FILIPI 3:19 - Sura' Madatu

¹⁹ Ma’katampakanna tau iato mendadi kasanggangan, sia umpa’deatai tambukna, sia napomasiri’na nasanga napomala’bi’, sia a’gan lino manna nainaa-naa.

FILIPI 3:19 Referans Kwoze

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.

KOLOSE 3:2

Pamatu’tunni tu penaammi lako apa dao, da nalako apa lan lino.

2 PETRUS 2:1

Apa den dukamo dolona ba’tu pira nabi mo’rang dio lu to Israel, susi duka tu kamunna la bu’tu ba’tu pira guru ma’papusa, la umbaa buni pangadaran sala, tu untumang tau, sia napeonganni tu Puang mangka ulla’bakki’, sia umpasae kasanggangan madoi’ lako kalena.

2 KORINTUS 11:15

Iamoto tangngia apa makalaen-laen, ke iatu mai pesuanna unna’ga kalena butung to ma’kamayanna kamaloloan; ma’katampakanna tau iato dipapakkanni susitu penggauranna kalena.

2 KORINTUS 11:12

Apa iatu mangkanna kupogau’ la kupogau’ dukapa, angku puttai tu lalanna to undaka’ lalan, anna tiroi lan kapassattuanna kumua pada-pada bangsiakanni.

HOSEA 4:7

Sabuda-budanna tu tau iato mai, samandu-mandunna kasalan lako Kaleku. Iamoto angKu popembalii kamatunan tu kamala’biranna.

2 PETRUS 2:13

naurunganni unnappa’ pakkan kasalanna. Tau iato mai nasanga misa’ kasendean tu pa’pemammi’na keallo, anna attangan sia sayuan tu tau iato mai, ma’pemammi’ lan pa’pakenanna, ke kumandekomi sola.

GALATIA 6:13

Belanna ia kalena to umpogau’ sunna’, anna tae’ natoei tu tuntunan Sukaran aluk, sangadinna iari naporai ke umpogau’komi sunna’, kumua anna ma’din massattuan diona batang kalemi.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

1 KORINTUS 3:3

belanna lanpakomi a’gan pa’kalean. Belanna ke denni kamabirisan sia kasisarangngasammi, tang lanrokomika pa’kalean sia umpogau’ pasirua tolino?

PA’PUDIAN 17:14

Na limamMi urrampananna’ dio mai tau iato mai, o PUANG, iamotu to umbudanan lino, tu katuoan ia manna te napotaa, amMi patamai apa pura Miparandananni tu tambukna, sia napodia’ dukai anakna, sia iatu sesanna la natampean bati’na.

KADA OMBO’ LAKO RASULU’ YOHANES 22:15

Apa la salian rinding tu mintu’ asu sia to patiro-tiro sia to ma’gau’ sala, sia mintu’ to papatean, sia mintu’ to umpenombai deata, sia minda-minda tu ungkamali’ kamo’rangan sia umparri-parrii.

YUDAS 1:16

Tau iamorato mai tu pa’nuku-nukuan sia suma’rok sia unturu’ bang kamoraianna, ma’kada matampo, anna ussede tau belanna untiroan misa kalena.

2 TIMOTIUS 3:4

patangnga’, masa’ga’, matampo, umpalosong kasendean anna iatu ungkamasei Puang Matua.

1 TIMOTIUS 6:5

iamo kasisakkan napabu’tu tu to tang ma’runduanan tangnga’na sia disabakkimo tu kamanapparan, tu ussangai kumua iatu kamengkaolan misa’ tangnga’ la dinii mesaro.

2 TESALONIKA 2:12

kumua anna mintu’ to tang umpatonganni tu kamanapparan sia to umporai kakadakean, diukung.

FILIPI 2:21

Belanna pantan kalena manna natiroan, tangia diona Kristus Yesu.

1 KORINTUS 5:6

Iatu kaussattuammi kalemi tae’ namelo. Tae’raka miissanni kumua iatu ragi sidi’ umpamessu’ ta’pung sanglemun?

1 KORINTUS 5:2

Ammi umpamadao bangpa penaammi, tang sipato’raka la masussakomi, anna ditassu’i lan mai kombongammi tu to umpogau’i tu iannato?

MALEAKHI 1:12

Apa mipamatuna tu sangangKu, belanna mikua: Iatu medaNa PUANG apa tang melo, sia iatu apa dao, iamotu kande, iamo dipamatuna to.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

YAKOBUS 4:16

Apa totemo massattuangkomi diona kamatampoammi ma’kada; mintu’na passattuan susito kadake.

