HAGAI 1:1 - Sura' Madatu

¹ Iatonna taun ma’penduan kadatuanna Darius, bulan ma’pennannan, allo bunga’na bulan iato, saemi tu kadanNa PUANG nalopian nabi Hagai lako Zerubabel, anakna Sealtiel, to maraya Yehuda, sia lako Yosua, anakna Yozadak, tominaa kapua, nakua:

HAGAI 1:1 Referans Kwoze

EZRA 2:2

tu sae nasolan Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum na Baana. Inde sia tu iaranna mintu’ muane to Israel:

EZRA 3:8

Iatonna taun ma’penduan, bulan ma’penduan tonna rampomo tu tau iato mai lako banuanNa Puang Matua dio Yerusalem, randukmi tu Zerubabel, anakna Sealtiel, sia Yesua, anakna Yozadak, sia mintu’ siulu’ senga’na, iamotu mintu’ to minaa sia to Lewi sia mintu’ tu to dipali’ tu rampomo lako Yerusalem, unnangka’ to Lewi, randuk dio mai duangpulo taunna ba’tu la’bi la untiroi tu pengkarangan dio banuanNa PUANG.

EZRA 3:2

Ke’de’mi tu Yesua, anakna Yozadak, sola mintu’ siulu’na, iamotu mai tominaa, sia ia duka tu Zerubabel, anakna Sealtiel sola mintu’ siulu’na, anna bangunni tu inan pemalaran Kapenombanna to Israel, kumua anna dao dinii umpemalaranni tu pemala’ ditunu pu’pu’, susitu disura’ lan Sukaran alukna Musa, taunNa Puang Matua:

HAGAI 2:10

Iatu kamala’biran undinna te banua iate la mandu kapua na iatu kamala’biran dolona, kadanNa PUANGna mintu’ ma’dandan maritik; sia lan inan iate la Kunii umpa’kamasean kasalamaran, kadanNa PUANGna mintu’ ma’dandan maritik.

HAGAI 1:12

Attu iato naperangiimi Zerubabel, anakna Sealtiel sia Yosua, anakna Yozadak, tominaa kapua, sia mintu’ to buda, tu torronapa, tu gamaranNa PUANG, Kapenombanna, sia iatu kadanna nabi Hagai, tu Nasua PUANG, Kapenombanna, umparampoi lako tau iato mai, anna mataku’ tu to buda dio olona PUANG.

NEHEMIA 7:7

tu sae nasolan Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum na Baana. Inde sia tu iaranna mintu’ muane to Israel:

HAGAI 1:14

Napatiakka’mi PUANG tu penaanna Zerubabel, anakna Sealtiel, to maraya Yehuda, sia penaanna Yosua, anakna Yozadak, tominaa kapua, sia penaanna mintu’ to buda, tu torronapa, anna sae tu tau iato mai ungkarangi tu pengkarangan dio banuanNa PUANGna mintu’ ma’dandan maritik, Kapenombanna tau iato mai,

EZRA 6:14

Iatu mintu’ pekaamberanna to Yahudi umpatarru’ marampa’ umbangunni tu Banua Kabusungan, tonna attunna ma’nubua’ tu nabi Hagai sia Zakharia, anakna Ido; anna sundunni umbangunni susi pepasanNa Kapenombanna to Israel sia susi parentana Koresh, Darius na Artahsasta, datu Persia.

HAGAI 2:20

Den paraka banne dao lu alang? Ondongpi ia duka tu garonto’ anggoro’, garonto’ ara garonto’ dalima sia garonto’ saitun tae’ namembua. Randuk allo iate la umpa’benganNa’ kamasakke-sakkean.

HAGAI 2:4

Mindaparakomi tu dennapa, untiroi tu kamala’biran dolona te banua iate? Umba nakua mitiro totemo? Tae’raka nasusi to apa matuna bang ditiro?

NEHEMIA 12:10

Iatu Yesua undadian Yoyakim; Yoyakim undadian Elyasib; Elyasib undadian Yoyada;

NEHEMIA 12:1

Inde sia tu mintu’ to minaa sia to Lewi, tu ke’de’ sola Zerubabel, anakna Sealtiel sia Yesua, iamotu Seraya, Yeremia, Ezra.

NEHEMIA 8:9

Napamalesomi nabasan tau iato mai tu sura’ iato, iamotu Sukaran alukNa Puang Matua sia nabattuananni, anna tandai tau tu apa dibasanni.

NEHEMIA 5:14

Randuk allo iato naangka’mo’ datu Artahsasta dadi to maraa dio tondok Yehuda, randuk dio mai taun ma’penduangpulo kaparentanna sae lako taun ma’pentallungpulo ndua, den sangpulo dua taunna, tae’ kutarima len pa’kasian to maraa, la aku la mintu’ siulu’ku.

