HOSEA 11:4 - Sura' Madatu

⁴ Ulang tau Kurendenanni tu tau iato mai sia Kupori pepori kamamasean; iatu penggaurangKu lako kalena butung to manglendokan ayoka sia kambu dio mai popona. TukkuNa’ untiroi sia Kuben kande.

HOSEA 11:4 Referans Kwoze

YOHANES 12:32

IangKu dipakendekmo diong mai te lino, la Kupatilao nasang tu penaanna tau, anna sae lako Kaleku.

SURA’ KATOMINAAN 26:13

Akumo tu PUANG, Kapenombammi, tu mangkamo ussolangkomi tassu’ lan mai tondok Mesir, kumua damo napokaunankomi tau iato sia Kutessemo tu kayu ayokami, ammi lumingka malolo.

2 KORINTUS 5:14

Belanna napatundukkan tu pa’kaboro’Na Kristus, tu kikanassai kumua matemo tu Tau misa’ tu belanna iatu mintu’ tau, iamora bannangnato anna matemo sola nasangi.

HOSEA 2:8

Iamoto la Kuala sule tu gandungKu, ke attu pegandungan sia uai anggoro’ ba’rungKu, ke attunnai, sia la Kusintak tu bulu dombaKu sia batang ramingKu, tu la napaluangan kalena.

YESAYA 63:9

Mintu’ kapu’duranna tau iato mai Napokapu’duran duka, na tau iato mai Narampanan Malaeka’ tu umpaombo’ Puang. Belanna pa’kaboro’Na sia kamamaseanNa Nala’bakki tu tau iato mai sia Naendekanni sia Naindo’i lan mintu’ attu tempon dio mai dolona.

PA’TENDENG BALLO 1:4

Rendenna’ angki sarra’i undi. Nasolammo’ Datu tama bilikna, melo ke unnarrakkan umposendekomi sia umpudi tu mali’mi losong na iatu uai anggoro’! Sipatukomi nakasinnai tau!

PA’PUDIAN 105:40

Malakumi tu tau iato mai, anNa pasaei Puang tu ba’tu sangapa puyo, sia Napedia’i roti dao mai langi’.

2 SAMUEL 7:14

Akumo tu la napoambe’ na iamo la Kupoanak. Iake umpogau’i kakadakean, la Kupa’dikki pebamba to lino sia la Kupandasa peada’na ma’rupa tau.

KATASSURAN 16:32

Ma’kadami Musa nakua: Inde sia tu Napepasanan PUANG: Ponnoi sanggome’ tu apa iato, ammi nannanni mintu’ ampo bati’mi, anna tiroi tu roti Kupakandeangkomi lan padang pangallaran iate tongKu solangkomi tassu’ lan mai tondok Mesir.

PA’TOLE 32:12

susimoto tu PUANG umpanundu’i, misa-misa, sia tae’ kapenomban senga’ untundui.

PA’TOLE 32:14

Mantega sapi sia pangandu’ domba sia bembe’, sola lompo anak domba; sia domba laki dio mai Basan sola bembe’ laki, sia malapu’na gandung; sia muiru’ tu rarana bua anggoro’, iamotu uai anggoro’ kembura.