2 TESALONIKA 2:8

Attu iapito namane dipasombo tu to umparri-parri kasalan, anna sanggangi penaa sun dio pudukNa Puang (Yesu) sia nasabu’i arrang kasaeanNa.

LUKAS 18:4

Lendu’mo masainna moka bang tu to mangra’ta’ kara-kara, apa undinna nakuami lan penaanna: Moi natae’ kumataku’ lako Puang Matua sia moi tae’ bang tau kusanga misa’ duka;

LUKAS 16:19

Den misa’ to sugi’ ma’pakean melo ma’sambu’ lango-lango sia sampin ballo, ma’marua’-rua’ bang kiallo-kiallo sia manaman bang katuoanna.

LUKAS 12:19

angku ma’kada lako deatangku susite: E deatangku, budamo ianan dio kalemu ma’toppo’-toppo’, moi pirang-pirang taun silasa duka, popelayomoko kalemu, kumandeko sia mangiru’-iru’ko sia parannu-rannuko.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 16:23

Apa memboko’ tu Yesu, anNa kua lako Petrus: Pallaiko lako boko’Ku, e deata bulituk! Ikomo misa’ tu la untumangNa’, belanna tangia diona Puang Matua muinaa-naa, sangadinna diona tolino.

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

MIKHA 3:5

Inde sia tu kadanNa PUANG diona mintu’ nabi, tu umpapusa taungKu, sia iatu ma’kada nakua: maupa’, ke denni apa nakeke’, apa iatu to tae’ bang apa nasuak, nasa’buran rari, nakua:

YEHEZKIEL 34:3

Iatu lompona mikande, sia mipotamangkale tu bulunna, apa tae’ ammi kambi’i tu mai domba iato.

PA’PUDIAN 52:1

Lu lakona pangala sengo. Misa’ gelong bangunan ada’na Daud.

KADA OMBO’ LAKO RASULU’ YOHANES 18:7

Tumba tu kaumpamadoanna kalena sia kasolleranna, pada dukato tu kamaparrisan sia tangi’ la mibenni, belanna nakua lan penaanna: Unnisungna’ susi datu baine; tangiana’ to balu, sia inang tae’ angku la sitiro katumangiran.

YUDAS 1:4

Belanna den ba’tu pira-pira tau tama buni, iamotu to tisura’ dolomo lako ukungan iate; to tang mekaaluk, tu ussondai tang penggauran tu pa’kamaseanNa Kapenombanta, anna peonganni tu pangulu misa’ta sia Puangta, Yesu Kristus.

ROMA 6:21

Attu iato, apara buanna mikabu’tui? Iamotu apa mipomasiri’ totemo, belanna iatu ma’katampakanna kamatean bangsia.

YEHEZKIEL 13:19

MipamatunaNa’ dio tingayona taungKu kumua ammi appa’ dalle sisikan ba’tu pirang-pirang raku’ sia ba’tu pirang-pirang sasa’ roti, la ungka’tu sunga’na tau, tu tae’ nasipatu la mate sia la ungkarimmanni sunga’na tau, tu tae’ nasipatu la tuo, belanna mimo’rangi tu taungKu, tu morai umperangii mo’rang.

1 SAMUEL 2:29

Ma’apai natae’ mudampangi tu pemala’ sia kande dipemalaran lako Kaleku, tu Kupepasanan la dipaden lan banuangKu, sia mupakala’bi’i tu anakmu losong na Aku, sia mipemalompoan kalemi tu mammi’na mintu’ kande napemalaran to Israel, taungKu.

YEREMIA 44:17

Sangadinna inang la kipogau’ bangmo kami tu mintu’ apa kipokada, iamotu memala’ lako datu baine dao langi’ sia umpennoloan pemala’ pantedok, susitu mangka kipogau’, la kami sia nene’ to doloki, la mintu’ datungki sia mintu’ arungki lan mintu’ kota Yehuda sia dio lu batattana Yerusalem; attu iato ungkandekan roti sadia’ki sia manamanmokan sia tang untirokan kasanggangan.

2 TESALONIKA 1:9

Tau iato la dipakario-rio kasanggangan sae lakona, dipatoyang dio mai oloNa Puang sia dio mai kamala’biran kuasanNa,

YUDAS 1:10

Apa mintu’ tau iate ungkagi’gi’ apa tae’ natandai, sia apa natandai tu belanna inang a’gannamo susito panampa tang keinaa, na dionamora apa iato nanii sanggang tau iato mai.