FILIPI 2:16 - Sura' Madatu

¹⁶ ammi pa’petiroanni tu kada katuoan, angku massattuan, ke alloNa Kristus, kumua iatu kapassilombangku sia kamara’tasangku tae’ nalao sala.

FILIPI 2:16 Referans Kwoze

1 KORINTUS 9:26

Iamoto angku ma’dondo-dondo te, tae’ kumua ma’dondo-dondo tang ma’rundunanna’. Susi dukato tu pebusukku, tae’ kumua kutambusukanni angin,

GALATIA 2:2

Iatu kalaoangku langngan, pa’patudu-tudunNa duka Puang Matua, angku pamanassanni tau iato tu Kareba-kaparannuan kupa’peissanan dio lu to kapere’, ondonganna lako to katandan, dikua da anna torro sala tu kamara’tasangku, la iate totemona la iatu lendu’namo.

1 YOHANES 1:1

Iatu apa denmo tempon dio mai, tu kirangimo, tu nata’paimo matangki, tu mangkamo kitiro sia mangkamo nakaka’ limangki iamotu diona Bisara katuoan,

2 KORINTUS 1:14

susitu kamiissanangkimo sidi’, to kumua mipopassattuangkan, ten dukato tu kamu kipopassattuangkomi, ke alloNa Puangta Yesu.

YOHANES 6:68

Nakuami Simon Petrus mebali lako: O Puang, minda pole’ra la kinii loo? Puang mannari tu unnampui tu kada nanii katuoan tontong sae lakona.

1 TESALONIKA 3:5

Iamo bannangnato, natae’ tonganmo kutananni tu mamali’ku, kusuami mati’, kumua angku issanni tu kapatonganammi, belanna magiangna’, kumua mangkamokomi manii naroso to paroso, anna lao salamo tu kamara’tasangki.

YOHANES 6:63

Penaari ia tu ma’patuo, iatu kale tae’ ia bua’na. Iatu kada mangka Kupokadangkomi, iamoto tu penaa sia katuoan.

LUKAS 12:8

Sia Kukua lako kalemi: Minda-minda tu unnakuNa’ dio tingayona tau, ia dukamo la Naaku Anak rampan dilino dio tingayona mintu’ malaeka’Na Puang Matua;

IBRANI 4:12

Belanna iatu kadanNa Puang Matua tuo sia maatang sia mandu mataran anna pa’dang kemata patomali, sia mandalan pa’kandeanna, naurunganni umpasisarak sumanga’ anna penaa, sia lesokan anna utak buku lampa, sia naissan umpelalan tangnga’ sia lalan penaa.

1 PETRUS 1:23

belanna mangkamokomi didadian pole tangia kumua dio mai taruk la sanggang, sangadinna tang la sanggang, tete dio kada marendengNa sia matontonganNa Puang Matua.

1 TESALONIKA 2:19

Belanna mindara tu kiporannu ba’tu kiposende ba’tu kipomakota passattuan? Tang kamu dukaraka dio oloNa Puangta Yesu ke attu kasaeanNai?

GALATIA 4:11

Kukaselangangkomi, kumua iamo ke la tae’ lenni bua’na tu kamara’tasangku lako kalemi.

YESAYA 49:4

Apa kukua: Tae’ gai’ku mara’ta’, tae’ bua’ku sia tang kebattuan umpura-purai kamatotorangku. Apa iatu taaku dio Ia PUANG sia iatu saro ra’ta’ku dio Ia Kapenombangku.

PA’PUDIAN 71:17

O Puang Matua, Miada’imo’ tempon dio mai bitti’ku, nasae lako totemo kupa’peissanan tu mintu’ penggauran kalle-kalleamMi.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

PENGGAURANNA RASULU’ 13:26

Kamu tu siulu’ki, tarukna Abraham sia mintu’mi tu ungkataku’Na Puang Matua, diparampomo lako kaleta tu kareba-kamakarimmanan iate.

MATIUS 10:27

Iatu Kupokadannakomi lan malillinna, la mipokada lan to’ maserona; sia iatu dipa’bisikanna dio to’ talingammi, la mipetamban dao mai bubungan banua.

PA’PUDIAN 40:9

O Kapenombangku, kuporai umpogau’i tu naalanna penaamMi, sia iatu sukaran alukMi manda’ kupariba’teng.

1 KORINTUS 1:8

Ia dukamo la umpabatta’komi sae lako ma’katampakanna, naurunganni tae’ sayuammi to ke alloNa Puangta Yesu Kristus.

FILIPI 1:6

Kukatappa’i te iannate, kumua Puang Matua tu mangka umparanduk misa’ pengkarangan melo dio kalemi, Ia duka la umpasundunni sae lako alloNa Yesu Kristus.

FILIPI 1:10

Miurunganni paissan ussudii umbanna tu ma’iringanna, ammi masero sia tae’ mima’pamatana’ landa’ lako alloNa Kristus.