FILIPI 4:6 - Sura' Madatu

⁶ Da mikaselanganni tu diona apa-apa, sangadinna lan mintu’-mintu’na la miparampo nasang tu lanna penaammi langngan Puang Matua lan kapassambayangan sia pangando situru’ pa’kurre sumanga’.

FILIPI 4:6 Referans Kwoze

1 PETRUS 5:7

Sorongi tu mintu’ kamasussammi lako Kalena, belanna Ia ungkaritutuikomi.

PA’PUDIAN 55:22

Iatu pudukna mandu malannang anna bumbungan pa’pamakko, apa iatu penaanna lan passigagan, sia iatu buangan kadanna mandu malamma’ anna boka’, apa mintu’nato butung to la’bo’ tibua’.

MATIUS 6:8

Iamoto da misusitu tau iato; belanna naissan dolomo Ambe’mi tu mipomelona mimane umpalakui lako.

YEREMIA 33:3

Meongli’ko lako Kaleku, angKu pebaliiko sia la Kupokadangko tu apa kapua tu tang dipebuyu’, tu tae’ mutandai.

SARAMBU PEADA’ 16:3

Sorongi tu mintu’ pengkarangammu lako PUANG, iake susimito, la dadi tu tanan penaammu.

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

KOLOSE 4:2

La tontongkomi lan kapassambayangan sia kanandai tu iannato mima’kurre sumanga’.

EFESUS 6:18

Tontongkomi massambayang lan mintu’ attu tete dio Penaa, umpotete mintu’ pangando sia passambayang, sia dikua ammi lambi’i tu iannato, la marea-reakomi umpengkullei sia umpassambayangan mintu’ to masallo’,

KOLOSE 3:17

Na apa-apa mipogau’, la diona kada la diona pengkarangan, mintu’na la mipogau’ lan sanganNa Puang Yesu, ammi ma’kurre sumanga’ langngan Puang Matua, iamotu Ambe’, tete dio Kalena.

LUKAS 18:1

Napokadan pole’omi Yesu misa’ pa’pasusian lako tinde tau la umpamalesoi, kumua, sipatu tau la massambayang nenne’, da narayang.

LUKAS 12:22

Nakuami Yesu lako anak gurunNa: Iamoto Kukua lako kalemi: da miposelangi tu katuoammi, to kumua apa tu la mikande, ba’tu diona kalemi kumua apara tu la mipake.

PA’PUDIAN 51:15

Angku ada’i lalanMi tu to sala, anna mengkatoba’ Mati’ tu to kadake gau’.

KOLOSE 3:15

Anna kamarampasanNamora Kristus ma’parenta lan penaammi, belanna ditambaimokomi la unnappa’ kamarampasan iato lan kale sangbatang; sia la ma’kurre sumanga’komi.

1 SAMUEL 30:6

Kapussakan tongan tu Daud, belanna iatu to buda sipa’kada-kada la untumbui batu, belanna kamapallanna penaanna tu to buda, tu diona anakna muane sia diona anakna baine, apa iatu Daud umpabatta’ penaanna urrannuan PUANG, Kapenombanna.

EFESUS 5:20

sia tontongkomi ma’kurre sumanga’ diona mintu’ passalan langngan Ambe’ta Puang Matua, ussa’bu’ sanganNa Puangta Yesu Kristus,

PA’PUDIAN 55:17

Apa iatu aku te meongli’na’ lako Puang Matua, na PUANG la ullendokanna’.

LUKAS 10:41

Mebalimi Yesu lako, Nakua: E Marta, Marta, masussa bangko iko sia buda tu nakita penaammu.

LUKAS 18:7

Tae’raka nala umpakaloloi Puang Matua tu kara-karana mintu’ to Napilei, tu napalakunna nametamba-tamba lako keallo kebongi sia maremparaka ungkilalai tu tau iato?

MATIUS 10:19

Apa ianna pakendekkomi tau iato, da miposelangi kumua umba la mikua ba’tu apa tu la mipokada, belanna ia bangsiamoto attu iato, nala dipa’kamasean lako kalemi tu sipatunna la mipokada.

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

LUKAS 12:29

Iamoto da miposelangi tu la mikandena ba’tu la miiru’na sia da nasitaa penaammi;

1 SAMUEL 1:15

Apa mebali tu Hana nakua: Tae’ nasusito, o tuang, sangadinna aku te misa’ to tarru’ mapa’dik; tae’ angku iru’ uai anggoro’ ba’tu diiru’na tu melangona, sangadinna umbarrakanna’ mintu’ apa lan penaangku dio oloNa PUANG.

2 KORINTUS 1:11

anna mitundui dukakan diona passambayangmi, kumua anna buda tau ungkurre sumanga’kan diona tu pa’kamasean dipa’kamasen lako kaleki bannang dio passambayangna tu tau buda.

1 KORINTUS 7:32

Apa iatu diongna penaangku da ammi selang. Iatu to tang kebaine ungkaritutui apa lu dio mai Puang, kumua umba la napakuanni anNa porai Puang Matua.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

MATIUS 13:22

Na iatu tiambo’na tama tangnga to’ duri, iamotu to urrangii tu kada iato, apa nataloi sara’ lan te lino sola pea’panna kasugiran tu kada iato, naurunganni tang membua.

DANIEL 3:16

Mebalimi tu Sadrakh, Mesakh na Abednego lako datu Nebukadnezar, nakua: Kisanga tae’ gai’na umpebaliikomi, moi sangbuku kada.

2 OSSORANNA DATU 32:20

Apa iatu kamasussan iato napobannang anna massambayang tu datu Hizkia sia nabi Yesaya, anakna Amos, anna meongli’ langngan langi’.

1 SAMUEL 7:12

Attu iato naalami Samuel tu batu misa’ napabendanni dio kasiallaranna Mizpa na Yesana sia nasangai Eben-Haezer, anna ma’kada nakua: Rampo indete Nanii PUANG untunduiki’.

PA’TENDENG BALLO 2:14

E dangan-danganku lan lu kasapak buntu batu, membuni lan lu pentirerungan dio lu se’pon buntu batu, melo, ke kutiroi tu kanna pati’mu, melo, ke kuperangii tu gamarammu, belanna la’te lambunna tu gamarammu, sia maballo tu pati’mu.

1 KORINTUS 7:21

Iake lanko torroan kaunan ammu ditambai, da mupomasussai; apa susinna ke dipopentomakaka siako, la samukaritutu-tutuinna tu kaditambaiammu.

1 DATU 8:28

Sailei te passambayangna sia pengkamoyana taumMi, o PUANG, Kapenombangku, sia perangii tu petamba sia passambayang, tu napennoloan taumMi dio oloMi;

YEREMIA 32:16

Iatongku mangkamo umbenni Barukh, anakna Neria, tu sura’ kasiallian, massambayangmo’ lako PUANG, kukua:

DANIEL 6:10

Iamoto nasura’mi datu Darius tu sura’ parenta sola atoran iato.

MATIUS 6:34

Iamoto da miposelangi tu allo masaa, belanna iatu allo masaa den toda ia tu naposelangna. Silasamo ke pantan denni ia kamasussanna ke sangallooi.

1 TIMOTIUS 2:1

Iannamoto bunga’na pa’pakilalangku, la mipangandoan sia mipassambayangan sia mipalakuan sia la mipa’kurre sumangasan tu mintu’ tau;

1 TIMOTIUS 5:5

Iatu baine balu tongan, tu misa-misamora, iamo marannu lako Puang Matua, sia tontong batta’ lan palakunna sia passambayangan allo bongi.