 29:22

Sia la dadi undinna lako bati’ undi – iamotu anakmi muane, tu la tunannang ussondakomi – sia to salian lembang, tu dio mai tondok mambela, ke natiroi tu kamandasan sia kamarammunan, tu Napabu’tu PUANG lan te tondok,

2 OSSORANNA DATU 36:15

Iatu PUANG, Kapenombanna nene’ to dolona, ussuamo pesuanNa lako tau iato mai, ke melambi’ sia ke mabongioi, belanna Nakamasei tu taunNa sia inan katorroanNa.

YEREMIA 9:6

Indete tu nanii sitoppo’-toppo’ pa’pakario-rio sia sitombon-tombon pa’pakena; tae’ namorai tu tau iato mai untandaiNa’, kadanNa PUANG.