FILIPI 3:14 - Sura' Madatu

¹⁴ angku ma’dondo-dondo lako tu tanda umpempatui tu bua kamara’tasan tu napaombo’ petambaNa Puang Matua dao mai, tete dio Kristus Yesu.

FILIPI 3:14 Referans Kwoze

1 KORINTUS 9:24

Tae’raka miissan kumua mintu’na tu to ma’dondo-dondo lan kasilomban, pada ma’dondo nasang, apa misa’ bangsiari tu unnappa’ tanda kabilangan? Ma’dondo-dondomokomi susito, ammi appa’ tanda kabilangan.

1 PETRUS 5:10

Puang Matua oto’na mintu’ pa’kamasean tu mangka untambaikomi tete dio Kristus mentama kamala’biran matontonganNa, ke mangkamokomi umperasai kamaparrisan lan attu sangattu’, Ia duka la umpasundunkomi sia umpabantangkomi sia umpamatoto’komi sia umparandangannikomi.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

1 TESALONIKA 2:12

angki pabatta’i tu penaammi sia kipasan-pasan, miangkaran gau’ sipatu pa’poraianNa Puang Matua, tu mangka untambaikomi tama ParentaNa sia kamala’biranNa.

2 PETRUS 1:3

Belanna kamatotoran kamendeatanNa nakamaseammoki’ tu mintu’na apa mebaa lako katuoan sia kapengkaolan, bannang dio kauntandaiannai tu To untambaiki’ tete dio kamala’biranNa sia kasundunan kameloanNa.

IBRANI 3:1

Iamoto e sangsiuluran masallo’ku, tu pada unnappa’ petamba dao mai suruga, pemantangkomi Rasulu’ na Tominaa Kapua tu mangkamo taaku, iamotu Yesu;

1 PETRUS 1:13

Iamoto pamataranni tu tangnga’mi sia maingarangkomi sia rannuan tongan-tonganni tu pa’kamasean la diparampo lako kalemi, ke attunnami sombo tu Yesu Kristus.

IBRANI 6:1

Iamoto melo ke tatorroi urrundunanni tu tipamulanna pangadaran diona Kristus, anta patarru’mi lako kasundunan: da taparandanganni polei, iamotu pangadaran kamengkatobaran dio mai penggauran mate, sia kapatonganan lako Puang Matua,

2 KORINTUS 4:17

Belanna iatu kamaparrisanta tu maringngan bangsia sia tae’ nasangapa, umpabu’tuangki’ misa’ ma’kalolokanna kamala’biran matontongan,

LUKAS 16:16

Iatu Sukaran alukNa Puang Matua sia sura’na mintu’ nabi sae lako tonna attunna Yohanes, randuk tonna attu iato nadipatale’ tu Kareba-kaparannuan diona ParentaNa Puang Matua napantan merruku bang tama.

ROMA 11:29

Belanna iatu pa’kamaseanNa sia petambaNa Puang Matua tae’ nanii kapenassananNa.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

KOLOSE 2:18

Da’ naden misa’ tau umpasisayurangkomi tanda kabilangammi, tu to unna’ga madiongan kalena sia menomba lako malaeka’, anna pamatampo punala kalena tete dio tangnga’ pa’kaleanna,

2 TIMOTIUS 1:9

Tu mangka ungkarimmanniki’ sia mangka untambaiki’ petamba masero, tangia sitinaya penggauranta, sangadinna situru’ tanan penaanNa Kalena sia pa’kamasean, inang dolo dikamaseangki’ tete dio Kristus Yesu na iatu tipamulanna attu,