HOSEA 11:5 - Sura' Madatu

⁵ Tae’raka pa’tangngaranna sule lako Mesir? Manassa Asyur la undatui, belanna manoka mengkatoba’ tu tau iato mai.

HOSEA 11:5 Referans Kwoze

HOSEA 7:16

Messaile sia tu tau iato mai, apa tae’ nalu langngan; butungi to misa’ pana disanga melo, apa tae’mo gai’na. Iatu mai arungna la tibambang nakande pa’dang natumang kada layukna. Dionamo to nanii tau ullo’boi lan lu tondok Mesir.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

HOSEA 10:6

Ondongpi iatu kalena dibaa duka lako Asyur, la dipennoloan lako datu Passirarian. La matuna tu Efraim sia la kasirisan tu Israel napobua’ pa’tangngaranna.

HOSEA 9:3

Tae’mo nala torro lan tondok PUANG tu tau iato mai, sangadinna iatu Efraim la sule lako Mesir, sia la ungkande apa tang masero dio lu Asyur.

AMOS 5:27

Iamoto la malekomi Kupali’ – ullendu’i Damsyik – kadanNa PUANG, Kapenombanna mintu’ ma’dandan maritik, iamoto tu sanganNa.

AMOS 4:6

Apa iatu Aku, Kubenkomi kamaseroan isi lan lu mintu’ kotami sia kapu’duran roti lan lu mintu’ inanmi. Moi susito, tae’ duka mimengkatoba’ lako Kaleku, kadanNa PUANG.

HOSEA 9:6

Belanna, moi anna tilendok dio mai kasanggangan, la narampun duka Mesir, sia la napeliang Memfis. Ria la ussitutu’i tu ianan salakana sia duri la tuo lan lu tendana.

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

HOSEA 5:13

Iatonna perasai sakinna tu Efraim, sia iatonna ussarroan bundangna tu to Yehuda, malemi tu Efraim lako Asyur sia mesua lako datu Passirarian. Apa tae’ anna iate umpamalekekomi, tae’ anna ia la umpamondoi tu bundangmi.

2 DATU 15:29

Iatonna linona Pekah, datu Israel, saemi tu Tiglat-Pileser, datu Asyur, untalo kota Iyon. Abel-Bet-Maakha, Yanoah, Kedesh sia Hazor, Gilead sia Galilea, sia mintu’ tondok Naftali; napali’i tu pa’tondokan lako Asyur.

2 DATU 15:19

Ke’de’mi tu Pul, datu to Asyur, la ullaoi tondok Israel, apa nasorongan Menahem, sangsa’bu talenta salaka tu Pul, kumua anna tundui umpabantangi tu kadatuan iato lan limanna.

PA’TOLE 17:16

Apa tae’ nama’din la umpatuo buda darang sia iatu bangsa tae’ na la ussolanni sule lako Mesir, kumua anna allii buda tu darang, belanna mangkamo Napokada PUANG, Nakua: Iate lalan iate tae’mo mila unnola lenni sule.

AMOS 4:11

Kubaliangammokomi susi Puang Matua umbaliangan Sodom na Gomora, ammi susi to lalotin disintak lan mai to’ api. Moi susito, tae’ duka mimengkatoba’ lako Kaleku, kadanNa PUANG.