HAGAI 1:8 - Sura' Madatu

⁸ Malekomi langngan buntu unnala kayu, ammi bangunni sule te banua iate, manassa la naposende penaangKu, angKu dipakala’bi’, kadanNa PUANG.

HAGAI 1:8 Referans Kwoze

EZRA 3:7

Nabenmi doi’ tau iato mai tu to ma’pa’batu sia pande kayu; sia kande sia diiru’na sia minna’ naben to Sidon sia to Tirus la umbaai tu kayu arasi’ dao mai Libanon tama tasik Yafo, susitu pangeloranna Koresh, datu Persia lako tau iato mai.

2 OSSORANNA DATU 7:16

Belanna totemo Kupilei langsa’mo te banua iate sia kupamarimbangan, kumua anna iatu sangangKu torro dio sae lakona; iatu matangKu sia penaangKu la dio duka kiallo-kiallo.

HAGAI 2:7

Belanna inde sia tu kadanNa PUANGna mintu’ ma’dandan maritik, Nakua: Sattu’mora, tae’mora namasai, angKu patigega’i tu langi’ sia lino, tasik sia karangkeanna.

1 DATU 9:3

Ma’kadami tu PUANG lako Nakua: Kurangimo tu passambayangmu sia pengkamoyamu tu mangka mupennoloan dio oloKu, sia Kupamarimbanganmo te banua mangka mubangun, belanna Kupalanmo tu sangangKu tontong sae lakona; sia iatu matangKu sia penaangKu la dio bang kiallo-kiallo.

KATASSURAN 29:43

Indeto la Kunii sae sitammu to Israel, anna kamala’birangKu umpamaseroi tu tau iato mai.

HAGAI 2:9

Aku puangna tu mintu’ salaka sia Aku puangna tu mintu’ bulaan, kadanNa PUANGna mintu’ ma’dandan maritik.

YESAYA 66:11

kumua ammi mimmi’i sadia’mi tu susu pa’pakatananna, sia miiru’i sanabossami tu susu masekkaranna.

YESAYA 60:13

Iatu kamala’biranna Libanon la rampo lako kalemu, iatu kayu sanoba’ sia darda’ sia buangin pada-padai la umbeloi to’ inan maindanKu sia la Kupamala’bi’ tu inan pelleseangKu.

YESAYA 60:7

Mintu’ dombana Kedar la dipopa’misa lako kalemu sia mintu’ domba lakinna Nebayot la dirambangko ammu poapai; la dipalangngan inan pemalarangKu, anna dipemalaran napopaiman penaangKu sia iatu banua mala’bi’Ku la Kupamala’bi’.

EZRA 6:4

La tallung papa’ batu kapua sia sangpapa’ kayu. Mintu’ tu langgoso’na la dipatassu’ dio mai pa’rampunan doi’na kadatuan.

1 DATU 6:1

Iatonna taun a’pa’ratu’ ngkarua pulona tonna mangka tassu’ tu to Israel lan mai tondok Mesir, lan taun ma’penna’pa’na kama’parentanna Salomo lako to Israel, tonna bulan Ziw, iamotu bulan ma’penduan, nabangunanni Salomo tu banuanNa PUANG.

HAGAI 1:7

Inde sia tu KadanNa PUANGna mintu’ ma’dandan maritik, Nakua: Tangnga’ meloi tu apa urrampoikomi.

1 OSSORANNA DATU 22:19

Totemo la mipakalebu tallang tu penaammi sia deatammi la umpengkaolai PUANG, Kapenombammi. Iamoto sangtiangkarangkomi la umbangunni tu inan maindanNa PUANG Kapenomban, anna iatu patti basseNa PUANG sia mintu’ pareanan maindanNa Puang Matua ma’din dibaa lako banua iato, tu dipabendanan sanganNa PUANG.