HOSEA 11:7 - Sura' Madatu

⁷ Manassa iatu taungKu tontong bang memboko’ dio mai Kaleku. Moi anna meongli’ langngan PUANG, inang tae’ Nala unnendekanni.

HOSEA 11:7 Referans Kwoze

YEREMIA 8:5

Ma’apai te bangsa iate nadisangai: To sorong boko’ na iate Yerusalem: To sorong boko’ tarru’? La’ka’ bang lako pa’pakena, sia mengkailing tu tau iato mai mengkatoba’.

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.

HOSEA 11:2

Saditamba-tambainna tu tau iato mai, sauntoyang-toyanganora kalena; memala’ lako mintu’ Baal sia mantunu dupa lako mintu’ rapang-rapang dipodeata dipa’.

HOSEA 7:16

Messaile sia tu tau iato mai, apa tae’ nalu langngan; butungi to misa’ pana disanga melo, apa tae’mo gai’na. Iatu mai arungna la tibambang nakande pa’dang natumang kada layukna. Dionamo to nanii tau ullo’boi lan lu tondok Mesir.

YEREMIA 3:11

Iamoto Nama’kada PUANG lako kaleku Nakua: Iatu Israel, to sorong boko’ umpatandan kalena kumua malambu’ na iatu Yehuda, to tang maruru’.

SARAMBU PEADA’ 14:14

Iatu to pabali-bali umpodia’ lalan penaanna, apa iatu to melo penaanna umpodia’ apa dio kalena.

PA’PUDIAN 81:11

Akumo, PUANG, Kapenombammu, tu mangka ussolangko sun lan mai tana Mesir; popengangai tu sadangmu angKu ponnoi.

HOSEA 4:16

Belanna iatu to Israel tang sopati susi sapi tang sopati. Ma’dinraka la Nakambi’ PUANG susi misa’ domba dio lu padang kalua’?

YEREMIA 14:7

Moi anna iatu kakadakeangki bendan titanan sa’bi unneakan, o PUANG, pogau’i tu iannato diona sangamMi. Belanna tarru’ memboko’mokan, sia lako Kalemi kinii kasalan.

YESAYA 26:10

Moi anna dikatirinnai tu to tang mekaaluk, inang tae’ anna pelada’i tu kamaloloan, sangadinna umpogau’ kakelokan illan tondok nanii kamalamburan sia tae’ duka anna tiroi tu kamala’biranNa PUANG.

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.

YEREMIA 7:25

randuk tonna tassu’ tu nene’ to dolomi dio mai tondok Mesir sae lako allo iate. Sia kusua lako kalemi tu mai taungKu, iamotu mintu’ nabi, ke makale’ sia ke karoen.

YEREMIA 7:26

Apa tang naperangiiNa’ tu tau iato mai sia tae’ napalidanni talinga, sangadinna umpamakarra’ bang penaanna losong pole’ na iatu nene’ to dolona.