HOSEA 1:10 - Sura' Madatu

¹⁰ Apa undinna iatu to Israel la buda susi karangan dio biring tasik, tu tang dikemba’ disuka’ ba’tu diia’. Anna dadi dio inan dinii umpokadanni tau iato mai kumua: Kamu te tangia taungKu, inde dukato la dinii ussangai anakNa Puang Matua matontongan.

HOSEA 1:10 Referans Kwoze

2 KORINTUS 6:18

sia angKu mendadi Ambe’mi, ammi dadi anakKu muane sia anakKu baine, susimoto tu kadanNa Puang tu Umpoissan angge maritik.

YOHANES 1:12

Apa padami tau untarimaI, iamo Naben kuasa la mendadi anakNa Puang Matua, tu to ungkanappa’i tu sanganNa;

YESAYA 43:6

La Kukua rekke ulunna salu; Pasulei, anna sau’ pollo’na uai: Da mupadapai, solanni sule tu mai anakKu muane dio mai padang mambela sia iatu mai anakKu baine dio mai randan langi’,

YESAYA 66:20

Anna tau iato mai ussolanni dio mai mintu’ bangsa tu mintu’ siulu’mi butung to pemala’ lako PUANG; tau iato mai la ma’darang sia ma’kareta sia dibulle dao kadera; sia ma’bagala’ sia ma’unta malinta’ rampo lako buntu maindanKu, iamo Yerusalem, kadanNa PUANG, sangtinti to Israel umpennoloan pemala’ lan pa’pannian maindan tama banuanNa PUANG.

KADADIAN 13:16

La Kupapada budanna barra’-barra’ tu lanto mimi’mu. Iake dikulle umbilangi tu barra’-barra’, maneri dikulle umbilangi tu lanto mimi’mu.

HOSEA 1:9

Ma’kadami tu Puang Nakua: Sangai Lo-Ami, belanna tangiakomi taungKu sia iatu Aku tangiaNa’ Puangmi.

KADADIAN 22:17

manassa la Kubenko karongkosan kapua sia la Kupopemba’ka’ kalle-kallean tu bati’mu pada bintoen dao langi’ sia pada karangan dio biring tasik, sia la nalapa’ nasang bati’mu tu babanganna ualinna.

IBRANI 11:12

Ia dukamoto, anna dio mai misa’ tau, ontongpi samannamo to mate, nanii bu’tu ba’tu pira budanna tau tu susi bintoen dao langi’ sia susi karangan dio biring tasik tang dikemba’ dibilang.

KADADIAN 32:12

Tang susiraka te tu kadanNa Puang kumua: Manassa la Kupatiroiko melo sia iatu bati’mu la Kupapada karangan diong biring tasik, tu tang dikemba’ dibilang?

YEREMIA 33:22

Susitu mintu’ ma’dandan maritik dao langi’ tang dikemba’ bilanganna sia karangan dio biring tasik tang tisuka’, susi dukamoto la Kupopemba’ka’ tu bati’na Daud, taungKu, sia mintu’ to Lewi, tu mengkaola lako Kaleku.

YESAYA 48:19

sia iatu bati’mu la susi karangan sia tarukmu la sangtinti bungin; tae’ anna la diputtai tu sanganna ba’tu dipisanni dio oloKu.

ROMA 8:19

Belanna mintu’na angge maritik mamali’ tongan umpeagi kapayananna anakNa Puang Matua.

YESAYA 63:16

Kamumo tu Ambe’ki, belanna tae’mo naissankan Abraham, sia tae’mo natandaikan Israel; Kamumo, o PUANG, tu Ambe’ki, sia Pela’bakki tempon dio mai, susimoto tu sangamMi.

YESAYA 64:8

Apa totemo, o PUANG, Kamumo tu Ambe’ki; pitti’kan te, na Kamu tu To tumampaki, sia kami sola nasang panggaraga limamMikanni.

YESAYA 65:1

TumayaMo’ la umpebalii to tang umpekutananNa’, ma’dinNa’ la nakabu’tui to tang undaka’Na’; Kukua lako bangsa tang ussa’bu’ sangangKu: Inde siaNa’, inde siaNa’.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

2 SAMUEL 7:24

Mangkamo Mipatontong tu taumMi Israel la Mipotau sae lakona na Kamu, o PUANG tu Kapenombanna tau iato mai.