FILIPI 2:21 - Sura' Madatu

²¹ Belanna pantan kalena manna natiroan, tangia diona Kristus Yesu.

FILIPI 2:21 Referans Kwoze

1 KORINTUS 10:24

Melo ke tae’i misa’ tau untiroan misa la napomelona kalena, sangadinna la napomelona to senga’.

MATIUS 16:24

Tonna iato Nakuami Yesu lako anak gurunNa: Iake denni tau la morai undi urrundu’Na’, la ussa’biangan kalena sia unnendekan kayu pea’ta’na, naundi urrundu’Na’.

FILIPI 2:4

Da ammi pantan umpoinaa misa kalemi, sangadinna diona duka to senga’.

2 TIMOTIUS 3:2

Belanna buda tau la tuo misa sia ungkailui doi’, untendeng kalena, madao penaa, umpalele beko tau, umbali-bali indo’-ambe’na, tang ma’kurre sumanga’ sia tang mekaaluk;

1 KORINTUS 10:33

susi aku umpopa’lalan penaanna mintu’ tau lan mintu-mintu’na, tae’ kudakaran la napomelona misa kaleku, sangadinna la napomelona to buda, kumua anna makarimman.

1 KORINTUS 13:5

tang umpogau’ mesirisanna, tang untiroan misa kalena, tang mato’do’, tang umpangannan tau;

LUKAS 14:26

Iake to la sae lako Kaleku natae’ nakabiri’ indo’ ambe’na sia bainena sia anakna sia siulu’na muane na baine, ontongrika katuoanna, iato tau iato tae’ nama’din dadi anak gurungKu.

YESAYA 56:11

Sia asu iate soko, tae’ natandai dia’; iatu tau iato mai iamoto mangkambi’ tang makaritutu, pada unturu’ kalena lalanna, pada umparinaa kalena sarona, tae’ misa’i dipasalian rinding.

2 TIMOTIUS 4:10

Apa natampemo’ Demas, belanna napalosongmo te lino sia malemo ia lako Tesalonika; na iatu Kreskes male lako Galatia, na Titus male lako Dalmatia;

2 KORINTUS 1:5

Belanna tumba tu kamaparrisanNa Kristus ungkabu’kan, susi dukamoto tu pa’pakatanangki pakabu’ belanna Kristus.

2 TIMOTIUS 4:16

Iatonna bunga’ pebalingku tae’ bang tau misa’ tundu dio kaleku, sangadinna natampe nasangna’; kenna da siamo nadipamatana’ lako kalena tu iannato.

PENGGAURANNA RASULU’ 15:38

Apa nasanga Paulus tae’ namelo ke nasolanni tu to mangkamo untampei sola duai dio Pamfilia, tae’ namale sola umpogau’i tu pengkarangan iato.

PENGGAURANNA RASULU’ 13:13

Malemi tu Paulus sola tu to nasikaloliran massombaran dio mai Pafos nasae lako Perga dio tana Pamfilia. Messarakmi tu Yohanes dio mai tinde tau, nasule lako Yerusalem.

MALEAKHI 1:10

Melo ke den misa’ tau dio kalemi, tu untutu’ ba’ba, kumua da mipadukku punala bang api dao inan pemalarangKu! Tae’ nakalo’komi penaangKu, kadanNa PUANGna mintu’ ma’dandan maritik, sia tae’ Kuporai tu pemala’ natangke limammi.

2 TIMOTIUS 1:15

Muissan sia te iannate kumua mintu’nato dio tana Asia memboko’mo dio mai kaleku; iatu tau iato, Figelus misa’ anna Hermogenes.

2 DATU 12:6

Apa iatonna ma’duangpulo ntallu taunna ma’parenta tu Yoas tae’ bangsia napemeloi to minaa tu mai sanggangna dio lu banua kabusungan.