HOSEA 10:8 - Sura' Madatu

⁸ La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!

HOSEA 10:8 Referans Kwoze

LUKAS 23:30

Iato ke attu iato mane la randukri ma’kada tu tau lako mintu’ tanete susite: I’pinnikanni mai! sia lako mintu’ buntu: Samboikanni mai!

KADA OMBO’ LAKO RASULU’ YOHANES 6:16

Anna ma’kada lako mintu’ tanete sia buntu batu: Tuannikanni sia rerungkanni dio mai oloNa Puang tu unnisung dao isungan kapayungan iato, sia dio mai kasengkeanNa Anak domba.

YESAYA 2:19

Allo iato iatu mai tau la mallai tama lo’ko’ batu sia rokko garuang tu belanna kametakuranna kamala’biranna kapaanNa, ke ke’de’I umpatiramban mintu’ issinna lino.

HOSEA 9:6

Belanna, moi anna tilendok dio mai kasanggangan, la narampun duka Mesir, sia la napeliang Memfis. Ria la ussitutu’i tu ianan salakana sia duri la tuo lan lu tendana.

AMOS 8:14

tu umposumpa kasalanna Samaria, sia ma’kada: La lelukraka tuona kapenombammu, e Dan!, sia: La lelukraka tuona kalingkan lako Bersyeba! Tonganna la songka tu tau iato mai sia tae’mo nala bendan sule.

YESAYA 32:13

sia belanna pa’lakna taungKu tu natuoi duri sia a’da’ sia belanna mintu’ banua nanii pa’maruasan lan tondok sode-sodena.

KADA OMBO’ LAKO RASULU’ YOHANES 9:6

Iake attu iato la undaka’ mate tu tolino, apa tae’ naappa’i; nakamorai la mate, apa iatu kamatean mallai dio mai kalena.

MIKHA 1:13

Papasangi kareta tu darang, e to Lakhis. Iamo tiparandukna kasalanna anak dara Sion, belanna lan kalemu dinii unnappa’i tu kapatodo-tintinganna Israel.

MIKHA 1:5

Mintu’nate bannang dio kapatodo-tintinganna Yakub sia kasalanna to Israel. Apara tu kapatodo-tintinganna Yakub? Tangiaraka tu Samaria? Sia apara tu kasalanna inan madaona Yehuda? Tangiaraka tu Yerusalem?

HOSEA 10:5

Belanna anak sapi dio Bet-Awen anna selang tu to umpa’tondokki Samaria; ondongpi iatu to buda mario-rio tu diona to, sia silallakan to minaa umpengkaolai rapang-rapang dipodeata, belanna sisayurammo kamala’biranna.

HOSEA 10:2

Mo’rang tu penaanna, totemo la napassan tu bua kasalanna: la Nasanggang Puang tu inan pemalaranna sia la Naro’pok tu mintu’ batu dipodeatanna.

HOSEA 5:8

Pannonikomi napiri tanduk dio Gibea sia tarompe’ dio Rama! Unnarrakkomi dio Bet-Awen diona kasirarian! Naula’ko ualimmu, e Benyamin!

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

HOSEA 4:13

Umbaa pemala’ dao lu bottona mintu’ buntu sia umpennoloan pemala’ ditunu dao lu mintu’ tanete, iamo tu diong to’ garonto’ pallin, libne sia tarpin, belanna masakka’ naonganni. Iamoto anna ma’gau’ sala tu anakmi baine sia pasandak salu tu minintummi baine.

YESAYA 34:13

Lan mintu’ tongkonan layukna natuoi duri sia lan mintu’ tambakukunna den lelating sia a’da’; mintu’nato nanii torro serigala sia padang pa’porianna burung unta.

2 OSSORANNA DATU 31:1

Iatonna upu’mo te mintu’ apa iate, malemi tu mintu’ to Israel, tu dio ren, lako mintu’ kota Yehuda, natesse-tessei tu mintu’ batu dipodeata, nalellengi tu mintu’ kayu dipodeata sia naseran tu mintu’ inan madao sia inan pemalaran, naputtai lan mai mintu’ Yehuda sia Benyamin sia lan lu Efraim sia Manasye. Mangkato sulemi tu mintu’ to Israel lako kotana, pantan male lako mana’na.

