FILIPI 4:19 - Sura' Madatu

¹⁹ Anna Puangku umpasilasan mala’bi’i tu mintu’ kakurangammi situru’ kasugiranNa tete dio Kristus Yesu.

FILIPI 4:19 Referans Kwoze

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

1 PETRUS 5:10

Puang Matua oto’na mintu’ pa’kamasean tu mangka untambaikomi tete dio Kristus mentama kamala’biran matontonganNa, ke mangkamokomi umperasai kamaparrisan lan attu sangattu’, Ia duka la umpasundunkomi sia umpabantangkomi sia umpamatoto’komi sia umparandangannikomi.

1 TIMOTIUS 6:17

Pakainga’i mintu’ to sugi’ lan te lino, kumua da anna pamadao penaanna, sia da narannuanni tu kasugiran tae’ natontong, sangadinna langnganri Puang Matua, tu umpalempan mintu’ apa Napa’kamasean lako kaleta, taangkaran parannui.

MIKHA 7:7

Apa iatu aku la ma’penununa’ untayan PUANG, sia la umpeagina’ Puang Matua, oto’na kasalamarangku; la Naperangiina’ Kapenombangku.

MALEAKHI 3:10

Baa nasangi tu pissan taa sangpulona mintu’ apa tama inan pangrampunan, kumua anna den kande lan banuangKu; tobaNa’ tu diona to, kadanNa PUANGna mintu’ ma’dandan maritik, ke tae’i Kubungkarangkomi pentiroanna langi’ sia umbarrakanni lako kalemi tu kamauparan sebo.

NEHEMIA 9:15

Sia Mibenmo tau iato mai tu roti dao mai langi’ la umpa’dei tangdia’na sia Mipatassuran uai lan mai buntu batu la nasa’poan ma’rangna. Sia Mipa’parentan dukamo lako tau iato mai la unnalai tu padang iato la napomana’, tu mangkaKomi umpalao sumpa la ungkamaseanni.

2 SAMUEL 22:7

Iatongku lan kamatakuran, meongli’na’ langngan PUANG, sia mengkamoyana’ lako Kapenombang- ku. Iatu gamarangku Narangimo tama inan kapayunganNa. Sia rampomo tama talinganNa tu pengkamoyaku.

PA’PUDIAN 36:8

Tumba melona tu kamasokanamMi, o Puang Matua, mintu’ ma’rupa tau umpentionganni ongan pani’Mi.

KOLOSE 1:27

Lako tu tau iamoto Naporai Puang Matua umpasomboi, tumba kapuana kamala’biranna rasia iato dio lu to kapere’, iamotu Kristus tu dio kalemi; Iamo kapa’rannuanan, tu diporannu la ungkabu’tui kamala’biran,

EFESUS 3:16

sangapaoi upa’ anNa kamaseikomi situru’ kasugiran kamala’biranNa, anna kamatotoran Napabattarangkomi PenaanNa lan ba’tengmi,

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

ROMA 8:18

Belanna kukanappa’i, kumua iatu kamaparrisan lan te attu iate tang sitinaya ke dipasitintii tu kamala’biran la dipaombo’ lako kaleta.

EFESUS 1:7

Tu tapobannang ungkabu’tui kadila’bakan diona raraNa iamotu kadipa’deianna mintu’ kasalan, situru’ kakapuanna pa’kamaseanNa,

2 KORINTUS 4:17

Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan,

ROMA 9:23

Iamo Napogau’i susito kumua la Napa’peissanan tu kasugiran kamala’biranNa lako apa nanii kamaturu-turuan, tu Naparandanan dolomo kamala’biran?

EFESUS 3:8

Anna aku te, tu madionganna na iatu mintu’ to masallo’, diserongi te pa’kamasean iate, la umpa’peissananni lako to kapere’ tu kasugiran tang dilambi’Na Kristus,

PA’PUDIAN 130:7

E to Israel, sande’komi lako PUANG! Belanna dio PUANG den kamasokanan, sia den duka buda kadilendokan dio.

PA’PUDIAN 104:24

Tumba ia budanna tu mintu’ penggauramMi, o PUANG! Kamumo tu mangka ungkombong nasangi to tete dio kamatarrusamMi; anna ponnoi pa’padadimMi tu lino.

