HOSEA 11:11 - Sura' Madatu

¹¹ La sae sipa’parondoan susito manuk-manuk dio mai Mesir sia susito bu’ku’ dio mai tondok Asyur, angKu patorroi lan banuanna, kadanNa PUANG.

HOSEA 11:11 Referans Kwoze

YESAYA 11:11

Allo ia dukato la dadi kumua Puang la unnete’ pole limanNa la ulla’bakki sule tu taunNa tu mai torronapa, tu mai torronapa dio Asyur, dio Mesir, dio Patros, dio Etiopia, dio Elam, dio Sinear, dio Hamat na dio lu tondok ma’randan tasik.

YESAYA 60:8

Mindara tu mettia’ sae susi salebu’ sia ten to bu’ku’ mettia’ lako tobanna?

ZAKHARIA 10:10

Ondongpi la Kusolan sule tu tau iato mai lan mai tondok Mesir sia la Kurampun dio mai Asyur, angKu solanni lako padang Gilead sia lako Libanon; apa tang la ganna’mo lako tau iato mai.

HOSEA 7:11

Susi bang bu’ku’ baga tu Efraim, tae paissanna. Natambai tu Mesir la untundui, namaleo lako Asyur.

OBAJA 1:17

Apa dao buntu Sion la den katilendokan, sia iamo la dadi inan maindan; na iatu bati’na Yakub la umpoapa pole’i sule tu apanna.

HOSEA 3:5

Undinnato la mengkatoba’ tu to Israel, sia undaka’ PUANG Kapenombanna, sia Daud datunna, na sae mennolo ma’parondo tu tau iato mai lako PUANG sia lako kameloanNa, – lan attu la sae.

YEHEZKIEL 37:25

Anna torro lan tondok Kukamasean Yakub, taungKu, tu mangka nanii torro nene’ to dolona; manassa la torro lan, la tau iato mai la anakna la mintu’ lanto mimi’na sae lakona, na Daud, taungKu, la napoarung sae lakona.

YEHEZKIEL 37:21

ammu ma’kada lako mukua: Inde sia tu kadanNa Puangta PUANG, Nakua: Manassa la Kuala tu to Israel dio mai mintu’ bangsa tu nanii male: sia la Kupasipulung dio mai mintu’ inan, angKu solanni lako tondokna.

YEREMIA 31:12

Iamoto anna sae tu tau iato mai unnarrak-arrak dao tanete Sion sia sangsaean sirampun lako pamengan melona PUANG, iamotu gandung sia uai anggoro’ ba’ru sia minna’ sia anak domba sia anak sapi; iatu penaanna tau iato mai susito pa’lak disakka’i, tae’mo nala kapu’duran len.

YEHEZKIEL 34:27

Iatu mai mintu’ kayu dio lu padang la umpalao buanna sia iatu padang la umpakendek burana. La manaman tu tau iato mai tuo dio lu padangna. Anna tandai, kumua Akumo tu PUANG, ke Kurebongi tu batang ayokana sia Kurampanan lan mai limanna to umpokaunanni.

YEHEZKIEL 34:28

Natae’mo naporampanni mintu’ bangsa, sia tae’mo nala ungkandei olo’-olo’ dao kuli’na padang, sangadinna la torro marampa’ sia moi misa’ tau tae’mo umpatiramban lenni.

ZAKHARIA 8:7

Inde sia tu kadanNa PUANGna mintu’ ma’dandan maritik, Nakua: Tonganna la Kurampanan tu taungKu dio mai tondok kabu’tuan allo sia dio mai tondok kalambunan allo.

ZAKHARIA 8:8

La Kupasule tu tau iato mai anna torro lan Yerusalem. Tau iato mai la dadi taungKu na Aku la dadi Kapenombanna situang kamarurusan sia kamaloloan.