FILIPI 1:28 - Sura' Madatu

²⁸ Da naden misa’ apa nanii umpaselangkomi to unneakomi, tu manassa lako kalena mendadi tanda kasanggangan, apa lako kamu tanda kamakarimmanan, tu lu dio mai Puang Matua.

FILIPI 1:28 Referans Kwoze

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

YESAYA 51:7

PerangiiNa’, e kamu to untandai kamaloloan, e bangsa unnanna rara’ Sukaran alukKu lan penaanna. Da mikataku’i tu pelo’bona tolino sia da mipotirambanni tu pebe’sena tau iato mai.

ROMA 8:17

Iake anakki’, ma’mana’ dukaki’, iamotu mana’ dio mai Puang Matua sia pada ma’mana’ki’ Kristus, ke umperasaiki’ kamaparrisan sola, anta pada dipakala’bi’duka.

IBRANI 13:6

Naurungan batta’ki’ ma’kada, kumua: Puangmo tu To patunduangku, tae’ kula mataku’ len. Apara la nagauranna’ telino?

YESAYA 12:2

Inang Puang Matua tu oto’na kamakarimmanangku, marannuna’, sia tae’ kumataku’, belanna PUANG PUANG tu oto’na kamatotorangku sia pa’pudiangku sia Iamo kupomakarimman.

KADA OMBO’ LAKO RASULU’ YOHANES 2:10

Da mukataku’i tu mintu’ kadipakario-rioan la muperasai. Tiromi, iatu deata bulituk la napatamakomi pa’tarungkuan pira, anna rosokomi, sia la dipakario-riokomi sangpulo allona. Apa batta’ko sae lako matemu, angKu benko tu makota katuoan iato.

1 TESALONIKA 2:2

Tonganna kumua dolona umperasaikan kamaparrisan sia kadipakario-rioan dio Filipi, susitu miissanna, apa tete dio Kapenombanta angki barani duka umpa’peissananni tu Kareba-kaparannuanNa Puang Matua lako kalemi, moi anna lan peatang maparrang.

LUKAS 3:6

sia mintu’na ma’rupa tau la untiro kasalamaran dio mai Puang Matua.

YESAYA 51:12

Aku, Akumo tu umpakatanako; ma’patumbaroko ammu kataku’ri tu tolino inang la mate, sia ma’rupa tau tu sangtinti riu dibela’i!

KADADIAN 49:18

Umpeagina’ kamakarimmanan tu bu’tu dio mai Kalemi, o PUANG!

PENGGAURANNA RASULU’ 28:28

Iamoto la miissan kumua iate kamakarimmanan lu dio mai Puang Matua diparampo lako to kapere’; tau iamoto mai tu la umperangii.

PA’PUDIAN 50:23

Minda-minda tu umpennoloan pa’kurre sumanga’, iamo umpakala’bi’Na’, sia iatu to malolo lalanna, la Kupakitan kasalamaran lu dio mai Puang Matua.

YOHANES 16:8

IanNa sae Iamo la umpamanassai lako issinna te lino tu diona kasalan sia kamaloloan sia ukungan;

MARKUS 3:3

Nakuami Yesu lako tu to kope limanna sangbali: Ke’de’ko lan tangnga-tangnga.