2 DATU 23:15

Sia ia duka tu inan pemalaran dio Betel, – iamotu inan madao dinii memala’ tu napabendan Yerobeam, anakna Nebat, tu ussua to Israel umpogau’ kasalan –, narondonni, iamotu inan pemalaran sola inan madao. Iatu inan madao iato naballa, sia nanisak-nisak nadadi au sia naballa tu lentong kayu dipodeata.

1 DATU 14:16

Sia la Nasa’biangan tu to Israel natumang kasalanna Yerobeam sia kasalan tu napa’pesuan lako to Israel umpogau’i.

1 DATU 13:34

Iatu penggauran tontongnato napokasalan bati’na Yerobeam, naurunganni disanggang sia disabu’i dao mai kuli’na padang.

1 DATU 13:2

Ma’kadami tete dio kadanNa PUANG lako inan pemalaran, nakua: E, inan pemalaran, e inan pemalaran, nakua kadanNa PUANG: Lan tongkonan layukna Daud la dipadadian misa’ pia muane, disanga Yosia, iamo la urrere’i dao kalemu tu mintu’ to minaa biasa memala’ dao inan madao, tu untunu pemala’ dao kalemu, sia dao kalemu to, la nanii tau untunu buku tolino.

PA’TOLE 9:21

Apa iatu panggaragammi tu mipokasalan, iamotu anak sapi mangka migaragai, kuala, angku ballai sia kutesse-tesse angku nisak-nisakki sae lako mendadi susi barra’-barra’. Iatu barra’-barra’ iato kutibe rokko salu’-salu’, tu lolong dao mai buntu iato.

KADADIAN 3:8

Nasa’dingmi tu tengkaNa PUANG Kapenomban sumalong-malong lan pa’lak tonna mangiri’ tu angin sarrang allo; umpembuniammi PUANG Kapenomban tu tolino sola duai ma’baine dio mai oloNa PUANG Kapenomban tama to’ kayu makampu-kampu lan pa’lak iato.

HOSEA 2:6

Sia la undi unnula’i tu to nasigau’-salan, apa tae’ nalambi’i; nadaka’, apa tae’ naapparanni. Undinna la ma’kada nakua: La moraina’ male angku sule lako muane doloku, belanna iatu dolona mandu melo na iate totemona.

HOSEA 10:9

Tempon allonapa Gibea, mupogau’mo kasalan, e Israel. Tontong bangkomi umpengkaolai tu iannato. Tang nalambi’raka dio Gibea tu tau iato mai tu kasirarian unneai tu to tang mekaaluk unturu’ pa’poraiangKu?

AMOS 7:9

Sangadinna iatu inan madaona Ishak la disanggangi sia iatu mai inan maindanna Israel la diro’pok, sia la ke’de’Na’ unnukungi tu bati’na Yerobeam la umparampoi pa’dang.

NAHUM 3:11

Iko duka la malango sia limpu-limpu, sia la undaka’ko pembunian dio mai uali.

YESAYA 2:21

Anna mallai tama lo’ko’ buntu batu sia sapak batu, tu belanna metakuranNa PUANG sia belanna kamala’biran kapayunganNa, ke ke’de’I umpatiramban mintu’ issinna lino.

HOSEA 8:5

Iatu anak sapimmu apa megi’giran, e Samaria! Dukku tu kasengkeangKu la urrampoi tu tau iato mai. Sangapapira tu tau iato mai tang la ma’din diseroi?

AMOS 1:5

La Kule’to tu salli’na Damsyik sia la Kusabu’i tu pa’tondokan lan mai Bikeat-Awen sia iatu to untoe tekken kapayungan lan mai Bed-Eden, sia iatu pa’tondokanna Aram la dipali’ lako Kir, – kadanNa PUANG.

AMOS 3:14

Tonganna iangKu ukungi tu Israel belanna kapatodo-tintinganna, manassa la Kuparampoi duka kasanggangan tu mai inan pemalaran Betel, naurungan dita’takki tu tanduk inan pemalaran, anna tipessambak rokko padang.