FILIPI 3:20 - Sura' Madatu

²⁰ Apa dao suruga tu tondok kadadianta, dao duka mai tanii untayan To pakarimmanan, Iamotu Puang Yesu Kristus,

FILIPI 3:20 Referans Kwoze

EFESUS 2:19

Nasusito tae’mo mitosae sia to mentiruran, sangadinna sangtondokmokomi tu mai to masallo’ sia sikurinmokomi lan banuanNa Puang Matua,

2 KORINTUS 4:18

belanna tae’ tamentiro lako apa natiro mata, sangadinna mentiro lakoki’ tang natirona mata, belanna iatu natirona mata sattu’ri, apa iatu tang natirona mata tontong sae lakona.

IBRANI 12:22

Apa rampo lu lakomokomi buntu Sion sia tondokNa Puang Matua matontongan, iamotu Yerusalem dao suruga, sia lako kasipulunganna massa’bu-sa’bu malaeka’,

KOLOSE 1:5

sia diona apa dirannuan, tu diparandanangkomi dao suruga, tu mangkamo mirangi dolona lan kada kamanapparan, iamotu Kareba-kaparannuan,

EFESUS 2:6

sia lan Kristus Yesu Nanii mangka umpamalimbangunki’ sola sia Napanno’ko’ki’ sola dao bamba suruga,

2 KORINTUS 5:8

Apa batta’ tu penaanta sia tala’biran untampei te kale iate, anta tama banuanNa Puang.

2 TIMOTIUS 4:8

Na undinna sakka’mo makota kamalamburan, tu la Napa’kamasean Puang lako kaleku ke Allo iato, tu Tomangra’ta’ malambu’, sia tangia lako manna kaleku, sangadinna lako duka mintu’ to ungkamali’mi tu kasaeanNa.

1 TESALONIKA 1:10

sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

IBRANI 9:28

susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.

GALATIA 4:26

Apa iatu Yerusalem dao, tae’ nakaunan, iamo indo’ta.

TITUS 2:13

Anta tayanni tu kapa’rannuanan diporongko’ sia kapayananna kamala’biranNa Kapenomban patodoranta sia To pakarimmananta, Kristus Yesu,

1 KORINTUS 1:7

Naurunganni tae’ mikakurangan len pa’kamase, ke marassankomi umpeagi kapayananNa Puangta Yesu Kristus.

PENGGAURANNA RASULU’ 1:11

sia ma’kada nakua: E kamu to Galilea, ma’apari mike’de’ra mentingara langngan langi’? Iatu Yesu tu dipakendek dio mai tingayomi langngan suruga, la ten dukamoto tu kasaeanNa sule, susitu kakendekanNa langngan suruga mitiro.

MATIUS 19:21

Nakuami Yesu ungkuanni: Iake la moraiko tae’ sayuammu, malemoko, mubalukanni tu apa-apa dio kalemu, mupa’kamaseanni lako to kalala’, ammu ampui ianan dao suruga; ammu male mai undi urrundu’Na’.

1 TESALONIKA 4:16

Belanna Puang kalena la songlo’ dao mai suruga situru’ petamba sia gamaranna pangulu malaeka’ sia oni tarompe’ puaNa Puang Matua; na mintu’na tu to mate lanmo Kristus la malimbangun dolo;

LUKAS 14:14

Dadi la salama’komi, belanna iatu tau iato tae’ nabelai umpabala’i lako kalemi, sangadinna la dipabala’i lako kalemi ke dipatuoi sule tu mintu’ to ma’bulo sanglampa.

KADA OMBO’ LAKO RASULU’ YOHANES 1:7

Tiromi la saeMo, natikui gaun anna mintu’ mata untiroI; sia la natiro duka mintu’ to urrokKi; mintu’ suku lan te lino la siorronan untiroI. Tonganna, amin.

SARAMBU PEADA’ 15:24

Iatu lalan katuoanna to unnampui tangnga’ kinaa ma’palulangngan, anna toyang diong mai lino to mate.

FILIPI 1:10

Miurunganni paissan ussudii umbanna tu ma’iringanna, ammi masero sia tae’ mima’pamatana’ landa’ lako alloNa Kristus.

PA’PUDIAN 17:15

Apa iatu aku situang kamaloloan la untiro lindoKomi, iake malimbangunmo’i, dia’ penaangku untiro rupamMi.

PA’PUDIAN 16:11

Mipokadanna’ lalan katuoan; dio oloMi den kaparannuan media’i; sia dio kananMi den kasode-sodean tontong sae lakona.

LUKAS 12:21

Susimoto tu diona to umpakombongan ianan kalena, sia tae’ nasugi’ dio oloNa Puang Matua.

1 KORINTUS 15:48

Tumba tu lu diona mai lino, ten dukamoto tu mintu’ to lu dio mai lino. Natumba tu lu dao mai suruga, ten dukamoto tu mintu’ to lu dao mai suruga.

FILIPI 1:27

Samamira kumua iato katuoammi la sitondon Kareba-kaparannuanNa Kristus, dikua la iake saena’ untirokomi, la iake pa’dena’, anna rampo tama talingangku, kumua tontongkomi misa’ penaa sia sanginaa sibalian umpangeai kapatonganan diona Kareba-kaparannuan.