HAGAI 1:9 - Sura' Madatu

⁹ Misanga pangrekenmi la buda, apa tonganna sidi’ri, apa iatommi patamami, Kupamurru’mi tama. Ma’apai nasusito?, kadanNa PUANGna mintu’ ma’dandan maritik. Belanna bannang dio tu banuangKu, tu sanggangpa, na iatu kamu pantan umposara’komi banuammi.

HAGAI 1:9 Referans Kwoze

HAGAI 1:4

Denraka tu attummi la torro lan banuammi tu melo rinding papanna na iate banua iate sanggangpa?

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

MALEAKHI 2:2

Iake tae’i miperangii sia tae’ mipalan penaai, ammi pangke’i tu sangangKu, kadanNa PUANGna mintu’ ma’dandan maritik, la Kuparampo tu tampak ropu lako kalemi, sia la Kupopembali tampak ropu tu pa’passakkemi; ondongpi mangkamo Kupopembali tampak ropu, belanna tae’ mipalan penaai.

HAGAI 1:6

Buda tu miambo’, apa ia tu mialanna sidi’ri; kumandekomi, apa tae’ midia’; mangiru’komi, apa tae’ nabossakomi, ma’pakeankomi, apa tae’ namalassu tu kalemi, sia minda-minda tu male sumaro, untarima sarona lan poro’-poro’ lo’po’.

YESAYA 40:7

Iatu riu malayu sia iatu bunga rondon, ke nairi’i penaanNa PUANG; tonganna iatu ma’rupa tau susi bangri to riu!

KADA OMBO’ LAKO RASULU’ YOHANES 2:4

Apa den misa’ Kusayuangko, iamotu untampemoko pa’kaboro’ dolomu.

AYUB 10:2

La ma’kadana’ lako Puang Matua: Da Mira’ta’i kumua sipatuna’ diukung; paissannina’, ma’apai Milaoina’.

2 DATU 19:7

Manassa Aku la umpabu’tui lan penaanna, naurunganni, ke urrangimi misa’ kareba, manassa la sule lako tondokna, sia la Kubambangan nakande pa’dang lan tondokna.

2 SAMUEL 22:16

Iato attu iato payanmi tu mintu’ sali tasik, sia mintu’ parandangan lino sombo duka, tu belanna pegarrakNa PUANG, sia belanna pa’pamurru’na penaanNa dao mai illongNa.

2 SAMUEL 21:1

Iatonna linona Daud denmi karorian pannang situru’-turu’ bang tallung taun; iamoto anna masambayang tu Daud umpekutananni langngan PUANG. Napebaliimi PUANG Nakua: Iamo tu Saul, sola bati’na kaindanan rara bangsia, belanna mangka umpatei to Gibeon.

SARAMBU PEADA’ 27:20

Iatu lino tomate sia bambana mukkun tae’ bang la mosona, susi dukamo tang mosona tu matanna tau.

TOMANGADA’ 1:8

Iatu mintu’na apa mepamata’ka’, tang dikemba’ disa’bu’; iatu mata tang namoso mentiro sia iatu talinga tang naponnoi pa’peranginna.

YEHEZKIEL 21:31

La Kubarrakan tu kare’dekan ara’Ku lako kalemu: sia la Kupamurru’ko api kasengkeangKu sia la Kusorongko tama limanna tu to tang untandai battuan, tu to untampa bang pepayu.

SURA’ KATOMINAAN 19:25

Apa iake taun ma’pellima, ma’dinmo mikande tu buanna, anna rangnganangkomi buanna. Akumo tu PUANG, Kapenombammi.

PA’TOLE 28:38

La mubaa tu banne buda lako pa’lak, apa sidi’ri tu mupupu, belanna pura nakande batik.

SARAMBU PEADA’ 11:24

Den tu tau mangambo’, nabuda pole’ nakabu’tui; den tu tau ungkanengkengi tongan iananna, apa kapu’duran duka sia.

YESAYA 5:10

Belanna iatu pa’lak anggoro’ sangpulo ayokana tedong untengkoi, sangba’ri tu alanna sia iatu mai lise’ misa’ ome misa’ri’ epa burana.

YEREMIA 12:13

Lise’ gandung naambo’ tau, apa duri nasasa’, unta’ka’i kalena, apa tae’ namembura. Iamoto la masiri’komi tu diona bura padangmi, napobua’ kare’dekanNa PUANG.