HOSEA 11:1 - Sura' Madatu

¹ Iatonna piapa tu Israel, Kupakaboro’ sia Kutambai tu anakku dio mai Mesir.

HOSEA 11:1 Referans Kwoze

MATIUS 2:15

Torro bangmi dio sae lako matena Herodes, kumua anna sundun tu apa Napokada Puang tu sun dio pudukna nabi, kumua: Dio mai Mesir Kunii untambai tu AnakKu.

KATASSURAN 4:22

Attu iato la ma’kadako lako Firaun, kumua: Susite tu kadanNa PUANG: Iatu Israel anakKu muane, iamo anak pa’bunga’Ku.

HOSEA 13:4

Apa Akumo tu PUANG, Kapenombammu, tempon dio mai Mesir, tae’ Kapenomban mutandai sangadinna Aku sia tae’ misa’ to merampanan sangadinna Aku.

HOSEA 2:15

La dadi allo iato, kadanNa PUANG, la mukua ussangaiNa’ muaneku, sia tae’mo ammu sangaiNa’: Baalku.

YEREMIA 2:2

Maleko umpokadai anna rangii mintu’ tau lan Yerusalem, kumua: Nakua kadanNa PUANG: Kukilalaipa tu kamamalirammu tommu mangura sia pa’kaboro’mu tommu ma’rampanan kapa’, tommu turu’Na’ lan padang pangallaran, iamotu dio lu padang tang dipantananni.

MALEAKHI 1:2

Kukaboro’ikomi, kadanNa PUANG. Apa ma’kadakomi mikua: Umbara Mikua umpapayanni tu pa’kaboro’Mi? Tae’raka nasiulu’na Yakub tu Esau? kadanNa PUANG. Moi nasusito, Kukaboro’i tu Yakub,

HOSEA 12:13

Iatu Yakub mallaimo lako padang Aram, sia iatu Israel dikurinni, la urrampanni kapa’ tu misa’ baine, sia belanna la urrampanni kapa’ tu misa’ baine, anna mangkambi’ domba.

YEHEZKIEL 16:6

Attu iato lendu’Mo’ dio to’ muninna, angKu tiroko metteba’-teba’ dio to’ rara katibussanammu sia Kukuangko tommu sitombang rara: Tuoko; tonganna Kukuangko tommu sitombang rara: Tuoko.

PA’TOLE 7:7

Tangia belanna to marapuangkomi na iatu mintu’ bangsa senga’, anNa alakomi penaanNa PUANG sia Natonno’komi, sangadinna iatu kamu bangsa mandu bitti’ na iatu mintu’ bangsa.

HOSEA 12:9

Apa ma’kada tu Efraim nakua: Tonganna, sugi’mo’, na iatu kasugirangku daka’kumo; iatu mintu’ daka’ku, tae’ nadiappa’ tu kakadakean dio kaleku, tu disanga kasalan.

KATASSURAN 4:23

Iamoto Kukua lako kalemu: Eloranni tu anakku male anna penombaiNa’; iake tae’i mueloranni male, manassa la Kupatei tu pia muane pa’bunga’mu.

PA’PUDIAN 129:1

Nanian Hamaa’lot. Madada’na’ napakario-rio tau tempon dio mai mangurangku, – Melo ke ma’kadai tu to Israel. –

YEREMIA 12:7

Kutampemo tu banuangKu, Kutibe tu mana’Ku; iatu pa’kaboro’na penaangKu Kusorongmo tama limanna ualinna.

HOSEA 10:15

Iatu iannato buntu tumangna Betel sia pa’pobua’na kaliuan kadakemi. Ianna tilalekmo masiang, iatu datu Israel la disabu’imo.

KATASSURAN 19:4

Mitiromo tu apa Kupogau’ lako to Mesir, umba Kukua urrande pala’komi susi dao pani’ langkan maega, angKu pasaekomi lako Kaleku.

PA’TOLE 33:3

Tonganna Nakamasei tu mai bangsa iato; mintu’ to maserona – lan nasang limamMi, matindo dio to’ lentekMi sia untarima pirang-pirang buku kadamMi.

YESAYA 43:4

Belanna keangga’ko Kutiro sia mala’bi’ sia naalako penaangKu, angKu sorongi tu ba’tu pira-pira tau ussulleko, sia ba’tu pira-pira bangsa ussonda sunga’mu.

YEHEZKIEL 16:22

Lan mintu’ penggauran megalliammu sia gau’ salamu, tae’ mukilalai tu allo kalollerammu, tommu ma’kambelang, tang ma’tamangkale, sia metteba’-teba’ko dio to’ raramu.