EFESUS 1:18

Iamotu mata penaammi Napemarorrongi, ammi tandai apa tu dirannuanan diona petambaNa Puang Matua sia tumba kapuana tu kamala’biranna mana’ pa’ba’ginNa nadulu to masallo’;

EFESUS 2:7

kumua anNa pa’pekitananni lako kaleta lan te attu la sae tu kakapuanna pa’kamasean tang dilambi’Na diona kamasokananNa lako kaleta lan Kristus Yesu.

ROMA 2:4

Ba’tu tae’raka muangga’i tu kamasokanan tang dilambi’Na sia kama’tananNa sia pesuka’ kalandoNa sia tae’ muissanni, kumua iatu kamasokananNa Puang Matua urrendenko lako katobaran?

2 OSSORANNA DATU 18:13

Apa mebali tu Mikha nakua: La lelukraka tuoNa PUANG, manassa apa tu Napokada Kapenombangku lako kaleku, ia dukamoto tu la kupokada.

KADADIAN 48:15

Napassakkemi Israel tu Yusuf, nakua: Iatu Puang Matua tu Naniimo lolang to doloku Abraham na Ishak tu oloNa, iamo Kapenomban ungkambi’na’ randuk dio mai dadingku sae lako te allo totemo,

DANIEL 6:22

Mebalimi tu Daniel lako datu nakua: O datu, namasakkemora tu datu sae lakona.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

1 PETRUS 5:1

Inde sia tu pa’pakilalangku lako mintu’ penatuammi – belanna pada penatua dukana’ sia to umpemanassa diona mintu’ kamaparrisanNa Kristus, sia umpotaa kamala’biran la dipasombo undinna: –

1 TESALONIKA 2:12

angki pabatta’i tu penaammi sia kipasan-pasan, miangkaran gau’ sipatu pa’poraianNa Puang Matua, tu mangka untambaikomi tama ParentaNa sia kamala’biranNa.

ROMA 1:8

Tipamulanna ma’kurre sumanga’na’ langngan Kapenombangku diona kamu tete dio Yesu Kristus, belanna kaleleammo tu kapatonganammi lan mintu’ lino.

YOHANES 20:27

Namane ma’kada lako Tomas, Nakua: Patadomi mai tu rakka’mu, tiromi tu limangKu, sia patadomi mai tu limammu muului tama tu la’pekKu, da mutang ma’patongan, sangadinna katappa’i.

YOHANES 20:17

Nakuami Yesu lako: Da mukaka’Na’ mai, belanna tae’pa Kukendek langngan Ambe’; apa laomoko lako mintu’ siulu’Ku, sia pokadanni kumua: La kendekNa’ langngan Ambe’Ku sia Ambe’mi, PuangKu sia Puangmi.

FILEMON 1:4

Tontong bangna’ ma’kurre sumanga’ langngan Puangku, angku sa’bu’ko lan mintu’ passambayangku,

2 KORINTUS 12:21

Mataku’na’, iamo ke sae pole’na’ manii, anna pamadionganna’ Puang dio tingayomi, angku pamasussai tu to umpogau’ bang kasalan pirambongi’, natontongpa tang mengkatoba’ dio mai kamaruttakan napogau’ sia gau’ sala sia passulo bongi.

NEHEMIA 5:19

O Kapenombangku, kilalaina’ tu kupomelona sitinaya tu mintu’ apa mangka kupogau’ lako bangsa iate.

MATIUS 6:32

Belanna mintu’na te napengkali-kalii to kapere’, apa Naissan Ambe’mi dao suruga kumua mipotuona tu mintu’nato.

FILIPI 4:7

Anna kamarampasan dio mai Puang Matua, tu undaoanni mintu’ kamanarangan la umpetayanni penaammi sia tangnga’mi lan Kristus Yesu.

2 OSSORANNA DATU 31:8

Iatonna saemo tu Hizkia sia mintu’ arung untiroi tu mintu’ apa dipasitombon-tombon, napudimi tu PUANG sia iatu to Israel, taunNa.