HOSEA 10:7 - Sura' Madatu

⁷ La disanggangmo tu Samaria; iatu datunna susi to bulisak naangan uai male.

HOSEA 10:7 Referans Kwoze

HOSEA 10:3

Inang ma’kada tu tau iato mai totemo, nakua: Tae’ datunta – apa iake tae’i takataku’ PUANG, apara ma’din napogaurangki’ tu datu.

YUDAS 1:13

susi bombang kapua lan tasik umpemburrusan kalena siri’na; susi bintoen tilele-lele; tau iato mai tiparandanmo kamapattangan lako kalena tontong sae lakona.

HOSEA 13:11

Kubenmoko misa’ datu situang kasengkeangKu sia Kuala pole’ situang kamagalliangKu.

HOSEA 10:15

Iatu iannato buntu tumangna Betel sia pa’pobua’na kaliuan kadakemi. Ianna tilalekmo masiang, iatu datu Israel la disabu’imo.

2 DATU 17:4

Apa naapparan datu Asyur tu Hosea umpaden kasipakulu-kuluan, belanna ussua pesua lako So, datu Mesir, sia tang massima dukamo lako datu Asyur, susitu biasanna ke taunoi, iamoto natingkanni datu Asyur sia napattang lan pa’tarungkuan.

2 DATU 15:30

Iatu Hosea, anakna Ela, umpadenmi kasipakulu-kuluan unnea Pekah, anakna Remalya; napateimi anna ia ussondai dadi datu tonna taun ma’penduangpulo kadatuanna Yotam, anakna Uzia.

2 DATU 1:3

Apa ma’kada tu Malaeka’Na PUANG lako Elia, to Tisbe, nakua: Ke’de’moko, mumale umpessitammui tu pesuanna datu Samaria, sia ma’kada lako tau iato mai, kumua: Tae’raka Puang Matua dio lu to Israel, ammi malera mekutana lako Baal-Zebub, deatanna to Ekron?

1 DATU 21:1

Iatonna mangkamo tu mintu’nato dadimi susite. Iatu Nabot, to Yizreel unnampui misa’ pa’lak anggoro’ dio Yizreel sikadappi’ tongkonan layukna Ahab, datu Samaria.

HOSEA 10:8

La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!