FILIPI 4:9 - Sura' Madatu

⁹ Apa-apa tu mipelada’i sia mitarima sia mirangi sia mitiro dio kaleku, iamoto tu la mipogau’; anna Puang Matua, tu oto’na kamarampasan, la urrondongkomi.

FILIPI 4:9 Referans Kwoze

YAKOBUS 1:22

Sipatu tongankomi la unturu’i tu kada iato, tangia to ma’perangi umpakena kalena kalena.

FILIPI 3:17

E sangsiulurangku, la mituru’ sola nasang tu gau’ku, sia palan penaai tu gau’na mintu’ tau susito, susi kami te dadi sangka’ lako kalemi.

2 PETRUS 1:10

Iamoto e sangsiulurangku, la mandu mipengkullei umpamatoto’i tu kaditambaiammi sia kaditonnorammi; belanna iake mipogau’i susito, inang tae’ mila tilende’ len.

YOHANES 13:17

Iake mitandai tu mintu’nate, maupa’komi, ke mipogau’i.

FILIPI 4:7

Anna kamarampasan dio mai Puang Matua, tu undaoanni mintu’ kamanarangan la umpetayanni penaammi sia tangnga’mi lan Kristus Yesu.

ROMA 16:20

Na Puang Matuamora, tu oto’na kamarampasan, urru’puk-ru’pukki madomi’ tu deata bulituk diong to’ lentekmi. Denno upa’ anna pa’kamaseanNa Puangta Yesu urrondongkomi!

2 KORINTUS 13:11

Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

LUKAS 6:46

Ma’apai ammi ma’puang-puang untambaiNa’, anna tae’ mipogau’i susitu Kupokadanna?

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

MATIUS 7:21

Tae’ namintu’ tu to metamba lako Kaleku kumua: O Puang, o Puang! tu la tama Parenta Suruga; sangadinna iatu to umpogau’ pa’poraianNa Ambe’ku dao suruga.

2 TESALONIKA 3:4

Kirannuan tete dio Puang, kumua ammi pogau’i, sia la mipogau’ tu apa kipasan lako kalemi.

1 TESALONIKA 1:6

Na kamu te to menturu’ lakomokomi kaleki sia lako Puang; moi anna lambi’komi ba’tu pira-pira kamaparrisan, mangkamo mitarima tu kada iato situru’ kaparannuan lu dio mai Penaa Masallo’,

1 TESALONIKA 5:23

Anna Puang Matuamora tu oto’na kamarampasan, umpamasero tangkarauangkomi; anna makalima’na penaammi sia deatammi sia batang kalemi la makarimman, naurunganni tae’ attanganna ke attu kasaeannami Puangta Yesu Kristus.

ROMA 15:33

Denno upa’ anNa Puang Matua, tu oto’na kamarampasan, urrondongkomi sola nasang. Amin.

YOHANES 2:5

Nakuami indo’Na ungkuanni tu mintu’ to ma’paraka: Apa-apa Nakuangkomi, pogau’i.

LUKAS 8:21

Apa Nakua mebali: Iari indo’Ku sia siulu’Ku, tu umperanginna kadanNa Puang Matua naturu’i.

1 TESALONIKA 2:14

Belanna, e kamu sangsiulurangku, unnolamokomi bate lalanna mintu’ kombonganNa Puang Matua dio tana Yudea, tu lannamo Kristus. Belanna pada umperasai dukamokomi kamaparrisan dio mai bangsami, susitu mangka naperasai dio mai to Yahudi,

1 KORINTUS 10:31

Iamoto, la iake kumandekomi, ba’tu mangiru’, la diona umba-umba misa’ penggaurammi, pogau’i tu mintu’nato situru’ tu la Napomala’bi’na Puang Matua.

PA’TOLE 5:1

Natambai Musa tu mintu’ to Israel, sirampun nama’kada lako nakua: Perangii, e to Israel, tu aluk dipondok sia atoran, tu kupa’perangian allo iate, kumua ammi pelada’i sia mikaritutui.

PENGGAURANNA RASULU’ 9:6

Malimbangunmoko mumale tama tondok, nalanpa mudipokadan tu apa sipatu la mupogau’.

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.

2 TIMOTIUS 4:22

AnNa Puangmora urrondong penaammu sia pa’kamaseanNamora Puang Matua urrondongkomi sola nasang.

1 KORINTUS 14:33

belanna iatu Puang Matua Iamo Puangna karapasan, tangngia ma’pasirompo.

YOHANES 15:14

Kamumo te tu sangmaneKu, ke mipogau’i tu apa Kupa’peannan lako kalemi.

1 YOHANES 3:22

sia apa tapalaku, la taappa’ dio mai Kalena, belanna takaritutui tu mintu’ parentaNa sia tapogau’ tu apa Naporai.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

YESAYA 8:10

Iatu apa mikombongan, inang tang la danun; iatu kada misama turu’i, tang la lolo’, belanna Narondongkan Puang Matua.

1 KORINTUS 4:16

Iamoto kupakilalakomi: turu’i tu gau’ku.