HOSEA 1:11 - Sura' Madatu

¹¹ La sita’pa tu mai to Yehuda anna to Israel, unnangka’ misa’ pangulu, anna ke’de’ lan mai padang iato, belanna la kapua tu allona Yizreel.

HOSEA 1:11 Referans Kwoze

HOSEA 3:5

Undinnato la mengkatoba’ tu to Israel, sia undaka’ PUANG Kapenombanna, sia Daud datunna, na sae mennolo ma’parondo tu tau iato mai lako PUANG sia lako kameloanNa, – lan attu la sae.

YEREMIA 31:33

Iamote tu basse tu la Kutanan sola to Israel undinna na allo iate, kadanNa PUANG Nakua: Aku la umpalanni ba’tengna tu Sukaran alukKu sia la ussura’i to lan penaanna, anna Aku la dadi Kapenombanna na tau iato mai la dadi taungKu.

ROMA 11:15

Belanna iake ia napasikaelo issinna lino tu kadisa’biangananna to Israel, la ma’patumba pole’opi ke ditarimai sule, ke tang katuoan dio mai to’ to mate?

YEREMIA 50:19

Sia la Kupasule tu to Israel lako padang kariuanna, anna purai nakande tu riu dao Karmel sia Basan sia la dipedia’i dao buntu Efraim sia lan Gilead.

YEREMIA 30:3

Belanna tonganna la sae tu allona, kadanNa PUANG, ke Kupopembalii tu toto’na taungKu Israel sia Yehuda, kadanNa PUANG, sia umpasulei tu tau iato mai tama tondok, tu mangka Kukamasean nene’ to dolona, kumua anna pomana’i.

PA’PUDIAN 110:3

Iatu taumMu masorok penaanna ussorong kalena, ke Muarakki lao parari. Anna situang kassa’ diangkaran lako malolona tu to manguramMu siduruk lako Kalemu, butungi to to’do ambun natambuk dannari lambe’.

YEREMIA 30:7

A’a, lendu’ ia metakuranna tu allo iato, tu tae’ len susinna; iamo misa’ attu kapussakan lako Yakub; apa moi susito, la dirampanan duka.

YEREMIA 30:21

Iatu arungna la bu’tu dio mai tau iato mai, to ma’parenta la bendan dio lu tau iato mai, sia la Kueloran sae lako Kaleku la umperreke’iNa’; belanna mindapara la umpa’petambenan penaanna la umperreke’iNa’?, kadanNa PUANG.

YEREMIA 32:37

Manassa la Kupulung tu tau iato mai lan mai mintu’ tondok, tu Kunii urrambai male tete dio kasengkeangKu sia kare’dekangKu sia kamagi’giran kapuaKu, sia Aku la umpasulei lako inan iate sia la umpatorro marampa’i.

YEHEZKIEL 39:25

Iamoto, inde sia tu kadanNa Puangta PUANG, totemo la Kupasule tama dandanna tu Yakub sia la Kukamasei tu mintu’ to Israel sia la natukka’Na’ ara’Ku belanna sanga madatungKu.

HOSEA 2:1

Parapa’i tu indo’mi, parapa’i, belanna tangia baineKu sia iatu Aku tangiaNa’ muanena. Da anna lindo batu massede sia tang ma’bayu la pasandak salu lako rampanan kapa’.