EZRA 4:24

Susito ditorroimi tu pengkarangan dio banuanNa Puang Matua dio Yerusalem, anna tadang sae lako taun ma’penduan kadatuanna Darius, datu Persia.

EZRA 4:2

saemi tu tau iato mai lako Zerubabel sia mintu’ pangulu rapu nakua: Da’ito anta pabendanni sola, belanna kidaka’ duka tu Kapenombammi, susi kamu; sia memala’ dukakan lako randuk dio mai linona Esarhadon. Datu Asyur, tu mangka ussuakanni sae indete.

EZRA 2:63

Nagagaimi to maraa lompo tu tau iato mai ungkandei tu kande tarru’ masero sae lako bendan misa’ to minaa untoe Urim sola Tumim.

EZRA 1:8

Mesuami Koresh, datu Persia, la umpatassu’i, napa’patuduan Mitredat, pangulu sandan uai, anna ia’i dio tingayona Sesbazar, arung to Yehuda.

1 OSSORANNA DATU 3:19

Iatu anakna muane Pedaya iamotu Zerubabel na Simei; iatu anakna muane Zerubabel iamotu Mesulam na Hananya – na Selomit, anak daranna tau iato mai –,

1 OSSORANNA DATU 3:17

Iatu anakna muane Yekhonya iamotu Asir sia Sealtiel, anakna muane;

2 DATU 14:25

Naalamo sule tu lili’na Israel, randuk dio mai batatta lako Hamat sae lako tasik dio Araba, susitu kadanNa PUANG, Kapenombanna to Israel, tu mangka Napokada nalopian taunna, nabi Yunus, anakna Amitai, to dio mai Gat-Hefer.

1 DATU 14:18

Nalamunmi tau tu pia iato sia nabatingi mintu’ to Israel, susi kadanNa PUANG tu mangka Napokada nalopian nabi Ahia, taunNa.

LUKAS 3:27

anakna Yohanan, anakna Resa, anakna Zerubabel, anakna Sealtiel, anakna Neri;

KATASSURAN 4:13

Ma’kadami tu Musa nakua: Messimanna’ Puang, melo ke iamo Misua minda-minda tu sipatu la Misua.

1 DATU 10:15

Boko’ ia tu apa napatama to ma’balili kapua sia iatu sima napatama to ba’balu’-balu’ sia mintu’ sima napatama datu to Arab sia to maraa lan mintu’ tondok.

EZRA 5:1

Apa ma’nubua’ tu nabi Hagai sia Zakharia, anakna Ido, dio lu mintu’ to Yahudi, tu torro lan Yehuda sia Yerusalem tete dio sanganNa Kapenombanna to Israel.

EZRA 5:3

Attu iato saemi lako tau iato tu Tatnai, to maraa lompo lili’ sambalinna lu Salu sia Syetar-Boznai sola sangpangka’na, anna ma’kada lako tau iato mai, nakua: Mindara ussuakomi umbangunni te banua iate sia ussundunni te benteng tembo’ iate?

EZRA 10:18

Naurunganni dio lu bati’ tominaa tu umpobaine, baine senga’ den diapparan tu anakna Yesua, anakna Yozadak, sia iatu mai siulu’na, iamotu Maaseya, Eliezer, Yarib na Gedalya.

HAGAI 1:2

Inde sia tu kadanNa PUANGna mintu’ ma’dandan maritik, Nakua: Ma’kada te bangsa iate, nakua: Tae’pa nalambi’i tu allona, iamotu allo la dinii umbangunni sule tu banuanNa PUANG.

HAGAI 1:3

Saemi tu kadanNa PUANGna lopian nabi Hagai, nakua:

HAGAI 2:21

Iatonna ma’penduanna saemi kadanNa PUANG lako Hagai tonna allo ma’penduangpulo nna’pa’ bulan iato, Nakua:

MALEAKHI 1:8

Na iake umbaakomi misa’ patuoan buta dipopemala’, tae’raka nakadake to? Iake umbaakomi misa’ patuoan gento, ba’tu masaki, tae’raka nakadake to? Iake mipennoloanni lako to maraammi tu apa susito, la nakalo’ siarokomika penaanna, ba’tu matanaraka untirokomi? kadanNa PUANGna mintu’ ma’dandan maritik.

ZAKHARIA 1:1

Iatonna bulan ma’pengkarua taun ma’penduan kadatuanna Darius, saemi kadanNa PUANG, lako nabi Zakharia, anakna Berekhya, anakna Ido, Nakua:

ZAKHARIA 3:1

Undinnato Napakitammo’ tu Yosua, tominaa kapua, bendan dio olona Malaeka’Na PUANG, anna bendan tu deata bulituk dio sa’de kananna la umparapa’i.