FILIPI 2:27 - Sura' Madatu

²⁷ Inang masaki tongan, sidi’mora namate, apa Nakamasei Puang Matua, sia tangia ia manna, sangadinna aku duka kumua da anna sakerangngan-rangnganna tu kamasussangku.

FILIPI 2:27 Referans Kwoze

PA’PUDIAN 34:19

Iatu PUANG tang untoyangan to rantang buana sia ullendokanni tu to rosso penaanna.

FILIPI 2:30

Belanna diona pengkaranganNa Kristus anna sidi’ namate, untibe sunga’na la umpaganna’i tu apa kurang diona kamiparakaingku.

2 KORINTUS 2:7

Sangadinna sipatu la mipagarri’ kasalanna sia mipakatana, da anna bonnongi kamasussan kapuana.

1 KORINTUS 10:13

Belanna ia manna tu petoba biasa urrampoi tolino tu mangka urrampoikomi. Apa maruru’ tu Puang Matua, tae’ Napopa’elo’nakomi dipatondonni petoba, sangadinna la pada Napabu’tu petoba tu katilendokan, kumua ammi batta’ umpengkanannangi.

PENGGAURANNA RASULU’ 9:37

Tonna attu iato masakimi namate. Iatonna mangka didio’, naangka’mi tau langngan bilik tiangka’ langnganna.

AYUB 5:19

Pennannanko lan kapussakan, anna Ia urrampananko, sia pempitu tae’ nanii urruako kakadakean.

YESAYA 43:2

Iake ussassangko uai, la Kurondongko, sia iake ullambanko salu, tae’ anna la ungkabu’ko; iake unnolaiko to’ api, tae’ anna la ungkandeko sia tae’ anna la’poiko.

HABAKUK 3:2

O PUANG, kurangimo tu karebamMi, mataku’na’, o PUANG, lako penggauramMi; palaloi tu iannato lan taun-taun la sae, pasomboi tu iannato lan taun-taun la sae; lan attu kasengkean la Mikilalai tu pa’kamasean.

YEREMIA 10:24

Pa’di’na’, o PUANG, apa pasitinayai kamalamburan, da nabannang dio kasengkeamMi, da Miparatona’.

YEREMIA 8:18

Tang kutanan tongan mapa’dikna tu penaangku, lendu’ masussanna penaangku!

YESAYA 38:17

Iatu kamaparrisan kapuaku membalimo kasalamarangku. Puangmo tu ullendokanna’ dio mai patuang lambe’ nanii kaburukan, belanna mintu’ kasalangku Mitibemo lako boko’Mi.

YESAYA 27:8

Miea tu tau iato mai diona kadiula’ina sia kadisuale-palaranna: Nabaamo angin bara’Na Puang, tonna liu bara’ matallo.

2 DATU 20:1

Allo iato masanna’mi sakinna tu Hizkia, la mate mannamo; saemi nabi Yesaya, anakna Amos, mennolo lako datu, anna ma’kada nakua: Inde sia tu kadanNa PUANG: Mepasanmokomi lako mintu’ to lan tongkonan layukmi, belanna la matekomi sia tae’mo mila tuo.

YEREMIA 45:3

Mukua ma’kada: A’a dikka’ tu kaleku, belanna iatu kamaparrisangku Narangnganniomo PUANG kamasussan, boyo’ tontong sumarro sia tang rapa’mo penaangku.

FILIPI 2:26

lendu’ mamali’na lako kamu sola nasang, sia ma’rundede duka penaanna tu belanna mirangimo kumua masaki.

FILIPI 2:28

Iamoto angku pakadomi’i kusua mati’, dikua anna parannu penaammi sule ke sitirokomi sia anna maringngan-ringngan duka tu kamasussangku.