HAGAI 1:11 - Sura' Madatu

¹¹ Sia Kutambai tu pealloan karing urrampoi padang sia buntu, gandung, uai anggoro’ ba’ru, minna’ sia mintu’ burana padang, tolino sia olo’-olo’ sia mintu’ panggaraga lima.

HAGAI 1:11 Referans Kwoze

HAGAI 2:17

tonna tae’pa nadadi mintu’ apa iato; iake saemi tu tau lako patuku gandung, tu duangpulo suka’na, apa denri pessangpulo; iake saei lako pa’parran anggoro’ la untimbai pellimangpulo lan mai inan iato, apa denri penduangpulo.

PA’TOLE 28:22

PUANG la umpata’paiko saki rangke, lalla’, lassu, kele sia baloke’, kamalangkoan, kamalayuan sia pasian; iamoto tu la urrampoiko, ammu mangsan.

2 DATU 8:1

Ma’kadami Elisa lako tu baine mangka napatuo anakna, nakua: Ke’de’moko ammu male sola to lan banuammu, sia mempue umba-umba nii musanga melo, belanna Napasaemo PUANG tu karorian. Dadi tonganmo lan tu tondok pitung taun.

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

AMOS 9:6

tu umpabendan bilik mengkadaoanna dao langi’ sia unnoton bilik massaloko’na dao kuli’na padang, tu unnongli’ uai tasik, anna patibarrakki dao kuli’na padang – PUANG iamoto tu sanganNa.

AMOS 7:4

Susite tu apa Napatiroanna’ Puangta PUANG: Manassa untambai api la umpalalo ukungan. Api iato napamarangke tu uai kapua sia la nakande duka tu pa’pa’lakan.

AMOS 5:8

Puangmo, tu ungkombong Bunga’ sia Orion. Puangmo tu umpopembali malillin dadi arrang melambi’, sia umpamalillin masiang dadi bongi; Puangmo, tu unnongli’ uai tasik, anNa patibarrakki dao kuli’na padang – PUANG iamo to tu sanganNa.

BATING 1:21

Narangimo tau iato mai umba nakua tu sarroku; apa moi misa’ tau tae’ tu umpakatanana’; narangi mintu’ ualingku tu kamandasangku; parannu-rannumo tu tau iato mai, belanna Mipogau’mo tu iannato, belanna Miparampomo tu allo mangka Mipa’peissanan – kenna dadiora susi aku tu tau iato mai,

AYUB 34:29

Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi – la pada-pada tu misa’ bangsa ba’tu misa’ tau –

YEREMIA 14:2

Iatu to Yehuda masussa nasang sia tae’mo namatoto’ tu mintu’ babanganna; iatu tau iato mai ma’pote dibolong mamma’ diong lu padang; sia iatu sarrona Yerusalem kendekmo langngan langi’.

MALEAKHI 3:9

Narampoikomi tampak ropu, namoi susito mirampa duka tu apangKu, e kamu mintu’ bangsa.

MALEAKHI 3:11

Iake susito la Kutampakki ropu tu batik londong, ammi pomeloi, kumua da na sanggangi tu bura padangmi sia kumua iatu garonto’ anggoro’ dio pa’lakmi tae’ nala tang menta’bi’ lako kalemi, kadanNa PUANGna mintu’ ma’dandan maritik.

HAGAI 2:19

Palan penaai tu mintu’ apa dolo na allo iate, iamotu allo ma’penduangpulo nna’pa’ bulan ma’pengkasera, randuk dio mai allo iato, tu dinii unnoton parandangan Banua kabusunganNa PUANG. Palan penaai: