HOSEA 10:5 - Sura' Madatu

⁵ Belanna anak sapi dio Bet-Awen anna selang tu to umpa’tondokki Samaria; ondongpi iatu to buda mario-rio tu diona to, sia silallakan to minaa umpengkaolai rapang-rapang dipodeata, belanna sisayurammo kamala’biranna.

HOSEA 10:5 Referans Kwoze

HOSEA 9:11

Iatu kamala’biranna Efraim la mettia’ male susi manuk-manuk; tae’mo tau la dadi, tae’mo tau la ma’tambuk, iatu inan tau tang la kasampean.

HOSEA 5:8

Pannonikomi napiri tanduk dio Gibea sia tarompe’ dio Rama! Unnarrakkomi dio Bet-Awen diona kasirarian! Naula’ko ualimmu, e Benyamin!

HOSEA 4:15

Iake la moraikomi ma’gau’ sala, e to Israel, da anna lakoi sala tu to Yehuda! Da milao lako Gilgal, sia da milao lako Bet-Awen, sia da mipalao sumpa dio, kumua: La lelukraka tuoNa PUANG!

2 DATU 23:5

Natassu’i duka datu tu mintu’ to minaa deata tu naangka’ mintu’ datu to Yehuda untunu pemala’ dao inan madao, lan lu mintu’ kota Yehuda sia lan lu lili’na Yerusalem, sia iatu mai to untunuan pemala’ Baal sia mata allo sia bulan sia ma’rupa-rupa bintoen sia mintu’ ma’dandan maritik dao langi’.

HOSEA 13:2

Totemo napatontong duka umpogau’ kasalan sia nagaragai rapang-rapang dipodeata dipati’no’ tu salakana, iamo tu rapang-rapang dipodeata nagaragai unturu’ inaanna; mintu’nato panggaraga pande bulaan. Napokadammi tau tu diona tau iato mai: iatu to memala’, iamo unnudung anak sapi.

PENGGAURANNA RASULU’ 19:27

Iatu iannato tangngia ia manna tu pandakaranta ia nasura’ naurunganni tang la lala’, apa iari tu banua dinii umpenombai Artemis, deata mala’bi’, tae’mo nala ungkatondo’i tau, anna pa’de kamala’biranna tu deata napenombai mintu’ tau lan tana Asia sia mintu’ tau lan te lino.

ZEFANYA 1:4

La Kue’te’ tu limangKu unnukung Yehuda sia mintu’ to lan Yerusalem, sia la Kusabu’i lan mai inan iate tu mintu’ apa torronapa Baal sia sanganna mintu’ to untoean deata sola mintu’ to minaa,

2 OSSORANNA DATU 11:15

Belanna naangka’mo Yerobeam tu ba’tu pira-pira tau napotominaa la menomba dao inan madao sia menomba lako ampu padang sia lako anak sapi nagaragai.

2 DATU 17:16

Naboko’i tu mintu’ pepasanNa PUANG, Kapenombanna, anna garaganni kalena tu rapang-rapang dipodeata dipati’no’, iamotu da’dua anak sapi; nagaragai duka tu ba’tu pira-pira lentong dipodeata, sia tukku umpenombai tu mintu’ ma’dandan maritik dao langi’ sia Baal.

2 DATU 10:29

Sangadinna ia manna tu kasalanna Yerobeam, anakna Nebat, tu napa’pesuan lako to Israel umpogau’i, tae’ naboko’i Yehu, iamotu mai anak sapi bulaan dio Betel sia dio Dan.

TO PARENGNGE’ 18:24

Mebalimi nakua: Mangkamo miala tu kapenombangku, tu mangka kugaragai, sia ia duka tu to minaa misolammo male. Apapara torro dio kaleku? Umbao mikua mima’kada lako kaleku kumua: Apara te?

YOSUA 7:2

Nasuami Yosua tu ba’tu pira-pira tau dio mai Yerikho lako Ai, tu sikandappi’ Bet-Awen, rampe matallona Betel, sia ma’kada lako, nakua: Malekomi usserre’i tu tondok iato. Malemi tu tau iato usserre’i Ai.

2 OSSORANNA DATU 13:8

Totemo misanga la misau’ tu kadatuanNa PUANG, tu lan limanna bati’na Daud, belanna to budakomi sia miampui tu anak sapi bulaan, tu napadadiangkomi Yerobeam la mipokapenomban.

YESAYA 46:2

Tukku sia re’ba sola nasangi, iatu apa nateke’ sapi tae’ nakullei umpangeai sia ia kalena duka male dirampa.

HOSEA 9:1

Da musende-sende, e Israel, ammu mela’tek-la’tek, susi mintu’ bangsa, belanna sorong boko’moko dio mai Kapenombammu sia pasandak salu lako rampanan kapa’, ammu kamorai saro gau’ sala dao lu mintu’ panglulluran gandung.

AMOS 3:14

Tonganna iangKu ukungi tu Israel belanna kapatodo-tintinganna, manassa la Kuparampoi duka kasanggangan tu mai inan pemalaran Betel, naurungan dita’takki tu tanduk inan pemalaran, anna tipessambak rokko padang.