HOSEA 11:6 - Sura' Madatu

⁶ Iatu pa’dang la unta’pai tu mai kotana sia la ussanggangi tu salli’ babangan kotana sia la naimbakan tiku lao, natumang pa’tangngaranna.

HOSEA 11:6 Referans Kwoze

HOSEA 10:14

Iamoto anna dadi tu kamarukkan unnea bangsamu, sia la disanggang tu mintu’ kota bentengmu, susi Salman ussanggang Bet-Arbel, tonna bendan kasirarian, tonna pessambakanni tu indo’ sola anakna.

HOSEA 10:6

Ondongpi iatu kalena dibaa duka lako Asyur, la dipennoloan lako datu Passirarian. La matuna tu Efraim sia la kasirisan tu Israel napobua’ pa’tangngaranna.

MALEAKHI 4:1

Belanna manassa la sae tu allo iato ma’ lana-lana susi dapo’ api. Attu iato, mintu’ to matampo, sia mintu’ to umpogau’ kakelokan la susi dalame, sia iatu allo la sae la umballa tau iato mai –, kadanNa PUANGna mintu’ ma’dandan maritik – naurungan moi iatu aka’ sia moi iatu tangke tae’mo ditampean tau iato mai.

MIKHA 5:11

La Kupisanni duka tu balik mata lan mai limammu sia la tae’mo to pakita-kita dio kalemu.

YEHEZKIEL 20:47

Sia ma’kadako lako pangala’ dio padang Lo’na lu kumua: Perangii te kadanNa PUANG: Inde sia tu kadanNa Puangta PUANG: Manassa la Kupadukku tu api lan tangngamu, anna kandei tu mintu’ kayu mamata sia mintu’ kayu marangke lan lili’mu. Na iatu api ma’lana-lana iato tang pa’de len, apa randuk lo’ mai rampe lo’na lu sae rekke rampe daanna lu iatu mintu’ lindona tau nalepa’i api iato.

YEREMIA 5:17

Bangsa iamoto la umpurai nakande tu bura padangmu sia rotimmu, sia la ummangsanni tu mai anakmu muane sia baine, sia la umpurai nakande tu mintu’ dombamu sia sapimmu sia ia duka la umpurai nakande tu bua anggoro’mu sia bua ara sia ia duka la ussanggangi pa’dang tu mintu’ tondok ditambakukummu tu murannuan.

YESAYA 30:1

Upu’ allona tu mai pia pabali-bali, kadanNa PUANG, belanna tau iato mai untampa kasiturusan, apa tang bu’tu lu dio mai Kaleku, sia untanan basse unnea apa bu’tu lan PenaangKu, la untompokki kasalan tu kasalan.

YESAYA 27:10

Belanna tondok ditambakuku iato daun lauan sia mentondok talo sia disitampei sangtinti padang aak; la nanii anak sapi undaka’ kande sia nanii ma’pasang, anna pepurai tu mai ranga’-ranga’na.

YESAYA 18:5

Belanna iake tae’pi anna pebuanna, ke rondon nasangmi tu ta’binna bua anggoro’ mamata, attu iato la Natarotoi piso Puang tu mintu’ tangke membuanna sia Nata’takki anNa tibei tu mintu’ ongi’na.

YESAYA 9:14

Iatu tedong pariu’ sia to la’bi’ iamo ulu, na iatu nabi umpa’pangadaran buttok iamo ikko’.

PA’PUDIAN 106:43

Pembuda Narampanan Puang tu tau iato mai, apa pabali-bali unturu’ tanan penaanna, anna urunganni malabu tu tau iato mai nakabu’ kakadakeanna.

PA’PUDIAN 106:39

Susimoto nanii urruttakki tu kalena tete dio gau’na, sia ma’gau’ sala bannang dio penggauranna.

PA’TOLE 32:25

Dio salian banua la kumande tu pa’dang, sia lan inan nanii katirambanan, urrampoi tu pia muane, anak dara, pia sumusu sia to ubanan.

PA’TOLE 28:52

La naparampoiko kapussakan lan mintu’ kotamu, sae lako rondon tu tembo’ tambakuku malangka’, tu muposande’ lan mintu’ tondokmu. Manassa la naparampoiko kapussakan lan mintu’ kotamu, lan mintu’ tondok tu la Nabenko PUANG, Kapenombammu.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.

YEREMIA 50:35

E pa’dang rampoimoko to Kasdim, kadanNa PUANG, sia to torro lan Babel sia iatu mai arungna sia tu paissanna.

BATING 2:9

Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

HOSEA 4:16

Belanna iatu to Israel tang sopati susi sapi tang sopati. Ma’dinraka la Nakambi’ PUANG susi misa’ domba dio lu padang kalua’?

HOSEA 4:17

Iatu Efraim manda’ mengkale’pe’ lako rapang-rapang dipodeata. Elo’na ia!

AMOS 6:8

Iatu Puangta PUANG mangkamo umposumpa Kalena, KadanNa PUANG, Kapenombanna mintu’ ma’dandan maritik, Nakua: Kukagallimo tu kamatampoanna Yakub sia Kukabiri’mo tu tongkonan layukna; ondongpi la Kusa’biangan tu kota iato sola mintu’ apa lan.

SURA’ KATOMINAAN 26:25

sia la Kuparampoikomi pa’dang, anna pabala’i tu basse mipoka; iammi sirampunmo lan kotami, manassa la Kupasaeangkomi ropu, ammi disorong lako ualimmi.