FILIPI 2:19 - Sura' Madatu

¹⁹ Apa urrannuanna’ pangeloranNa Puang Yesu, la ussuana’ Timotius madomi’ mati’, anna matana penaangku, to ke kuissanmi tu mintu’ torro ke’de’mi.

FILIPI 2:19 Referans Kwoze

1 KORINTUS 4:17

Iamo bannangna to angku suai lako kalemi tu Timotius, tu anak pa’kaboro’ku sia maruru’ diona Puang; iamo la umpakilalakomi tu diona mintu’ lalanku lan Kristus (Yesu) susitu kupa’pangadaranna lan lu mintu’ kombongan to Sarani la umba-umba nii.

1 TESALONIKA 3:2

Angki sua Timotius siulu’ta, iamo misa’ to ma’kamayanNa Puang Matua lan kadipalolanganna Kareba-kaparannuanNa Kristus, la umpakananna’ sia umpakilalakomi diona kapatonganammi,

FILIPI 1:1

Iate sura’ lu dio mai Paulus na Timotius, taunNa Kristus Yesu diparampo lako mintu’ to masallo’ lan Kristus Yesu dio Filipi sia mintu’ to ma’panundu’ sia pa’kamaya.

FILIPI 2:28

Iamoto angku pakadomi’i kusua mati’, dikua anna parannu penaammi sule ke sitirokomi sia anna maringngan-ringngan duka tu kamasussangku.

YAKOBUS 4:15

Sangadinna sipatukomi ma’kada kumua: Ke Napoelo’i Puang Matua, anta tuo sia umpogau’i te ba’tu iato.

2 TIMOTIUS 1:12

Iamo bannangnato, angku perasai dukai te mintu’nate. Apa tae’ duka kupomasiri’i, belanna kuissan kumua minda tu kupatonganmo sia kukatappa’i, kumua Iamo kuasa la ungkarimmanni tu apa kupa’peannan landa’ lako tu Allo iato.

2 TESALONIKA 1:3

E sangsiulurangku, sipatukanni tontong ma’kurre sumanga’ langngan Puang Matua diona kamu, susitu sielle’na siamo, belanna sakendek-kendekna tu kapatonganammi sia iatu kasialamaseammi tang dikemba’mo lako kamu simisa’-misa’mi sola nasang,

EFESUS 1:13

Ia duka minii lan, tommi mangka urrangi kada kamanapparan iamotu Kareba-kaparannuan kamakarimmanammi; lan duka Kalena minii ditoding Penaa Masallo’ tu diallu’, tommi ma’patonganmo.

ROMA 16:21

Salama’na Timotius, sangayokaku lan pentoeangku, lako kalemi, sia salama’na sangsukungku Lukius na Yason anna Sosipater.

ROMA 15:12

Sia nakua Yesaya: La bu’tu tu uaka’na Isai, sia Iamotu la bendan umparenta mintu’ to kapere’; Iamo la naposedanan rannu to kapere’.

MATIUS 12:21

Anna iatu sanganNa narannuan mintu’ to kapere’.

YEREMIA 17:5

Inde sia tu kadanNa PUANG Nakua: Tampakan ropu tu to urrannuan tolino sia tu umpotakia’ duku’ sia untoyangan penaanna dio mai Puang.

1 PETRUS 1:21

bannang diomora Kristus, ammi patongan Puang Matua, tu umpamalimbangunNi dio mai to’ to mate sia Naba’gi kamala’biran, naurunganni lu lako Puang Matua tu kapatonganammi sitonda kapa’rannuanammi.

PENGGAURANNA RASULU’ 16:1

Saemi lako Derbe sia lako Listra. Denmi dio tu to menturu’ disanga Timotius anakna misa’ baine to Yahudi ma’patongan, apa iatu ambe’na to Yunani.

FILIPI 2:18

susi dukamoto la parrannukomi sia sendeki’ sola.

1 TESALONIKA 3:5

Iamo bannangnato, natae’ tonganmo kutananni tu mamali’ku, kusuami mati’, kumua angku issanni tu kapatonganammi, belanna magiangna’, kumua mangkamokomi manii naroso to paroso, anna lao salamo tu kamara’tasangki.