HOSEA 10:12 - Sura' Madatu

¹² Mangambo’komi situang kamalamburan, mebura padangkomi situang kamamasean, bungka’komi padang ba’ru. Iake susito, nalambi’mo attunna la undaka’ PUANG, kumua anNa sae sia umpasaeangkomi uran kamaloloan.

HOSEA 10:12 Referans Kwoze

YAKOBUS 3:18

Anna buanna, iamotu kamaloloan, diambo’ situang kamarampasan lako mintu’ to ma’pasikaelo.

YESAYA 45:8

Tumarantankomi, e langi’, sia e mintu’ salebu’, patibolloi tu uran kamaloloan; la tikillang tu lipu daenan, anna tuo tu kasalamaran, sia pada napopellolo kamaloloan; Akumo, tu PUANG, tu umpaden nasangi te.

SARAMBU PEADA’ 11:18

Iatu to tang mekaaluk ungkabu’tu’i saro tang ma’pamaupa’, apa iatu to unnambo’ kamaloloan, ungkabu’tui saro matontongan.

YESAYA 55:6

Daka’i tu PUANG, su’ding ma’din siaPi diappa’; massambayangkomi metamba lako, su’ding mandappi’ siaPi.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

YESAYA 44:3

Belanna aku la umbolloi uai tu be’ko’na sia salu’-salu’ tu kamarangkeanna; la Kupasaruranni PenaangKu tu bati’mu sia rongko’Ku tu lanto mimi’mu.

TOMANGADA’ 11:6

Ambo’i tu bannemu, ke melambi’i sia da mutorroi mengkarang moi namakaroenmo, belanna tae’ mutandai umbanna tu dadi melo, iaraka te iarakato, ba’tu melo dua siaraka tuona.

PA’PUDIAN 105:4

Anga’i tu PUANG sia tuntunni tu matoto’Na; la tontongkomi undaka’I ammi pellambi’i oloNa.

LUKAS 13:24

Parukui tu kalemi unnola ba’ba sukku’, belanna Kukua lako kalemi: Buda tau undaka’ lalan la morai tama, apa pangkun.

AMOS 5:15

Kabiri’i tu kadakena, kabarii tu melona, patunannangi tu salunna lan lu babangan, den sia manii upa’ anNa katuru-turui PUANG, Kapenombanna mintu’ ma’dandan maritik, tu to tinampena Yusuf.

AMOS 5:6

Daka’i tu PUANG, ammi tuo, da narampoi bati’na Yusuf susi tu api ma’kande pu’pu’, anna tae’ misa’ tau untundui tu Betel umpa’deanni.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

AMOS 5:4

Belanna inde sia tu kadanNa PUANG lako bati’na to Israel, Nakua: Daka’Na’, ammi tuo.

HOSEA 12:6

iamo tu PUANG, Kapenombanna mintu’ ma’dandan maritik, PUANG tu sanganNa.

AMOS 5:8

Puangmo, tu ungkombong Bunga’ sia Orion. Puangmo tu umpopembali malillin dadi arrang melambi’, sia umpamalillin masiang dadi bongi; Puangmo, tu unnongli’ uai tasik, anNa patibarrakki dao kuli’na padang – PUANG iamo to tu sanganNa.

HOSEA 8:7

Belanna unnambo’mo angin tu tau iato mai, tae’ duka nasalai tang talimpuru’ napolean: la langko tu gandung, iamo tananan, tu tang la umpaden ta’pung; moi naden issinna, to tama sae la unnampello’i.

PENGGAURANNA RASULU’ 2:18

sia lako duka mintu’ taungKu muane sia taungKu baine la Kutuaran tu PenaangKu to attu iato, anna ma’nubua’.

YEHEZKIEL 34:26

La Kupadadi kamauparan tu tau iato mai, ondongpi tu mintu’ apa untikui taneteKu, sia la Kupasaean uran ke attunnai; la dadi uran ma’palobo’.

YESAYA 32:20

Maupa’komi tu to mangambo’ dio randanna mintu’ uai sia tu umpopassangka penaammi ullamba’ sapi sia keledaimmi lako mintu’ inan.

YESAYA 30:23

Puang la umpasaeanni uran tu banne muambo’ dio lu bela’mu, sia umpa’bengan roti bu’tu dio mai bura padangmu la mammi’ dikande sia ma’pamatoto’ sia allo iato mintu’ patuoammu la undaka’ kande dio lu padang malona’.

YEREMIA 50:4

Allo iato sia attu iato, kadanNa PUANG, pada la sae tu mintu’ to Israel sola to Yehuda, situang tangi’na undaka’ PUANG, Kapenombanna.

YESAYA 5:6

La Kupopempangala’ sia tae’ duka anna la dipetangkei sia la dibingkung, anna duri manna sola a’da’ tuo lan; la Kukuan duka tu salebu’ da anna pato’doi uran.

SARAMBU PEADA’ 18:21

Iatu kamatean sia katuoan lan kuasanna lila, minda-minda unturusanni la nakande tu buanna.

PA’PUDIAN 72:6

Sangapaoi anna sitinti uran dilangi’ unta’pai padang dibela’i, sia sitinti uran umbanasa ussakka’i kuli’na padang.

2 KORINTUS 9:10

Apa Puang tu umpa’bengan banne lako to mangambo’ sia kande la dikande. Ia duka la umpa’kamaseanni sia umpopemba’ka’i tu pangambo’mi sia umpatarri’i tu bua kamaloloammi,

YESAYA 48:18

Iakemmu la umperangii tu mintu’ pepasanKu, manassa iatu kamarampasammu susito salu sia iatu kamaloloammu butung to bombang tasik;

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

YESAYA 54:14

Tete dio kamaloloan ammu dipatangtibendon. Sia la muissan, kumua toyangko dio mai pa’pakario-rio belanna tae’ mumataku’, sia la toyangko dio mai ma’patirambanna belanna iatu iannato tae’ nala urreke’ko.